കേരള സർവകലാശാല പിജി പ്രവേശനം
സർക്കാർ/എയ്ഡഡ്/ സ്വാശ്രയ കോളജുകൾ/സെന്ററുകളിലെ ഒന്നാം വർഷ ബിരുദാനന്തര ബിരുദ പ്രവേശനത്തിനായി ഇതുവരെയും ഓണ്ലൈൻ രജിസ്ട്രേഷൻ ചെയ്യാൻ സാധിക്കാത്തവർക്ക് ഇന്നു വൈകിട്ട് അഞ്ചു വരെ രജിസ്റ്റർ ചെയ്യാൻ അവസരം നൽകുന്നു.
ഓണ്ലൈനായി രജിസ്ട്രേഷൻ ചെയ്തിട്ടുള്ളവരും എന്നാൽ ഇതുവരെ അഡ്മിഷൻ ലഭിക്കാത്തവരുമായ വിദ്യാർത്ഥികൾക്കുംഇന്നു വൈകിട്ട്അഞ്ചു വരെ സ്വന്തം ഓണ്ലൈൻ അപേക്ഷയിൽ മാറ്റങ്ങൾ വരുത്താം. ഓണ്ലൈൻ അപേക്ഷയിൽ നിലവിൽ നൽകിയിട്ടുള്ള ഓപ്ഷനുകൾ ഒഴികെ മറ്റ് തിരുത്തലുകൾ വരുത്തുന്നതിന് ഈ അവസരം പ്രയോജനപ്പെടുത്താം. നിലവിൽ നൽകിയിട്ടുള്ള ഓപ്ഷനുകളിൽ മാറ്റം വരുത്തുവാൻ അനുവാദമില്ല. ഓണ്ലൈൻ അപേക്ഷയിൽ തിരുത്തലുകൾ വരുത്തുന്നതിന് സർവകലാശാലയെ നേരിട്ട് സമീപിക്കേണ്ടതില്ല. സ്വന്തം നിലയ്ക്ക് അനുവദിച്ചിട്ടുള്ള സമയത്തിനുള്ളിൽ തിരുത്തൽ വരുത്താൻ അപേക്ഷകർ ശ്രദ്ധിക്കേണ്ടതാണ്. നിലവിൽ പ്രവേശനം ലഭിച്ച വിദ്യാർഥികൾക്ക് തിരുത്തലിന് അവസരമില്ല. മാറ്റങ്ങൾ (തിരുത്തലുകൾ) വരുത്തിക്കഴിഞ്ഞവർ ഓണ്ലൈൻ അപേക്ഷയുടെ പുതിയ പ്രിന്റൗട്ട് തുടർ ആവശ്യങ്ങൾക്കായി സൂക്ഷിക്കണം.
ബിടെക് പരീക്ഷ
ഏഴാം സെമസ്റ്റർ ബിടെക് (2013 സ്കീം റഗുലർ2014 അഡ്മിഷൻ) പരീക്ഷയ്ക്ക് ഓണ്ലൈനായി 25 വരെയും 50 രൂപ പിഴയോടെ 27 വരെയും, 125 രൂപ പിഴയോടെ 30 വരെയും അപേക്ഷിക്കാം.
ബിഎഡ് പരീക്ഷ ടൈംടേബിൾ
30 ന് ആരംഭിക്കുന്ന മൂന്നാം സെമസ്റ്റർ ബിഎഡ് 2015 സ്കീം റഗുലർ/സപ്ലിമെന്ററി പരീക്ഷയുടെ ടൈംടേബിൾ വെബ്സൈറ്റിൽ
സപ്ലിമെന്ററി പരീക്ഷാഫലം
വിദൂരവിദ്യാഭ്യാസ കേന്ദ്രം ഏപ്രിൽ, മേയിൽ നടത്തിയ ഒന്നും രണ്ടും സെമസ്റ്റർ സപ്ലിമെന്ററി പരീക്ഷാഫലം പ്രസിദ്ധീകരിച്ചു. പരീക്ഷാഫലം വിദൂരവിദ്യാഭ്യാസ കേന്ദ്രത്തിൽ നിന്നും ലഭിക്കും. പുനർമൂല്യനിർണയത്തിനും സൂക്ഷ്മ പരിശോധനയ്ക്കും 15 വരെ അപേക്ഷിക്കാം.
തീയതി നീട്ടി
തുടർ വിദ്യാഭ്യാസ വ്യാപന കേന്ദ്രം നടത്തുന്ന സർട്ടിഫിക്കേറ്റ് ഇൻ യോഗാ ആന്ഡ് മെഡിറ്റേഷൻ ഈവനിംഗ് കോഴ്സിന് 28 വരെ അപേക്ഷിക്കാം. യോഗ്യത : പ്ലസ് ടു/ പ്രീഡിഗ്രി ജയിച്ചിരിയ്ക്കണം. ഫീസ് : 6000 രൂപ, അപേക്ഷ ഫീസ് : 100 രൂപ . ക്ലാസുകൾ: തിങ്കൾ മുതൽ ശനി വരെ വൈകുന്നേരം അഞ്ചു മണി മുതൽ ഏഴ് മണി വരെ. വിശദ വിവരങ്ങൾക്ക് തിരുവനന്തപുരം പി.എം.ജി ജംഗ്ഷനിലെ സിഎസിഇഇ കേന്ദ്രവുമായി ബന്ധപ്പെടുക. ഫോണ് : 04712302523.
സീറ്റൊഴിവ്
തുടർ വിദ്യാഭ്യാസ വ്യാപന കേന്ദ്രത്തിൽ 28ന് ക്ലാസ് ആരംഭിക്കുന്ന “സർട്ടിഫിക്കറ്റ് ഇൻ ടി.വി. ന്യൂസ് റീഡിംഗ് ആന്ഡ് കോംപയറിംഗ്” കോഴ്സിന് ഏതാനും സീറ്റൊഴിവുണ്ട്. യോഗ്യത : പ്ലസ് ടു/ പ്രീഡിഗ്രി ജയിച്ചിരിയ്ക്കണം. കോഴ്സ് കാലാവധി : മൂന്ന് മാസം, ഫീസ് : 10,000 രൂപ മാത്രം, അപേക്ഷഫീസ് : 150 രൂപ, ക്ലാസുകൾ: ശനി, ഞായർ ദിവസങ്ങളിൽ മാത്രം. വിശദ വിവരങ്ങൾക്ക് തിരുവനന്തപുരം പി.എം.ജി ജംഗ്ഷനിലെ സിഎസിഇഇ കേന്ദ്രവുമായി ബന്ധപ്പെടുക. ഫോണ് : 04712302523.
പ്രൊവിഷണൽ റാങ്ക്ലിസ്റ്റ്
എംഫിൽ അഡ്മിഷന് വേണ്ടിയുള്ള പ്രൊവിഷണൽ റാങ്ക്ലിസ്റ്റ് വെബ്സൈറ്റിൽ പ്രസിദ്ധീകരിച്ചിട്ടുണ്ട്. എസ്എംഎസ് ലഭിച്ചിട്ടുള്ളവർ വെബ്സൈറ്റിൽ ലോഗിൻ ചെയ്ത് അഡ്മിഷൻ മെമ്മോ ഡൗണ്ലോഡ് ചെയ്യണം. യൂണിവേഴ്സിറ്റി പഠനവകുപ്പുകളുടെ അഡ്മിഷൻ 26 നു 10.30 നും യൂണിവേഴ്സിറ്റി കോളജിലെ അഡ്മിഷൻ ഒക്ടോബർ 27 നു 10.30 നും നടക്കും.
എൽഎൽബി ടൈംടേബിൾ
ഒന്നാം സെമസ്റ്റർ, മൂന്നാം സെമസ്റ്റർ (പഞ്ചവത്സരം) (201112 അഡ്മിഷന് മുൻപ്) എൽഎൽബി പരീക്ഷകൾ യഥാക്രമം 23, നവംബർ രണ്ടിന് ആരംഭിക്കും. വിശദമായ ടൈംടേബിൾ വെബ്സൈറ്റിൽ.
പരീക്ഷാ ഫലം
തുടർവിദ്യാഭ്യാസ വ്യാപനകേന്ദ്രം സംഘടിപ്പിച്ച സർട്ടിഫിക്കറ്റ് ഇൻ യോഗാ ആന്ഡ് മെഡിറ്റേഷൻ കോഴ്സിന്റെ പരീക്ഷയുടെ ഫലം പ്രസിദ്ധീകരിച്ചു.
പ്രാക്ടിക്കൽ പരീക്ഷകൾ
ജൂലൈയിൽ നടത്തിയ നാലാം സെമസ്റ്റർ എംഎസ്സി പോളികെമിസ്ട്രി പരീക്ഷയുടെ പ്രാക്ടിക്കൽ 24 നും വൈവ 30 നും എംഎസ്സി കെമിസ്ട്രി പരീക്ഷയുടെ പ്രാക്ടിക്കൽ 24 നും വൈവ നവംബർ എട്ടിനും എംഎസ്സി മെഡിസിനൽ കെമിസ്ട്രി പരീക്ഷയുടെ പ്രാക്ടിക്കൽ 24നും വൈവ നവംബർ മൂന്നിനും എംഎസ്സി ജ്യോഗ്രഫി പരീക്ഷയുടെ പ്രാക്ടിക്കൽ 30 നും വൈവ നവംബർ ഒന്നിനും എംഎസ്സി ബയോകെമസ്ട്രി പരീക്ഷയുടെ പ്രാക്ടിക്കൽ നവംബർ ഒന്നിനും വൈവ നവംബർ മൂന്നിനും എംഎസ്സി സ്റ്റാറ്റിറ്റിക്ക്സ് പരീക്ഷയുടെ പ്രാക്ടിക്കൽ നവംബർ ഒന്നിനും വൈവ നവംബർ 14നും ആരംഭിക്കും. വിശദവിവരങ്ങൾ വെബ്സൈറ്റിൽ.
വൈവവോസി പരീക്ഷ
ജൂലൈയിൽ നടത്തിയ നാലാം സെമസ്റ്റർ എംഎസ്സി ഹോംസയൻസ് പരീക്ഷയുടെ വൈവ പരീക്ഷ 23, 27, 30 എന്നീ തീയതികളിൽ നടത്തും. കൂടാതെ 24 മുതൽ 27 വരെയുള്ള തീയതികളിൽ പ്രാക്ടിക്കലും വിവിധ കേന്ദ്രങ്ങളിൽ വച്ച് നടത്തും. വിശദവിവരങ്ങൾ വെബ്സൈറ്റിൽ
പ്രാക്ടിക്കൽ വൈവവോസി പരീക്ഷ
ജൂലൈയിൽ നടത്തിയ നാലാം സെമസ്റ്റർ എം.എസ്സി സൈക്കോളജി പരീക്ഷയുടെ പ്രാക്ടിക്കലും, വൈവയും 25 മുതൽ നവംബർ ഒന്നു വരെയും എംഎ ഇക്കണോമിക്സ് പരീക്ഷയുടെ വൈവാവോസി പരീക്ഷ 30 മുതൽ നവംബർ രണ്ടു വരെയും എംഎ ബിസിനസ് ഇക്കണോമിക്സ് പരീക്ഷയുടെ വൈവാവോസി നവംബർ രണ്ടിനും നടത്തും. വിശദമായ ടൈംടേബിൾ വെബ്സൈറ്റിൽ
എംസിഎ പരീക്ഷ
അഞ്ചാം സെമസ്റ്റർ എംസിഎ (2011 സ്കീം സ്പെഷൽ സപ്ലിമെന്ററി) പരീക്ഷയുടെ ഓണ്ലൈൻ രജിസ്ട്രേഷൻ ആരംഭിച്ചു. വിശദവിവരങ്ങൾ വെബ്സൈറ്റിൽ.
ബിആർക്ക് പരീക്ഷ
ഒന്നും രണ്ടും സെമസ്റ്റർ ബിആർക്ക് സപ്ലിമെന്ററി (2013 സ്കീം) പരീക്ഷയുടെ ഓണ്ലൈൻ രജിസ്ട്രേഷൻ ആരംഭിച്ചു. വിശദവിവരങ്ങൾ വെബ്സൈറ്റിൽ.