ബിസിഎ (വിദൂര വിദ്യാഭ്യസം) പ്രായോഗിക പരീക്ഷകൾ
കണ്ണൂർ സർവകലാശാലയുടെ ഒന്നും രണ്ടും വർഷ ബിസിഎ (വിദൂര വിദ്യാഭ്യസം റഗുലർ/സപ്ലിമെന്ററി ഏപ്രിൽ 2017) ഡിഗ്രിയുടെ പ്രായോഗിക പരീക്ഷയ്ക്ക് കാസർഗോഡ് ദേളി സാദിയ ആർട്സ് ആൻഡ് സയൻസ് കോളജ് കേന്ദ്രമായിട്ടുള്ള വിദ്യാർഥികൾ കോളിയടക്കത്തുള്ള സാദിയ ആർട്സ് ആൻഡ് സയൻസ് കോളജിൽ പ്രസ്തുത പരീക്ഷയ്ക്ക് ഹാജരാകണം.
എംഎസ്സി മാത്തമാറ്റിക്സ് (വിദൂര വിദ്യാഭ്യാസം) വാചാ പരീക്ഷ
രണ്ടാം വർഷ എംഎസ്സി മാത്തമാറ്റിക്സ് (വിദൂര വിദ്യാഭ്യാസം) (റഗുലർ/ സപ്ലിമെന്ററി/ഇംപ്രൂവ്മെന്റ് ജൂണ് 2017) ഡിഗ്രിയുടെ വാചാ പരീക്ഷ 30ന് താവക്കര സർവകലാശാലാ ആസ്ഥാനത്ത് നടക്കും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
ബി ടെക് ഏഴാം സെമസ്റ്റർ പ്രായോഗിക പരീക്ഷകൾ
ഏഴാം സെമസ്റ്റർ ബിടെക് (സപ്ലിമെന്ററി/ഇംപ്രൂവ്മെന്റ് ജൂലൈ 2017) ഡിഗ്രിയുടെ സിവിൽ എൻജിനിയറിംഗ്, ഇലക്ട്രിക്കൽ ആൻഡ് ഇലക്ട്രോണിക്സ് എൻജിനിയറിംഗ് വിഭാഗം പ്രായോഗിക പരീക്ഷകൾ 25, 26, 27 തീയതികളിൽ വിവിധ കേന്ദ്രങ്ങളിൽ നടക്കും. പരീക്ഷയ്ക്ക് അപേക്ഷിച്ച വിദ്യാർഥികൾ അതത് പരീക്ഷാകേന്ദ്രങ്ങളുമായി ബന്ധപ്പെടണം.