പ്രൈവറ്റ് രജിസ്ട്രേഷൻ രണ്ടാം വർഷ എംഎ, എംഎസ് സി മാത്സ്, എംകോം കോഴ്സുകളിൽ പുന:പ്രവേശനത്തിന് അപേക്ഷ ക്ഷണിച്ചു.
ഒന്നാം വർഷ പരീക്ഷയ്ക്ക് രജിസ്റ്റർ ചെയ്ത് (2013 മുതൽ പ്രവേശനം) തുടർപഠനം നടത്താനാവാത്തവർക്ക് രണ്ടാം വർഷത്തിൽ ചേർന്ന് പ്രൈവറ്റ് രജിസ്ട്രേഷൻ വഴി കോഴ്സ് പൂർത്തിയാക്കാം. അപേക്ഷ പിഴകൂടാതെ നവംബർ 15 വരെയും 100 രൂപ പിഴയോടെ നവംബർ 20 വരെയും സ്വീകരിക്കും. പൂരിപ്പിച്ച അപേക്ഷ, ചലാൻ, ടിസി, അവസാന പരീക്ഷയുടെ ഹാൾടിക്കറ്റ്, മാർക്ക് ലിസ്റ്റിന്റെ സാക്ഷ്യപ്പെടുത്തിയ പകർപ്പ്, സ്വന്തം മേൽവിലാസം എഴുതിയ കവർ എന്നിവ സഹിതം എസ്ഡി ഇയിൽ ലഭിക്കേണ്ട അവസാന തിയതി നവംബർ 27. വിവരങ്ങൾ വെബ്സൈറ്റിൽ. ഫോണ്: 0494 2407356, 2400288.
സിൻഡിക്കറ്റ് യോഗം മാറ്റി ഇന്ന് നടത്താനിരുന്ന സിൻഡിക്കറ്റ് യോഗം നവംബർ നാലിലേക്ക് മാറ്റി.
പരീക്ഷാ അപേക്ഷ വിദൂരവിദ്യാഭ്യാസം ബിഎ, ബിഎസ്സി, ബികോം, ബിബിഎ, ബിഎംഎംസി, ബിഎ അഫ്സൽഉൽഉലമ ഒന്നാം സെമസ്റ്റർ (സിസിഎസ്എസ്) സപ്ലിമെന്ററി, ഇംപ്രൂവ്മെന്റ് (നവംബർ 2016), രണ്ടാം സെമസ്റ്റർ (സിസിഎസ്എസ്) സപ്ലിമെന്ററി, ഇപ്രൂവ്മെന്റ് (ഏപ്രിൽ 2017) പരീക്ഷകൾക്ക് ആയിരം രൂപ സൂപ്പർ ഫൈനോടെ നവംബർ ആറ് വരെ അപേക്ഷിക്കാം.
വിദൂരവിദ്യാഭ്യാസം എംബിഎ രണ്ട്, മൂന്ന് സെമസ്റ്റർ 2013 മുതൽ പ്രവേശനം റഗുലർ, സപ്ലിമെന്ററി, 2012 പ്രവേശനം സപ്ലിമെന്ററി പരീക്ഷയ്ക്ക് പിഴകൂടാതെ നവംബർ 13 വരെയും 150 രൂപ പിഴയോടെ നവംബർ 16 വരെയും അപേക്ഷിക്കാം. വിശദമായ വിജ്ഞാപനം വെബ്സൈറ്റിൽ.
പരീക്ഷാഫലം എംഫിൽ ബയോടെക്നോളജി ഒന്നാം സെമസ്റ്റർ (ജൂണ് 2016), രണ്ടാം സെമസ്റ്റർ (ജനുവരി 2017) പരീക്ഷാഫലം വെബ്സൈറ്റിൽ.
പുനർമൂല്യനിർണയ ഫലം ഒന്നാം സെമസ്റ്റർ ബിഎ, ബിഎസ്ഡബ്ല്യൂ, ബിവിസി (സിസിഎസ്എസ്) നവംബർ 2015, ഒന്നാം സെമസ്റ്റർ ബിഎ ഹിസ്റ്ററി (സിയുസിബിസിഎസ്എസ്) നവംബർ 2015, ആറാം സെമസ്റ്റർ ബിഎ അഫ്സൽഉൽഉലമ (സിയുസിബിസിഎസ്എസ്) ഏപ്രിൽ 2017, രണ്ടാം വർഷ അഫ്സൽഉൽഉലമ പ്രിലിമിനറി ഏപ്രിൽ 2017 പരീക്ഷകളുടെ പുനർമൂല്യനിർണയ ഫലം വെബ്സൈറ്റിൽ.
രണ്ടാം സെമസ്റ്റർ എംഎസ്സി മെഡിക്കൽ ബയോകെമിസ്ട്രി, മെഡിക്കൽ മൈക്രോബയോളജി (നവംബർ 2016) പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.
യുജി മൂല്യനിർണയ ക്യാന്പ് ഒന്ന്, നാല് സെമസ്റ്റർ ബിഎ, ബിഎസ് സി, ബികോം, ബിബിഎ (സിയുസിബിസിഎസ്എസ്) 2016 നവംബർ, 2017 മാർച്ച്, ഏപ്രിൽ മാസങ്ങളിൽ നടത്തിയ പരീക്ഷകളുടെ കേന്ദ്രീകൃത മൂല്യനിർണയ ക്യാന്പ് നവംബർ 27 മുതൽ 30 വരെ നടത്തും. എല്ലാ അഫിലിയേറ്റഡ് ആർട്സ് ആൻഡ് സയൻസ്, അറബിക് കോളജുകളിൽ ഈ ദിവസങ്ങളിൽ റഗുലർ ക്ലാസുകൾ ഉണ്ടായിരിക്കുന്നതല്ല. മൂല്യനിർണയ ക്യാന്പിന്റെ വിവരങ്ങൾക്ക് അധ്യാപകർ ചെയർമാൻമാരുമായി ബന്ധപ്പെടണം. വിശദാംശങ്ങൾ വെബ്സൈറ്റിൽ. ഉത്തരവ് ലഭിക്കാത്ത അധ്യാപകർ ക്യാന്പിലെത്തി ഉത്തരവ് കൈപ്പറ്റി ക്യാന്പിൽ പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.
സ്കൂൾ കുട്ടികൾക്ക് ശാസ്ത്ര പഠന പരീക്ഷണ പരിശീലന കളരി ഹൈസ്കൂൾ, ഹയർ സെക്കൻഡറി വിദ്യാർഥികൾക്ക് ശാസ്ത്ര പാഠങ്ങൾ സ്വയം പരീക്ഷിച്ചറിയാനും ശാസ്ത്രീയാശയങ്ങൾ മൈക്രോ കണ്ട്രോളറുകളുടെ സഹായത്തോടെ വികസിപ്പിക്കാനും പ്രാപ്തരാക്കാൻ കാലിക്കട്ട് സർവകലാശാലാ ഫിസിക്സ് പഠനവിഭാഗം നവംബർ 10, 11 തിയതികളിൽ പരിശീലന കളരി സംഘടിപ്പിക്കുന്നു.
കേരള ശാസ്ത്ര സാങ്കേതിക പരിസ്ഥിതി വിഭാഗത്തിന്റെയും ന്യൂഡൽഹിയിലെ അന്തർ സർവകലാശാലാ ആക്സലേറ്റർ സെന്ററിന്റെയും സഹകരണത്തോടെ സർവകലാശാലാ സെന്റട്രൽ സയൻസ് ബ്ലോക്കിലെ ആര്യഭട്ട ഹാളിലാണ് പരിശീലനം. നവംബർ നാലിന് മുന്പ് www.curise.in വെബ്സൈറ്റിലൂടെ രജിസ്റ്റർ ചെയ്യണം. പങ്കെടുക്കുന്നവർക്ക് പരിശീലന കിറ്റുകളും അനുബന്ധ ഉപകരണങ്ങളും നൽകും. വിവരങ്ങൾക്ക്: 9747917623.
ദ്വിദിന സെമിനാർ ഇഎംഎസ് ചെയർ ഫോർ മാർക്സിയൻ സ്റ്റഡീസ് ആൻഡ് റിസർച്ചിന്റെ ആഭിമുഖ്യത്തിൽ നവംബർ എട്ട്, ഒന്പത് തിയതികളിൽ ഇരുപത്തി ഒന്നാം നൂറ്റാണ്ടിൽ മൂലധനം വായിക്കുന്പോൾ’ എന്ന വിഷയത്തിൽ സെമിനാർ സംഘടിപ്പിക്കുന്നു. എട്ടിന് രാവിലെ ഒന്പതിന് കോടിയേരി ബാലകൃഷ്ണൻ ഉദ്ഘാടനം ചെയ്യും. വർത്തമാനകാലത്ത് മൂലധനത്തിന്റെ പ്രസക്തി, നോട്ടുനിരോധനവും സാന്പത്തിക പ്രതിസന്ധിയും, ജിഎസ്ടിയും അനന്തരഫലങ്ങളും, മൂലധനവും കാലവസ്ഥാ വ്യതിയാനവും, സന്പാദ്യത്തിലുണ്ടാവുന്ന ഇടിവ്, ഇന്ത്യൻ സന്പദ് വ്യവസ്ഥയും ഇന്ത്യൻ മുതലാളിത്തവും തുടങ്ങിയ വിഷയങ്ങൾ അവതരിപ്പിക്കും. വിദ്യാർഥികൾക്കും അധ്യാപകർക്കും പ്രബന്ധങ്ങൾ അവതരിപ്പിക്കാം. താത്പര്യമുള്ളവർ
[email protected] എന്ന ഇമെയിലിൽ രജിസ്റ്റർ ചെയ്യണം. പ്രബന്ധവും അതിന്റെ ചുരുക്കവും 250 രൂപ ഫീസും നവംബർ ആറിന് വൈകുന്നേരം അഞ്ചിന് മുന്പ് ചെയറിൽ എത്തിക്കണം. വിദ്യാർത്ഥികൾക്ക് ഫീസില്ല.