ബിഡിഎസ്, നഴ്സിംഗ് കഴിഞ്ഞവർക്ക് ഫോറൻസിക് കോഴ്സ്
ഫോറൻസിക് സയൻസ് മേഖലയിൽ ഉയർന്ന നിലവാരമുള്ള വ്യത്യസ്തമായ കോഴ്സുകൾ നടത്തുന്നതിനു ഗുജറാത്ത് സർക്കാർ 2008ൽ രൂപീകരിച്ചതാണു ഗുജറാത്ത് ഫോറൻസിക് യൂണിവേഴ്സിറ്റി. ഉയർന്ന ഭൗതിക സാഹചര്യങ്ങളുടെ പിൻബലത്തിൽ ഫോറൻസിക് സയൻസ്, ബിഹേവിയറൽ സയൻസ്, റിസർച്ച് ആൻഡ് ഡവലപ്മെന്റ് എന്നീ മേഖലകളിൽ വൈവിധ്യമാർന്ന കോഴ്സുകളാണ് യൂണിവേഴ്സിറ്റി നടത്തുന്നത്. പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ.
യൂണിവേഴ്സിറ്റി നടത്തുന്ന എംഎസ്സി ഫോറൻസിക് ഓഡന്റോളജി, പോസ്റ്റ് ബേസിക് ഡിപ്ലോമ ഇൻ ഫോറൻസിക് നഴ്സിംഗ് കോഴ്സുകളിലേക്ക് ഇപ്പോൾ അപേക്ഷിക്കാം. നവംബർ 19 നകം അപേക്ഷിക്കണം. ഡിസംബർ 21 നു ക്ലാസ് ആരംഭിക്കും. ബിഡിഎസുകാർക്കുള്ള എംഎസ്സി ഫോറൻസിക് ഓഡന്റോളജി കോഴ്സിനും നഴ് സിംഗ് കഴിഞ്ഞവർക്കുള്ള ഫോറൻസിക് നഴ്സിംഗിൽ ഡിപ്ലോമ കോഴ്സിനുമാണ് അപേക്ഷിക്കാവുന്നത്.
എംഎസ്സി ഫോറൻസിക് ഓഡന്റോളജി: ആകെ 35 സീറ്റുകളാണുള്ളത്. ഇതിൽ അഞ്ചെണ്ണം വിദേശ ഇന്ത്യാക്കാർക്കായി നീക്കി വച്ചിരിക്കുന്നു. 55 ശതമാനം മാർക്കോടെ ബിഡിഎസ് പാസായവർക്ക് അപേക്ഷിക്കാം. നാലു സെമസ്റ്ററുള്ള രണ്ടു വർഷമാണു കോഴ്സിന്റെ കാലാവധി. ഒരു സെമസ്റ്ററിനു 40,000 രൂപയാണു കോഴ്സ് ഫീസ്. വിദേശ ഇന്ത്യാക്കാർക്ക് 80000 രൂപ. അപേക്ഷാ ഫീസ് 1200 രൂപ. അപേക്ഷകരുടെ എണ്ണം കൂടുതലാണെങ്കിൽ പ്രവേശന പരീക്ഷയുടെ അടിസ്ഥാനത്തിലായിരിക്കും അഡ്മിഷൻ.
പോസ്റ്റ് ബേസിക് ഡിപ്ലോമ ഇൻ ഫോറൻസിക് നഴ്സിംഗ്: കോഴ്സിന് ബിഎസ്സി നഴ്സിംഗ് പാസായവർക്ക് അപേക്ഷിക്കാം. സീറ്റുകളുടെ എണ്ണം 15.
രണ്ടു സെമസ്റ്ററുള്ള ഒരു വർഷമാണു കോഴ്സിന്റെ കാലാവധി. ട്യൂഷൻ ഫീസ് ഒരു സെമസ്റ്ററിന് 30,000 രൂപ. 1200 രൂപയാണ് അപേക്ഷാ ഫീസ്. പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ.
കൂടുതൽ വിവരങ്ങൾക്ക്: ഫോണ്: 9978425121, 9429601439. വെബ്സൈറ്റ്:ww w.gfsu.edu.in.