ഏപ്രിൽ മാസം നടത്തിയ ബിടെക് (2013 സ്കീം) എട്ടാം സെമസ്റ്റർ പരീക്ഷയുടെ (ബയോടെക്നോളജിബയോകെമിക്കൽ ബ്രാഞ്ച് ഒഴികെ ഉള്ളവർ) സൂക്ഷ്മ പരിശോധനയ്ക്ക് അപേക്ഷ സമർപ്പിച്ചിട്ടുള്ള വിദ്യാർഥികൾ ഫോട്ടോ പതിച്ച ഐഡി കാർഡും ഹാൾടിക്കറ്റുമായി ബിടെക് റീ വാല്യുവേഷൻ സെക്ഷനിൽ ഇന്നു മുതൽ 27 വരെയുള്ള പ്രവർത്തി ദിനങ്ങളിൽ ഹാജരാകണം.
വൈവ പരീക്ഷ
ജൂലൈയിൽ നടത്തിയ നാലാം സെമ്സറ്റർ എംഎസ് സി കംപ്യൂട്ടർ സയൻസ് പരീക്ഷയുടെ വൈവ 30, 31 തീയതികളിൽ അതത് കോളജുകളിൽ നടത്തും. വിശദവിവരങ്ങൾ വെബ്സൈറ്റിൽ.
എംബിഎ (എസ്ഡിഇ) ഇന്‍റേണൽ മാർക്ക്
വിദൂരവിദ്യാഭ്യാസ കേന്ദ്രം നടത്തുന്ന എംബിഎ (എസ്ഡിഇ) നാലാം സെമസ്റ്റർ ഇന്‍റേണൽ മാർക്ക് പ്രസിദ്ധീകരിച്ചു. പരാതിയുള്ളവർ ഏഴ് ദിവസത്തിനകം കോർഡിനേറ്ററെ അറിയിക്കണം. ബന്ധപ്പെടേണ്ട നന്പർ. 9995232929.
മാർക്ക് ലിസ്റ്റുകൾ
വിദൂരവിദ്യാഭ്യാസ കേന്ദ്രം 2016 നവംബർ മാസത്തിൽ നടത്തിയ ഒന്നാം സെമസ്റ്റർ എംബിഎ സപ്ലിമെന്‍ററി പരീക്ഷയുടെ മാർക്ക് ലിസ്റ്റുകൾ പാളയം വിദൂരവിദ്യാഭ്യാസ കേന്ദ്രത്തിൽ നിന്നും ഇന്നു മുതൽ ഹാൾടിക്കറ്റും ഡിഗ്രി സർട്ടിഫിട്ടറ്റ് കോപ്പിയും സഹിതം വന്ന് വാങ്ങണം. സൂക്ഷ്മപരിശോധനയ്ക്കുള്ള അവസാന തീയതി 31.
സർവകലാശാലയിൽ പുസ്തക പ്രദർശനം
തേഞ്ഞിപ്പലം: തത്വചിന്തകനായ ഭരണാധികാരി ചരിത്രത്തിൽ വിഖ്യാതമായ വഴിതുറക്കലുകൾക്ക് ഇടയാക്കുമെന്നതിന്‍റെ ഉദാഹരണമാണ് ഷാർജാ ഭരണാധികാരിയും യുഎഇ സുപ്രീം കൗണ്‍സിൽ അംഗവുമായ ഡോ. ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമിയെന്ന് സ്പീക്കർ പി. ശ്രീരാമകൃഷ്ണൻ . സുൽത്താൻ രചിച്ച 48 ഗ്രന്ഥങ്ങളുടെയും വ്യത്യസ്ത ലോക ഭാഷകളിലുള്ള അവയുടെ പരിഭാഷകളുടെയും പ്രദർശനം കാലിക്കട്ട് സർവകലാശാലയിൽ ഉദ്ഘാടനം ചെയ്യുകയായിരുന്നു അദ്ദേഹം.
തത്വചിന്തകനായ രാജാവ് എന്നത് പ്ലാറ്റോയുടെ പ്രശസ്തമായ സങ്കൽപ്പമാണ്. ചിന്താപരമായ പ്രകോപനങ്ങൾകൊണ്ട് സമൂഹത്തെ പ്രചോദിപ്പിക്കാനുള്ള വലിയ സാധ്യതയുമുണ്ടാവുന്നുവെന്നും സ്പീക്കർ പറഞ്ഞു. ഷാർജാ ഭരണാധികാരിയുടെ ഓഫീസ് ചെയർമാൻ ഷെയ്ഖ് സലീം അബ്ദുറഹിമാൻ സലീം അൽ ഖാസിമി മുഖ്യപ്രഭാഷണം നടത്തി. എഴുതപ്പെട്ട അക്ഷരങ്ങൾ മറ്റ് ഏത് ആശയവിനിമയ ഉപാധിയേക്കാളും ശക്തമാണെന്ന് വിശ്വസിക്കുന്ന ഭരണാധികാരിയാണ് ഷാർജാ സുൽത്താനെന്ന് അദ്ദേഹം പറഞ്ഞു. അന്താരാഷ്ട്ര തലത്തിൽ സാംസ്കാരികബന്ധം ശക്തമാക്കുന്നതിൽ ഏറെ തത്പ്പരനാണ് സുൽത്താൻ. ഡോ. ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമിക്ക് കാലിക്കട്ട് സർവകലാശാല 26ന് ഓണററി ഡീലിറ്റ് സമ്മാനിച്ചിരുന്നു.
ചടങ്ങിൽ വൈസ് ചാൻസലർ ഡോ.കെ. മുഹമ്മദ് ബഷീർ അധ്യക്ഷനായിരുന്നു. ഡോ. ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമിയെക്കുറിച്ച് ബോംബെ സർവകലാശാലാ വൈസ് ചാൻസലർ ശശികാന്ത് ഡി. കാർണിക് രചിച്ച "സുൽത്താൻ ഓഫ് കൾച്ചർ’ എന്ന പുസ്തകത്തിന്‍റെ മലയാള പരിഭാഷസംസ്കൃതിയുടെ സുൽത്താൻപി. അബ്ദുൾ ഹമീദ് എംഎൽഎ പ്രകാശനം ചെയ്തു. ഷാർജാ ഇന്ത്യൻ അസോസിയേഷൻ പ്രസിഡന്‍റ് വൈ.എ. റഹീം ഏറ്റുവാങ്ങി. ഡോ.എ.ബി. മൊയ്തീൻകുട്ടി പുസ്തകം പരിചയപ്പെടുത്തി. സിൻഡിക്കറ്റ് അംഗങ്ങളായ ഡോ.ടി.പി. അഹമ്മദ്, കെ.കെ. ഹനീഫ, പ്രോവൈസ് ചാൻസലർ ഡോ.പി. മോഹൻ, രജിസ്ട്രാർ ഡോ.ടി.എ. അബ്ദുൾ മജീദ് എന്നിവർ പ്രസംഗിച്ചു.
സർവകലാശാലാ ലൈബ്രറിയിൽ നടക്കുന്ന പ്രദർശനം 21 വരെ തുടരും. പ്രദർശനത്തിന്‍റെ ഭാഗമായി ലൈബ്രറി ഹാളിൽ 20ന് ആർക്കിയോളജിക്കൽ സർവേ ഓഫ് ഇന്ത്യയുടെ മുൻ ഉത്തരമേഖലാ ഡയറക്‌ടർ ഡോ.കെ.കെ. മുഹമ്മദ്, ഭാരതീയ സാംസ്കാരിക പാരന്പര്യത്തിന്‍റെ സംരക്ഷണത്തെക്കുറിച്ച് പ്രഭാഷണം നടത്തും. 21ന് രാവിലെ പത്തിന് ലൈബ്രറി ഹാളിൽ തുഞ്ചത്ത് എഴുത്തച്ഛൻ മലയാള സർവകലാശാലാ വൈസ് ചാൻസലർ കെ. ജയകുമാർ "സാംസ്കാരിക വിനിമയവും വിജ്ഞാനവും’ എന്ന വിഷയത്തിൽ പ്രഭാഷണം നടത്തും. ചലച്ചിത്ര പ്രദർശനം, കലാപരിപാടികൾ എന്നിവയും പുസ്തക പ്രദർശനത്തിനോടനുബന്ധിച്ച് ഒരുക്കിയിട്ടുണ്ട്. സമാപന പ്രഭാഷണം പി.കെ. അബ്ദുറബ് എംഎൽഎ 21ന് വൈകുന്നേരം 3.30ന് നിർവഹിക്കും.