എംഎസ്‌സി പ്രാക്ടിക്കൽ പരീക്ഷകൾ
ഓഗസ്റ്റിൽ നടത്തിയ രണ്ട ാം സെമസ്റ്റർ എംഎസ്‌സി സൈക്കോളജി പരീക്ഷയുടെ പ്രാക്ടിക്കൽ പരീക്ഷകൾ രണ്ട്, ഏഴ് തീയതികളിൽ അതതു കോളജിൽ നടത്തും. വിശദമായ ടൈംടേബിൾ വെബ്സൈറ്റിൽ ലഭിക്കും.
എൽഎൽബി ഫലം
മാർച്ചിൽ നടത്തിയ അഞ്ചാം സെമസ്റ്റർ യൂണിറ്ററി പരീക്ഷ (ത്രിവത്സര എൽഎൽബി) കളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മ പരിശോധനയ്ക്കും അപേക്ഷിക്കുവാനുള്ള അവസാന തീയതി 11.
ബിഎ/ബിഎസ്‌സി/ബികോം/ബിപിഎ/ബിസിഎ/ബിഎസ്ഡബ്ല്യൂ പരീക്ഷ
മൂന്ന് മുതൽ ആരംഭിക്കുന്ന നാലാം സെമസ്റ്റർ ആറ് മുതൽ ആരംഭിക്കുന്ന രണ്ട ാം സെമസ്റ്റർ കരിയർ റിലേറ്റഡ് ബിഎ/ബിഎസ്‌സി/ബികോം/ബിപിഎ/ബിസിഎ/ബിഎസ്ഡബ്ല്യൂ പരീക്ഷകളുടെ (2013 അഡ്മിഷന് മുൻപുള്ളവർക്ക്) സെന്‍ററുകളുടെ വിശദവിവരങ്ങളും ടൈംടേബിളും വെബ്സൈറ്റിൽ .
ബിഎഎംഎസ് പരീക്ഷ
ഡിസംബർ ഒന്നിന് ആരംഭിക്കുന്ന മൂന്നാം വർഷ ബിഎഎംഎസ് (സപ്ലിമെന്‍ററി) പരീക്ഷകൾക്ക് പിഴകൂടാതെ എട്ടുവരെ(50 രൂപ പിഴയോടെ നവംബർ പത്ത്, 125 രൂപ പിഴയോടെ നവംബർ 14 ) ഫീസടച്ച് അപേക്ഷിക്കാം.
എംഎസ്‌സി വൈവാ വോസി പരീക്ഷകൾ
നാലാം സെമസ്റ്റർ എംഎസ്‌സി മാത്തമാറ്റിക്സ് വൈവാ വോസി പരീക്ഷകൾ 13 മുതലും കെമിസ്ട്രി, അനലിറ്റിക്കൽ കെമിസ്ട്രി പ്രാക്ടിക്കൽ, വൈവാ വോസി പരീക്ഷകൾ ആറ് മുതലും വിവിധ സെന്‍ററുകളിൽ നടത്തും. വിശദവിവരങ്ങൾ വെബ്സൈറ്റിൽ ലഭിക്കും.
എംഎസ്‌സി പ്രാക്ടിക്കൽ/വൈവാ വോസി പരീക്ഷ
ഒക്ടോബർ 30 ന് നടത്താൻ നിശ്ചയിച്ചിരുന്ന നാലാം സെമസ്റ്റർ എംഎസ്‌സി ജിയോഗ്രഫി പ്രാക്ടിക്കൽ/വൈവാ വോസി പരീക്ഷകൾ നവംബർ ആറ് മുതൽ പുന:ക്രമീകരിച്ചിരിക്കുന്നു. വിശദവിവരങ്ങൾ വെബ്സൈറ്റിൽ ലഭിക്കും.
പോസ്റ്റ് ഗ്രാജുവേറ്റ് ഡിപ്ലോമ ഇൻ ഹ്യൂമൻ റൈറ്റ്സ് : സീറ്റുകൾ ഒഴിവുണ്ട്
നിയമവകുപ്പ് നടത്തുന്ന പോസ്റ്റ് ഗ്രാജുവേറ്റ് ഡിപ്ലോമ ഇൻ ഹ്യൂമൻ റൈറ്റ്സ് (പിജിഡിഎച്ച്ആർ) കോഴ്സിന് ഏതാനും സീറ്റുകൾ ഒഴിവുണ്ട്. ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. താല്പര്യമുള്ളവർ പത്താം ക്ലാസ് മുതലുള്ള അസൽ സർട്ടിഫിക്കറ്റുകളും പകർപ്പും 2000/ രൂപ ഫീസും സഹിതം എട്ടിനു രാവിലെ 10.30 ന് നിയമവകുപ്പിന്‍റെ ഓഫീസിൽ എത്തിച്ചേരുക. കൂടുതൽ വിവരങ്ങൾക്ക് 04712308936.
ബിടെക് ഓണ്‍ലൈൻ രജിസ്ട്രേഷൻ
ഏഴാം സെമസ്റ്റർ ബിടെക് (2013 സ്കീം) പാർട്ട്ടൈം റീസ്ട്രക്ച്ചേർഡ് റഗുലർ പരീക്ഷയുടെ ഓണ്‍ലൈൻ രജിസ്ട്രേഷൻ ഇന്ന് ആരംഭിക്കും. പരീക്ഷയ്ക്ക് പിഴകൂടാതെ ഏഴുവരെ (50 രൂപ പിഴയോടെ നവംബർ പത്ത്, 125 രൂപ പിഴയോടെ നവംബർ 14 ) ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ടെക്നിക്കൽ ഓഫീസർ ഒഴിവ്
കാര്യവട്ടം സോഫിസ്റ്റിക്കേറ്റഡ് ഇൻസ്ട്രമെന്‍റേഷൻ ആൻഡ് കംപ്യൂട്ടേഷൻ സെന്‍ററിലേക്ക് (എസ്ഐസിസി) ടെക്നിക്കൽ ഓഫീസർ, ടെക്നിക്കൽ അസിസ്റ്റന്‍റ് ഒഴിവുകളിലേക്ക് താത്കാലിക നിയമനത്തിന് അപേക്ഷ ക്ഷണിച്ചു. വിശദവിവരങ്ങൾ വെബ്സൈറ്റിൽ.