എംജി പിജി ഏകജാലകം: ഒന്നാം സപ്ലിമെന്‍റററി അലോട്ട്മെന്റ് പ്രസിദ്ധീകരിച്ചു
ഏകജാലകം വഴി 2017ൽ പിജി പ്രവേശനത്തിനുള്ള ഒന്നാം സപ്ലിമെന്‍ററി അലോട്ട്മെന്റ് പ്രസിദ്ധീകരിച്ചു. സപ്ലിമെന്‍ററി അലോട്ട്മെന്റ് ലഭിച്ച അപേക്ഷകർ ഓണ്‍ലൈനായി സർവകലാശാലാ അക്കൗണ്ടിൽ വരേണ്ട ഫീസടച്ച് അലോട്ട്മെന്റ് മെമ്മോയുടെ പ്രിന്‍റൗട്ട് എടുത്ത് യോഗ്യത തെളിയിക്കുന്ന അസൽ സാക്ഷ്യപത്രങ്ങൾ സഹിതം ഇന്ന് വൈകുന്നേരം നാലിനു അലോട്ട്മെന്റ് ലഭിച്ച കോളജിൽ ഹാജരായി പ്രവേശനം നേടേണ്ടതാണ്. 20നകം ഫീസ് ഒടുക്കാത്തവരുടേയും ഫീസൊടുക്കിയശേഷം കോളജിൽ പ്രവേശനം നേടാത്തവരുടെയും അലോട്ട്മെന്റ് റദ്ദാക്കും.
പ്രാക്ടിക്കൽ
ഒന്നാം വർഷ ബിഫാം (റഗുലർ/സപ്ലിമെന്‍ററി) ജൂലൈ 2017 പരീക്ഷയുടെ പ്രാക്ടിക്കൽ നവംബർ മൂന്നിന് ആരംഭിക്കും. വിശദമായ സമയക്രമം സർവകലാശാലാ വെബ്സൈറ്റിൽ ലഭ്യമാണ്.
ഒന്നാം സെമസ്റ്റർ എംടെക് (എല്ലാ ബ്രാഞ്ചുകളും 2012, 2013 & 2014 അഡ്മിഷൻ സപ്ലിമെന്‍ററി, 2011 അഡ്മിഷൻ മേഴ്സി ചാൻസ്) ജൂണ്‍ 2017 പരീക്ഷയുടെ പ്രാക്ടിക്കൽ/വൈവാവോസി 26ന് കാക്കനാട് രാജഗിരി സ്കൂൾ ഓഫ് എൻജിനീയറിംഗ് ആൻഡ് ടെക്നോളജിയിൽ നടത്തും. വിശദമായ സമയക്രമം സർവകലാശാലാ വെബ്സൈറ്റിൽ ലഭ്യമാണ്.
എൻഎസ്എസ് ക്യാന്പ്
നാഷണൽ സർവീസ് സ്കീം വിദ്യാർഥികൾക്കായി 24ന് നടത്താൻ നിശ്ചയിച്ചിരുന്ന പ്രീആർഡി സെലക്ഷൻ ക്യാന്പ് 26ന് രാവിലെ 9.30ന് കോട്ടയം അമലഗിരി ബികെ കോളജിൽ നടത്തും. പങ്കെടുക്കാൻ താല്പര്യമുള്ള എൻഎസ്എസ് വോളണ്ടിയർമാരുടെ പേരുവിവരം 23ന് വൈകുന്നേരം നാലിനു മുന്പ് സർവകലാശാലാ എൻഎസ്എസ് ഓഫീസിൽ ഇമെയിൽ ആയി നൽകണം.
പരീക്ഷാ ഫലം
2017 ഫെബ്രുവരിയിൽ നടത്തിയ അവസാനവർഷ ബിഎസ്സി മോഡൽ ഒന്ന പാർട്ട് രണ്ട് ഫുഡ് സയൻസ് ആൻഡ് ക്വാളിറ്റി കണ്ട്രോൾ (യുജിസി) സപ്ലിമെൻററി/മേഴ്സി ചാൻസ് പരീക്ഷയുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനും 27 വരെ അപേക്ഷിക്കാം.
2017 ഫെബ്രുവരിയിൽ നടത്തിയ രണ്ടാം വർഷ ബിഎസ്സി മോഡൽ ഒന്ന് പാർട്ട് ഒന്ന്, പാർട്ട് മൂന്ന് സബ്സിഡിയറി സപ്ലിമെൻററി/മേഴ്സി ചാൻസ് പരീക്ഷയുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനും ഒക്ടോബർ 27 വരെ അപേക്ഷിക്കാം.
2017 ഏപ്രിൽ മാസത്തിൽ എറണാകുളം ഗവണ്‍മെന്‍റ് ലോ കോളജിൽ നടത്തിയ ഒന്നു മുതൽ നാലു വരെ സെമസ്റ്റർ പഞ്ചവത്സര ബിഎ എൽഎൽബി സപ്ലിമെന്‍ററി (2011നു മുന്പുള്ള അഡ്മിഷൻ) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും നവംബർ രണ്ടു വരെ അപേക്ഷിക്കാം.
2017 ജനുവരിയിൽ നടന്ന ഒന്നാം സെമസ്റ്റർ എംഎസ്സി ആക്ചൂറിയൽ സയൻസ് (റഗുലർ, ഇംപ്രൂവ്മെൻറ്, സപ്ലിമെൻററി) പരീക്ഷാഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനും 26 വരെ അപേക്ഷിക്കാം.
എംജിയിൽ നാളെ പ്രവൃത്തിദിനം
എംജി യൂണിവേഴ്സിറ്റിയിൽ നാക് സന്ദർശനത്തോടനുബന്ധിച്ച് നാളെ പ്രവൃത്തിദിനമായി പ്രഖ്യാപിച്ചു.