സർവകലാശാല/കോളജ് അധ്യാപകർക്ക് പരിശീലനം
വിദ്യാഭ്യാസ വിഭാഗത്തിൽ കേന്ദ്ര മാനവശേഷി വികസന വകുപ്പ് അനുവദിച്ച അധ്യാപക പരിശീലന കേന്ദ്രത്തിൽ സർവകലാശാല/കോളജ് അധ്യാപകർക്ക് ഒരു മാസത്തെ ഓറിയന്റേഷൻ/ഇൻഡക്ഷൻ പ്രോഗ്രാം സംഘടിപ്പിക്കുന്നു. 23 മുതൽ ഡിസംബർ 22 വരെയാണ് പരിശീലനം. നാല് വർഷത്തെ സേവനം പൂർത്തിയാക്കാത്ത അധ്യാപകർക്ക് അപേക്ഷിക്കാം. ഫോൺ: 9495 65 75 94, 9048 35 69 33.
രണ്ടാം സെമസ്റ്ററിൽ കോളജ് പഠനം നിർത്തിയവർക്ക് പഠനം തുടരാൻ അവസരം
അഫിലിയേറ്റഡ് കോളജുകളിൽ 2014, 15, 16 വർഷങ്ങളിൽ ബിഎ/ബികോം/ബിഎസ്സി (മാത്സ്)/ബിബിഎ (സിയുസിബിസിഎസ്എസ്) പ്രോഗ്രാമുകൾക്ക് ചേർന്ന് രണ്ടാം സെമസ്റ്റർ പരീക്ഷ എഴുതിയതിന് ശേഷം കോളജ് പഠനം തുടരാനാവാത്തവർക്ക് പ്രൈവറ്റ് രജിസ്ട്രേഷൻ വഴി മൂന്നാം സെമസ്റ്ററിലേക്ക് ചേർന്ന് പഠനം തുടരുന്നതിന് നൂറ് രൂപ പിഴയോടെ നവംബർ ഏഴ് വരെ അപേക്ഷിക്കാം. ഗസറ്റഡ് ഓഫീസർ സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, വിജ്ഞാപനത്തിൽ പറഞ്ഞ രേഖകൾ സഹിതം ഡെപ്യൂട്ടി രജിസ്ട്രാർ (പ്രൈവറ്റ് രജിസ്ട്രേഷൻ), എസ്.ഡി.ഇ ബിൽഡിംഗ്, യൂണിവേഴ്സിറ്റി ഓഫ് കാലിക്കട്ട്, 673635 എന്ന വിലാസത്തിൽ ഏഴിനകം ലഭിക്കണം. വിവരങ്ങൾ വെബ്സൈറ്റിൽ.
സപ്ലിമെന്ററി പരീക്ഷയോടൊപ്പം പ്രൊജക്ട് സമർപ്പിക്കാം
വിദൂരവിദ്യാഭ്യാസ വിഭാഗത്തിൽ 2014ൽ പ്രവേശനം നേടി 2017ൽ യുജി കോഴ്സ് പൂർത്തിയാക്കിയവരിൽ ആറാം സെമസ്റ്റർ പ്രൊജക്ട് സമർപ്പിക്കാതിരിക്കുകയോ പരാജയപ്പെടുകയോ ചെയ്തവർക്ക് ആറാം സെമസ്റ്റർ സപ്ലിമെന്ററി പരീക്ഷയോടൊപ്പം പ്രോജക്ട് സമർപ്പിക്കാൻ അപേക്ഷിക്കാം.
പരീക്ഷ
കോളജ് വിദ്യാർഥികളുടെ ഒന്നാം സെമസ്റ്റർ ബികോം/ബികോം വൊക്കേഷണൽ/ബിബിഎ/ബിഎച്ച്എ/ബിടിഎച്ച്എം/ബിഎ/ബിഎസ്സി/ബിഎസ്സി ഇൻ എൽആർപി/ബിഎംഎംസി/ബിസിഎ/ബിഎസ്ഡബ്ല്യൂ/ബിവിസി/ബിഎ അഫ്സൽഉൽഉലമ (സിസിഎസ്എസ്) സപ്ലിമെന്ററി/ഇംപ്രൂവ്മെന്റ് പരീക്ഷ 22ന് ആരംഭിക്കും.
ഏഴാം സെമസ്റ്റർ ബിടെക് (2014 സ്കീം) റഗുലർ പരീക്ഷ 24ന് ആരംഭിക്കും.
ബിഐഡി ആറാം സെമസ്റ്റർ പരീക്ഷ 20ന് ആരംഭിക്കും.
കോളജ് വിദ്യാർഥികളുടെ എൽഎൽഎം റഗുലർ/സപ്ലിമെന്ററി രണ്ടാം സെമസ്റ്റർ പരീക്ഷ നവംബർ 15നും, നാലാം സെമസ്റ്റർ പരീക്ഷ 28നും ആരംഭിക്കും.
ബിപിഇ (2011, 2012 പ്രവേശനം മാത്രം), ബിപിഎഡ് ഇന്റഗ്രേറ്റഡ് (2013 മുതൽ പ്രവേശനം), മൂന്നാം വർഷ റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ 20ന് ആരംഭിക്കും.
രണ്ടാം സെമസ്റ്റർ ബിഎഡ് സ്പെഷൽ എഡ്യുക്കേഷൻ (ഹിയറിംഗ് ഇംപയേർഡ്, 2015 മുതൽ പ്രവേശനം) റഗുലർ/സപ്ലിമെന്ററി പരീക്ഷ 22ന് ആരംഭിക്കും.
നാലാം സെമസ്റ്റർ എസ്ഡിഇയുജി പുനർമൂല്യനിർണയ ഫലം
വിദൂരവിദ്യാഭ്യാസം നാലാം സെമസ്റ്റർ ബികോം/ബിബിഎ/ബിഎസ്സി/ബിഎ (സിയുസിബിസിഎസ്എസ്) പാർട്ട് രണ്ട് ഏപ്രിൽ 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.
പരീക്ഷാഫലം
2017 ജൂണിൽ നടത്തിയ നാലാം സെമസ്റ്റർ എംഎ ഫിലോസഫി, എംഎ പൊളിറ്റിക്കൽ സയൻസ് (സിസിഎസ്എസ്) പരീക്ഷാഫലം വെബ്സൈറ്റിൽ.
എംഎസ്സി ഫിസിക്സ് മൂല്യനിർണയ ക്യാന്പ്
നാലാം സെമസ്റ്റർ എംഎസ്സി ഫിസിക്സ് (സിയുസിഎസ്എസ്) ജൂലൈ 2017 പരീക്ഷയുടെ മൂല്യനിർണയ ക്യാന്പ് ഏഴ് മുതൽ തൃശൂർ ശ്രീ കേരളവർമ്മ കോളജിൽ നടക്കും. പിജി ക്ലാസുകൾ പഠിപ്പിക്കുന്ന ഒരു വർഷത്തിൽ കൂടുതൽ അധ്യാപന പരിചയമുള്ളവർ ക്യാന്പിൽ പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.
ഡിഎസ്യു ഭാരവാഹികൾ സത്യപ്രതിജ്ഞ ചെയ്തു
തേഞ്ഞിപ്പലം: കാലിക്കട്ട് സർവകലാശാലാ ഡിപ്പാർട്ടുമെന്റൽ സ്റ്റുഡന്റ്സ് യൂണിയൻ ഭാരവാഹികൾ സത്യപ്രതിജ്ഞ ചെയ്തു സ്ഥാനമേറ്റു. വൈസ് ചാൻസലർ ഡോ. കെ. മുഹമ്മദ് ബഷീർ സത്യപ്രതിജ്ഞ ചൊല്ലിക്കൊടുത്തു. പ്രോവൈസ് ചാൻസലർ ഡോ. പി. മോഹൻ അധ്യക്ഷത വഹിച്ചു. രജിസ്ട്രാർ ഡോ. ടി.എ. അബ്ദുൾ മജീദ്, ഡിഎസ്യു ചെയർമാൻ കെ.ആർ. രമ്യ എന്നിവർ പ്രസംഗിച്ചു. ഡോ. ഹെർമൻ, ഡോ. വി.എൽ. ലജീഷ് തുടങ്ങിയവർ പങ്കെടുത്തു.
നെറ്റ് കോച്ചിംഗ് ക്യാന്പിന് സമാപനം
തേഞ്ഞിപ്പലം: നാഷണൽ എലിജിബിലിറ്റി ടെസ്റ്റ് (നെറ്റ്) എഴുതുന്നവർക്കായി കാലിക്കട്ട് സർവകലാശാല എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ നടത്തിയ പത്ത് ദിവസത്തെ സൗജന്യ പരിശീലന പരിപാടി സമാപിച്ചു. സമാപന ചടങ്ങിൽ പ്രോവൈസ് ചാൻസലർ ഡോ. പി. മോഹൻ മുഖ്യാതിഥിയായിരുന്നു. ബ്യൂറോ ചീഫ് ഡോ. സി.സി. ഹരിലാൽ അധ്യക്ഷനായിരുന്നു. മലപ്പുറം ജില്ലാ എംപ്ലോയ്മെന്റ് ഓഫീസർ കെ.രാജേഷ് പ്രസംഗിച്ചു.