കാലിക്കട്ട് സർവകലാശാല വിദൂരവിദ്യാഭ്യാസം മൂന്ന്, നാല് സെമസ്റ്റർ എംകോം ഏപ്രിൽ/മേയ് പരീക്ഷയുടെ വൈവാ വോസി, പ്രോജക്ട് മൂല്യനിർണയം എന്നിവ 21ന് നടക്കും. വെബ്സൈറ്റിൽ നിന്ന് വൈവ ഷെഡ്യൂൾ പരിശോധിച്ച് നിശ്ചിത തിയതിക്ക് അതത് കോണ്ടാക്ട് ക്ലാസ് കേന്ദ്രത്തിൽ ഹാജരാകണം.
ഐഇടി ഇന്റേണൽ ഇംപ്രൂവ്മെന്റ് പരീക്ഷ
കാലിക്കട്ട് സർവകലാശാലാ എൻജിനിയറിംഗ് കോളജിലെ (സിയുഐഇടി) ബിടെക് മൂന്ന്, അഞ്ച്, ഏഴ് സെമസ്റ്റർ ഇന്റേണൽ ഇംപ്രൂവ്മെന്റ് പരീക്ഷയ്ക്ക് അപേക്ഷിച്ചവർ 25ന് രാവിലെ 10നും 11നും ഇടയ്ക്ക് അതത് ഡിപ്പാർട്ടുമെന്റ് മേധാവിയുമായി ബന്ധപ്പെടണം.
കേരളത്തിനു പുറത്തുള്ള കേന്ദ്രങ്ങളിലെ പരീക്ഷാഫലം
കാലിക്കട്ട് സർവകലാശാലയുടെ വിദേശത്തും കേരളത്തിനു പുറത്തുമുള്ള കേന്ദ്രങ്ങളിലെ (മുംബൈ, ഹൈദരാബാദ് കേന്ദ്രങ്ങളിലെ ഒഴികെ) വിദൂരവിദ്യാഭ്യാസം ബികോം/ബിബിഎ (എഒ സീരീസ്) അഞ്ചാം സെമസ്റ്റർ (ഫെബ്രുവരി 2017), ആറാം സെമസ്റ്റർ (ജൂണ് 2017) (സിയുസിബിസിഎസ്എസ്) റഗുലർ പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 21 മുതൽ 31 വരെ അപേക്ഷിക്കാം. പ്രിന്റൗട്ട്, ചലാൻ സഹിതം നവംബർ 15നകം ലഭിക്കണം.
ബിഎംഎംസി പ്രാക്ടിക്കൽ മാറ്റി
കാലിക്കട്ട് സർവകലാശാല മൂന്ന്, നാല് സെമസ്റ്റർ ബിഎംഎംസി പ്രാക്ടിക്കൽ പരീക്ഷ 21ലേക്ക് മാറ്റി. സ്റ്റോർ നടത്തിപ്പിനു വനിതകൾക്ക് 20 വരെ അപേക്ഷിക്കാം
കാലിക്കട്ട് സർവകലാശാലാ ലേഡീസ് ഹോസ്റ്റലിൽ ടീ/കോഫി വെൻഡിംഗ് മെഷീൻ, ഫോട്ടോസ്റ്റാറ്റ് സഹിതം സ്റ്റോർ നടത്തിപ്പിനായി വനിതകളിൽ നിന്ന് അപേക്ഷ സ്വീകരിക്കുന്ന അവസാന തിയതി 20ന് 2.30 വരെ നീട്ടി. അപേക്ഷ അന്ന് മൂന്ന് മണിക്ക് എത്തിച്ചേർന്നവരുടെ സാന്നിധ്യത്തിൽ തുറക്കുന്നതാണ്.
ഭിന്നശേഷിക്കാർക്ക് ശിൽപ്പശാല
കാലിക്കട്ട് സർവകലാശാലാ മനഃശാസ്ത്ര വിഭാഗത്തിലെ സിഡിഎംആർപി പദ്ധതിയുടെ ഭാഗമായി തിരുവനന്തപുരം നാഷണൽ കരിയർ സെന്ററിന്റെ സഹകരണത്തോടെ 15 വയസിന് മുകളിലുള്ള ഭിന്നശേഷിക്കാർക്കായി 20ന് തൊഴിൽ പരിശീലന പദ്ധതികളെക്കുറിച്ച് ശിൽപ്പശാല നടത്തും. മനഃശാസ്ത്ര വിഭാഗം ഹാളിലാണ് പരിപാടി. രജിസ്ട്രേഷന്: 9526370222.