ബിഎ/ബികോം ഓപ്പണ് സ്ട്രീം പ്രവേശന പരീക്ഷ ഇന്ന്
വിദൂരവിദ്യാഭ്യാസ വിഭാഗം അടിസ്ഥാന വിദ്യാഭ്യാസ യോഗ്യതയില്ലാത്തവർക്കായി നടത്തുന്ന ബിഎ/ബികോം ഓപ്പണ് സ്ട്രീം പ്രവേശന പരീക്ഷ ഇന്ന് രാവിലെ ഒന്പതിന് താഴെ കൊടുത്ത കേന്ദ്രങ്ങളിൽ നടക്കും.
ഹാൾടിക്കറ്റ് ലഭിക്കാത്തവർക്ക് ഏറ്റവും അടുത്തുള്ള പരീക്ഷാ കേന്ദ്രത്തിൽ ഹാജരായാൽ പരീക്ഷ എഴുതാം. തൃശൂർ സെന്റ് തോമസ് കോളജ്, തൃശൂർ ശ്രീ കേരളവർമ്മ കോളജ്, മണ്ണാർക്കാട് എംഇഎസ് കല്ലടി കോളജ്, മലപ്പുറം ഗവ. കോളജ്, വളാഞ്ചേരി എംഇഎസ് കെവിഎം കോളജ്, കോഴിക്കോട് ഗവ. ആർട്സ് ആൻഡ് സയൻസ് കോളജ്, മടപ്പള്ളി ഗവ. കോളജ്, വയനാട് മുട്ടിൽ ഡബ്ല്യൂഎംഒ കോളജ്.
വിദൂരവിദ്യാഭ്യാസം പ്രവേശനം
വിദൂരവിദ്യാഭ്യാസം ഡിഗ്രി, പിജി പ്രോഗ്രാമുകളിൽ പ്രവേശനത്തിന് നാളെ മുതൽ ഓണ്ലൈനിൽ അപേക്ഷിക്കാം. ഫോണ്: 0494 2400288.
പിജി സീറ്റ് ഒഴിവ്
ഹിന്ദി പഠനവകുപ്പിൽ എംഎ ഹിന്ദിക്ക് എസ്സി (ഒന്ന്), എസ്ടി (രണ്ട്) വിഭാഗങ്ങളിൽ സീറ്റ് ഒഴിവുണ്ട്. ക്യാപ് രജിസ്ട്രേഷനുള്ളവർ നാളെ രാവിലെ 10.30ന് സർട്ടിഫിക്കറ്റുകൾ സഹിതം പഠനവകുപ്പിൽ ഹാജരാകണം. ഇവരുടെ അഭാവത്തിൽ പൊതുവിഭാഗത്തെ പരിഗണിക്കും.
ഹിന്ദി പഠനവകുപ്പിൽ എംഎ ഫംഗ്ഷണൽ ഹിന്ദി ആൻഡ് ട്രാൻസ്ലേഷന് ഓപ്പണ് (നാല്), മുസ്ലിം (ഒന്ന്), ബിപിഎൽ (ഒന്ന്), ഒബിഎച്ച് (ഒന്ന്), എസ്സി (ഒന്ന്), എസ്ടി (ഒന്ന്) വിഭാഗങ്ങളിൽ സീറ്റ് ഒഴിവുണ്ട്. ക്യാപ് രജിസ്ട്രേഷനുള്ളവർ നാളെ രാവിലെ 10.30ന് സർട്ടിഫിക്കറ്റുകൾ സഹിതം പഠനവകുപ്പിൽ ഹാജരാകണം. സംവരണ വിഭാഗത്തിന്റെ അഭാവത്തിൽ പൊതുവിഭാഗത്തെ പരിഗണിക്കും.
പരീക്ഷ മാറ്റി
24ന് നടത്താനിരുന്ന അഞ്ചാം സെമസ്റ്റർ ബിഎസ്സി ഹോട്ടൽ മാനേജ്മെന്റ് ആൻഡ് കാറ്ററിംഗ് സയൻസ്/ കളിനറി ആർട്സ് (സിയുസിബിസിഎസ്എസ്) റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷ 30ലേക്ക് മാറ്റി.
പരീക്ഷാഫലം
ഫെബ്രുവരിയിൽ നടത്തിയ മൂന്നാം സെമസ്റ്റർ എംഎസ്സി റേഡിയേഷൻ ഫിസിക്സ് (സിസിഎസ്എസ്) പരീക്ഷാഫലം വെബ്സൈറ്റിൽ.
2016 ഡിസംബറിൽ നടത്തിയ ഒന്നാം സെമസ്റ്റർ എംഎസ്സി ഫുഡ് സയൻസ് ആൻഡ് ടെക്നോളജി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 31 വരെ അപേക്ഷിക്കാം.
ജൂണിൽ നടത്തിയ രണ്ടാം സെമസ്റ്റർ എംഎസ്സി അപ്ലൈഡ് പ്ലാന്റ് സയൻസ് (സിസിഎസ്എസ്) പരീക്ഷാഫലം വെബ്സൈറ്റിൽ.
മാർച്ചിൽ നടത്തിയ നാല്, ആറ്, എട്ട് സെമസ്റ്റർ ബിടെക് ഇന്റേണൽ ഇംപ്രൂവ്മെന്റ് (04/09 സ്കീം) പരീക്ഷാഫലം വെബ്സൈറ്റിൽ.
പുനർമൂല്യനിർണയ ഫലം
ആറാം സെമസ്റ്റർ എൽഎൽബി (പഞ്ചവത്സരം) ഒക്ടോബർ 2016, ആറാം സെമസ്റ്റർ ബിബിഎഎൽഎൽബി നവംബർ 2016 പരീക്ഷകളുടെയും ഒന്ന്, മൂന്ന് സെമസ്റ്റർ എംഎഡ് ഡിസംബർ 2016 പരീക്ഷയുടെയും പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.
മൂല്യനിർണയ ക്യാന്പ്
നാലാം സെമസ്റ്റർ എംഎ ഹിസ്റ്ററി (സിയുസിഎസ്എസ്) പരീക്ഷയുടെ മൂല്യനിർണയ ക്യാന്പ് 25 മുതൽ തിരൂരങ്ങാടി പിഎസ്എംഒ കോളജിൽ നടക്കും. പിജി ക്ലാസുകൾ പഠിപ്പിക്കുന്ന ഒരു വർഷത്തിൽ കൂടുതൽ അധ്യാപന പരിചയമുള്ളവർ നിർബന്ധമായും പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.
പുതിയ സിലബസ് പഠിക്കണം
യുജി (സിയുസിബിസിഎസ്എസ്, 2015 പ്രവേശനം) അഞ്ചാം സെമസ്റ്ററിൽ ഓപ്പണ് കോഴ്സായി ഹ്യൂമണ് റൈറ്റ്സ് ഇൻ ഇന്ത്യ തെരഞ്ഞെടുത്തവർ 2017ലെ പുതുക്കിയ സിലബസാണ് പഠിക്കേണ്ടത്. വിവരങ്ങൾ സർവകലാശാലാ വെബ്സൈറ്റിൽ. ഫോണ്: 0494 2407494.
യുവപണ്ഡിതരുമായി മുഖാമുഖം
സർവകലാശാലകളിൽ ഗവേഷണം നടത്തിയ പിഎച്ച്ഡി നേടിയവരുമായി ആശയസംവാദത്തിന് കാലിക്കട്ട് സർവകലാശാലാ സിഎച്ച് മുഹമ്മദ്കോയ ചെയർ വേദിയൊരുക്കുന്നു. യുവ പണ്ഡിതനുമായി മുഖാമുഖം എന്ന പരിപാടിയിൽ ന്യൂഡൽഹി ജവഹർലാൽ നെഹ്റു സർവകലാശാലയിൽ നിന്ന് ഹള്റമി പഠനത്തിൽ പിഎച്ച്ഡി നേടിയ ഡോ. പി.കെ.എം. അബ്ദുൽ ജലീൽ പങ്കെടുക്കും. നാളെ വൈകുന്നേരം 3.30ന് ചെയർ ഹാളിൽ നടക്കുന്ന പരിപാടിയിൽ ഗവേഷണ വിദ്യാർഥികൾക്കും മറ്റുളളവർക്കും പങ്കെടുക്കാം. ഫോണ്: 9633902944.