സർ സയ്യിദിന്റെ 200-ാം ജന്മ വാർഷികാഘോഷം ഇന്ന്
തേഞ്ഞിപ്പലം: പ്രമുഖ സാമൂഹിക പരിഷ്കർത്താവും അലിഗഢ് മുസ്ലിം സർവകലാശാല സ്ഥാപകനുമായ സർ സയ്യിദ് അഹമ്മദ്ഖാന്റെ ഇരുനൂറാം ജന്മ വാർഷികം ഇന്ന് കാലിക്കട്ട് സർവകലാശാലയിൽ ആഘോഷിക്കും. സർവകലാശാലാ വിദ്യാഭ്യാസ പഠനവകുപ്പുമായി സഹകരിച്ച് സി.എച്ച്. മുഹമ്മദ്കോയ ചെയറാണ് പരിപാടി സംഘടിപ്പിക്കുന്നത്.
വൈകുന്നേരം മൂന്നിന് സർവകലാശാലാ സെമിനാർ കോംപ്ലക്സിൽ ഇ.ടി. മുഹമ്മദ് ബഷീർ എംപി ഉദ്ഘാടനം നിർവഹിക്കും. വൈസ് ചാൻസലർ ഡോ.കെ. മുഹമ്മദ് ബഷീർ അധ്യക്ഷത വഹിക്കും. അലിഗഢ് സർവകലാശാലാ മുൻ വൈസ് ചാൻസലർ ഡോ.പി.കെ. അബ്ദുൾ അസീസ് മുഖ്യപ്രഭാഷണം നടത്തും. സർ സയ്യിദിനെക്കുറിച്ച് മലയാള പുസ്തകം എഴുതിയ എം.ഐ. തങ്ങളെ പി.കെ. അബ്ദുറബ് എംഎൽഎ ആദരിക്കും. സെമിനാറിൽ സർ സയ്യിദിന്റെ ദർശനങ്ങളേയും സംഭാവനകളെയും ആസ്പദമാക്കി എംഇഎസ് സംസ്ഥാന പ്രസിഡന്റ് ഡോ.പി.എ. ഫസൽ ഗഫൂർ, പി.വി. അബ്ദുൾ വഹാബ് എംപി, ടി.എ. അഹമ്മദ് കബീർ എംഎൽഎ, സർവകലാശാലാ രജിസ്ട്രാർ ഡോ.ടി.എ. അബ്ദുൾ മജീദ്, വിദ്യാഭ്യാസ വിചക്ഷണൻ ഡോ.സി.എൻ. ബാലകൃഷ്ണൻ നന്പ്യാർ, ഡോ.ഹുസൈൻ രണ്ടത്താണി, അലിഗഢ് വാഴ്സിറ്റി പൂർവവിദ്യാർഥി സംഘടനാ പ്രസിഡന്റ് എം. അയ്യൂബ് എന്നിവർ പ്രസംഗിക്കും.
എംഎസ് സി കംപ്യൂട്ടർ സയൻസ് റാങ്ക് ലിസ്റ്റ്/കൗണ്സലിംഗ്
തേഞ്ഞിപ്പലം: കാലിക്കട്ട് സർവകലാശാല എംഎസ് സി കംപ്യൂട്ടർ സയൻസ് റാങ്ക് ലിസ്റ്റ് (രണ്ടാമത്തെ) പ്രസിദ്ധീകരിച്ചു. കൗണ്സലിംഗ് ഈ മാസം 20ന് രാവിലെ 10.30ന് സർവകലാശാലാ സിസിഎസ്ഐടിയിൽ നടക്കും. സർട്ടിഫിക്കറ്റുകളും അനുബന്ധ രേഖകളും സഹിതം ഹാജരാകണം. ആദ്യ റാങ്ക് ലിസ്റ്റുകാർക്കും പങ്കെടുക്കാം. ഫോണ് : 0494 2407422.
എക്സാമിനേഴ്സ് മീറ്റിംഗ്
തേഞ്ഞിപ്പലം: കാലിക്കട്ട് സർവകലാശാല നാലാം സെമസ്റ്റർ ബിഎസ് സി ഫിസിക്സ് (കോംപ്ലിമെന്ററി) ഏപ്രിൽ 2017 പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് കോഴിക്കോട്/വയനാട് ജില്ലകളിലെ അധ്യാപകർ 19ന് രാവിലെ 10.30ന് കോഴിക്കോട് ഗുരുവായൂരപ്പൻ കോളജിൽ ഹാജരാകണം.
നാലാം സെമസ്റ്റർ ബിഎസ് സി മൈക്രോബയോളജി ഏപ്രിൽ 2017 പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് പാലക്കാട്, തൃശൂർ, മലപ്പുറം, കോഴിക്കോട്, വയനാട് ജില്ലകളിലെ അധ്യാപകർ 20ന് രാവിലെ 10.30ന് പരീക്ഷാഭവനിൽ ഹാജരാകണം.