പിജി പ്രവേശനം: 30, 31 തിയതികളിൽ അവസരം
ഏകജാലക പിജി പ്രവേശനം ഒഴിവുള്ള സീറ്റുകളിലേക്ക് ഒക്ടോബർ 30, 31 തിയതികളിൽ പഠനവകുപ്പ്, കോളജുകൾ പ്രവേശനം നടത്തും. മുന്പ് ഓണ്‍ലൈൻ രജിസ്ട്രേഷൻ ചെയ്തവർക്ക് പ്രവേശനം നേടാം. മാനേജ്മെന്‍റ് ക്വാട്ടയിൽ പ്രവേശനം ആഗ്രഹിക്കുന്നവർക്ക് മാൻഡേറ്ററി ഫീ അടയ്ക്കുന്നതിനും ഓണ്‍ലൈൻ രജിസ്ട്രേഷനും 30, 31 തിയതികളിൽ സൗകര്യം ലഭ്യമായിരിക്കും. റാങ്ക് ലിസ്റ്റ് നിലവിലുള്ള പഠനവകുപ്പ്, കോളജുകൾ അതിൽ നിന്നും പ്രവേശനം നടത്തണം. അല്ലാത്തവർ റിപ്പോർട്ട് ചെയ്യുന്നവരിൽ നിന്ന് റാങ്ക് ലിസ്റ്റ് തയ്യാറാക്കി 31ന് പ്രവേശനം നടത്തണം.
പിജി സീറ്റ് ഒഴിവ്
കംപ്യൂട്ടർ സയൻസ് പഠനവകുപ്പിൽ എംഎസ് സിക്ക് ജനറൽ വിഭാഗത്തിൽ ഒരു സീറ്റ് ഒഴിവുണ്ട്. റാങ്ക് ലിസ്റ്റിൽ ഉൾപ്പെട്ടവർ 31ന് ഉച്ചയ്ക്കുശേഷം രണ്ടിന് അനുബന്ധ രേഖകൾ സഹിതം പഠനവകുപ്പിൽ ഹാജരാകണം.
ലൈഫ് സയൻസ് പഠനവകുപ്പിൽ എംഎസ്‌സി ഹ്യൂമൻ ഫിസിയോളജിക്ക് ഒരു സീറ്റ് ഒഴിവുണ്ട്. റാങ്ക് ലിസ്റ്റിലുള്ളവർ 30ന് രാവിലെ 11ന് സർട്ടിഫിക്കറ്റുകൾ സഹിതം പഠനവകുപ്പിൽ ഹാജരാകണം.
ആറാം സെമസ്റ്ററിൽ പ്രോജക്ട്
വിദൂരവിദ്യാഭ്യാസം, പ്രൈവറ്റ് രജിസ്ട്രേഷൻ വിഭാഗത്തിൽ 2015 മുതൽ പ്രവേശനം നേടിയ എല്ലാ വിദ്യാർഥികൾക്കും ആറാം സെമസ്റ്ററിൽ പ്രോജക്ട് ഉണ്ടായിരിക്കും. വിവരങ്ങൾ വെബ്സൈറ്റിൽ. പ്രോജക്ട് സമർപ്പിക്കേണ്ട തിയതി പിന്നീട് അറിയിക്കും.
പരീക്ഷാ അപേക്ഷ
ഒന്ന്, രണ്ട് സെമസ്റ്റർ ബിഎഡ് (2013, 2014 പ്രവേശനം) സപ്ലിമെന്‍ററി പരീക്ഷയ്ക്ക് പിഴകൂടാതെ നവംബർ ആറ് വരെയും 150 രൂപ പിഴയോടെ നവംബർ പത്ത് വരെയും അപേക്ഷിക്കാം. 2013 പ്രവേശനം വിദ്യാർഥികൾക്ക് ഇത് അവസാന അവസരമായിരിക്കും.
പരീക്ഷ
തേർഡ് പ്രഫഷണൽ ബിഎഎംഎസ് സപ്ലിമെന്‍ററി പരീക്ഷ നവംബർ 13ന് ആരംഭിക്കും.
എംഎസ് കംപ്യൂട്ടർ സയൻസ് പ്രാക്ടിക്കൽ
രണ്ടാം സെമസ്റ്റർ എംഎസ് സി കംപ്യൂട്ടർ സയൻസ് (സിയുസിഎസ്എസ്) ജൂലൈ 2017 പരീക്ഷയുടെ പ്രാക്ടിക്കൽ 31 മുതൽ നടക്കും. ഷെഡ്യൂൾ വെബ്സൈറ്റിൽ.
പരീക്ഷാഫലം
ജൂണിൽ നടത്തിയ നാലാം സെമസ്റ്റർ എംഎസ് സി അപ്ലൈഡ് പ്ലാന്‍റ് സയൻസ് (സിസിഎസ്എസ്) പരീക്ഷാഫലം വെബ്സൈറ്റിൽ.
മൂല്യനിർണയ ക്യാന്പ്
നാലാം സെമസ്റ്റർ എംഎ ഇക്കണോമിക്സ് (സിയുസിഎസ്എസ്) ജൂലൈ 2017 പരീക്ഷയുടെ മൂല്യനിർണയ ക്യാന്പ് നവംബർ ഒന്ന് മുതൽ എൽത്തുരുത്ത് സെന്‍റ് അലോഷ്യസ് കോളജിൽ നടക്കും. പിജി ക്ലാസുകൾ പഠിപ്പിക്കുന്ന ഒരു വർഷത്തിൽ കൂടുതൽ അധ്യാപന പരിചയമുള്ളവർ ക്യാന്പിൽ പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.
അപേക്ഷ ക്ഷണിച്ചു
സ്കൂൾ ഓഫ് ഡ്രാമ ആൻഡ് ഫൈൻ ആർട്സിൽ മ്യൂസിക് കോഴ്സുകൾക്ക് കരാടിസ്ഥാനത്തിൽ കോഓർഡിനേറ്ററെ നിയമിക്കുന്നതിന് ഓണ്‍ലൈൻ അപേക്ഷ ക്ഷണിച്ചു. അവസാന തിയതി നവംബർ നാല്. പ്രായം 2017 ജനുവരി ഒന്നിന് 65 വയസിൽ താഴെ. പ്രതിമാസ മൊത്തവേതനം: 30,800 രൂപ. യോഗ്യത സംബന്ധിച്ചും മറ്റ് വിവരങ്ങൾക്കും വെബ്സൈറ്റ് സന്ദർശിക്കുക.
ലക്ചറർ അഭിമുഖം
ആന്ത്രോത്ത്, കടമത്ത്, കവരത്തി കേന്ദ്രങ്ങളിലെ വിവിധ വിഷയങ്ങളിൽ ലക്ചറർ കരാർ നിയമനത്തിന് അപേക്ഷിച്ച യോഗ്യരായവർക്കുള്ള അഭിമുഖം ഡിസംബർ 26 മുതൽ ജനുവരി നാല് വരെ സർവകലാശാലാ ഭരണവിഭാഗത്തിൽ നടക്കും. വിവരങ്ങൾ വെബ്സൈറ്റിൽ. യോഗ്യതയുണ്ടായിട്ടും പ്രൊവിഷണൽ ലിസ്റ്റിൽ ഉൾപ്പെടാത്ത അപേക്ഷകർ റിക്രൂട്ട്മെന്‍റ് വിഭാഗവുമായി ബന്ധപ്പെടണം. ഫോണ്: 0494 2407106.