ജീവനക്കാർക്ക് പരിശീലന പരിപാടി ആരംഭിച്ചു
തേഞ്ഞിപ്പലം: കാലിക്കട്ട് സർവകലാശാല സുവർണ ജൂബിലി ആഘോഷങ്ങളുടെ ഭാഗമായി ജീവനക്കാർക്ക് തൊഴിൽ നൈപുണി വികസന പരിശീലന പരിപാടി ആരംഭിച്ചു. പരിപാടിയുടെ ഉദ്ഘാടനം രജിസ്ട്രാർ ഡോ. ടി.എ. അബ്ദുൾ മജീദ് നിർവഹിച്ചു.
ആദ്യഘട്ടത്തിൽ ജോയിന്റ് രജിസ്ട്രാർ, ഡെപ്യൂട്ടി രജിസ്ട്രാർ, അസിസ്റ്റന്റ് രജിസ്ട്രാർ, പൂൾ ഓഫീസർ എന്നീ തസ്തികകളിലുള്ളവർക്കാണ് പരിശീലനം. തുടർന്ന് മറ്റ് വിഭാഗം ജീവനക്കാർക്കും പരിശീലനം നൽകും. ഡോ. പി.എ. ബേബി ശാരി, ഡോ. ഇ.കെ. സതീഷ്, രാമകൃഷ്ണൻ എന്നിവർ ക്ലാസുകൾ നയിച്ചു. ചടങ്ങിൽ ഫിനാൻസ് ഓഫീസർ വേലായുധൻ മുടിക്കുന്നത്ത് അധ്യക്ഷതവഹിച്ചു. സർവകലാശാലയുടെ ദൈനംദിന പ്രവർത്തനങ്ങളെ ബാധിക്കാത്തവിധത്തിലാണ് പരിശീലനം സംഘടിപ്പിക്കുന്നത്.