പിജി പ്രവേശനം: മൂന്നാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു
20172018 അധ്യായന വർഷത്തെ പിജിപ്രവേശനത്തിനുള്ള മൂന്നാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു. ആപ്ലിക്കേഷൻ നന്പരും പാസ്വേർഡും ഉപയോഗിച്ച് ലോഗിൻ ചെയ്ത് അപേക്ഷകർ അലോട്ട്മെന്റ് പരിശോധിക്കേണ്ടണ്ടതാണ്. അലോട്ട്മെന്റ് ലഭിച്ച അപേക്ഷകർ അഡ്മിഷൻ ഫീസ് അടയ്ക്കുന്നതിനുള്ള ചലാൻ പ്രിന്റൗട്ട് എടുത്ത് എസ്ബിഐയുടെ ഏതെങ്കിലും ശാഖയിൽ ഫീസ് അടയ്ക്കണം. അഡ്മിഷൻ ഫീസ് ജനറൽ വിഭാഗത്തിന് 900 രൂപയും എസ്സി/എസ്ടി/ഒഇസി വിഭാഗത്തിന് 340 രൂപയും ആണ്. മുൻ അലോട്ട്മെന്റുകളിൽ പ്രവേശനം ലഭിച്ച് അഡ്മിഷൻ ഫീസ് ഒടുക്കിയവർ വീണ്ട ണ്ടും അഡ്മിഷൻ ഫീസ് അടയ്ക്കേണ്ടതില്ല. അഡ്മിഷൻ ഫീസ് ഒടുക്കിയ അപേക്ഷകർ ഫീസടച്ചതിന്റെ വിവരം വെബ്സൈറ്റിൽ നൽകിയ ശേഷം അലോട്ട്മെന്റ് മെമ്മോ ഡൗണ്ലോഡ് ചെയ്യേണ്ട താണ്. അലോട്ട്മെന്റ് ലഭിച്ച കോളജ്, കോഴ്സ്, കാറ്റഗറി, അഡ്മിഷൻ എടുക്കേണ്ട തീയതി എന്നിവ അലോട്ട്മെന്റ് മെമ്മോയിൽ ഉണ്ടായിരിക്കും. ഇന്നും ആറ്, ഏഴ് തീയതികളിലുമാണ് കോളജുകളിൽ അഡ്മിഷൻ എടുക്കേണ്ടത്. യോഗ്യത തെളിയിക്കുന്ന അസൽ സർട്ടിഫിക്കറ്റുകൾ സഹിതം മെമ്മോയിൽ പ്രസ്താവിച്ചിരിക്കുന്ന ദിവസം കോളജിൽ ഹാജരായി അഡ്മിഷൻ എടുക്കേണ്ടതാണ്. അലോട്ട്മെന്റ് മെമ്മോയിൽ പറഞ്ഞിരിക്കുന്ന സമയത്ത് അതത് കോളജുകളിൽ അഡ്മിഷൻ എടുക്കാത്ത അപേക്ഷകരുടെ അലോട്ട്മെന്റ് റദ്ദാകുന്നതും അവരെ യാതൊരു കാരണവശാലും തുടർന്നുള്ള അലോട്ട്മെന്റുകളിൽ പരിഗണിക്കുന്നതുമല്ല. മുൻപുള്ള അലോട്ട്മെന്റുകളിൽ കോളജുകളിൽ അഡ്മിഷൻ നേടിയവർക്ക് മൂന്നാം സപ്ലിമെന്ററി അലോട്ട്മെന്റ് പ്രകാരം തങ്ങളുടെ ഹയർ ഓപ്ഷനുകളിലേതിലെങ്കിലും പുതിയ അലോട്ട്മെന്റ് ലഭിച്ചിട്ടുണ്ടെങ്കിൽ ഇപ്പോൾ പഠിച്ചു കൊണ്ടിരിക്കുന്ന കോളജിൽ നിന്നും ടിസി വാങ്ങിയ ശേഷം പുതിയ അലോട്ട്മെന്റ് പ്രകാരമുള്ള കോളജിൽ അഡ്മിഷൻ എടുക്കേണ്ടതാണ്. അലോട്ട്മെന്റ് ലഭിച്ച അപേക്ഷകർ തങ്ങൾക്ക് ലഭിച്ച സീറ്റിൽ തൃപ്തരല്ലെങ്കിലും തുടർന്നുള്ള അലോട്ട്മെന്റുകളിൽ പരിഗണിക്കപ്പെടേണ്ടതിനായി അലോട്ട്മെന്റ് മെമ്മോയിൽപറഞ്ഞിരിക്കുന്ന സമയത്ത് അലോട്ട്മെന്റ് ലഭിച്ച കോളജിൽ അഡ്മിഷൻ എടുക്കേണ്ടതാണ്. അഡ്മിഷൻ എടുത്തവർ ആ സീറ്റിൽ സംതൃപ്തരാണെങ്കിൽ ഒന്പതിന് വൈകുന്നേരം അഞ്ചിന് മുന്പ് അവരുടെ ഹയർ ഓപ്ഷനുകൾ നീക്കം ചെയ്യേണ്ടതാണ്. നിലനിർത്തപ്പെടുന്ന ഹയർ ഓപ്ഷനുകൾ തുടർന്നു വരുന്ന അലോട്ട്മെന്റുകളിൽ പരിഗണിക്കുന്നതും പുതിയ അലോട്ട്മെന്റ് ലഭിക്കുന്ന പക്ഷം ആ സീറ്റ് നിർബന്ധമായും സ്വീകരിക്കേണ്ട ണ്ട തുമാണ്.
എംസിഎ ടൈംടേബിൾ
അഞ്ചാം സെമസ്റ്റർ എംസിഎ (2011 സ്കീംസ്പെഷ്യൽ സപ്ലിമെന്ററി) ഡിഗ്രി പരീക്ഷ ടൈംടേബിൾ വെബ്സൈറ്റിൽ
എംഎഡ് പരീക്ഷ
ഡിസംബർ അഞ്ചിന് ആരംഭിക്കുന്ന ഒന്നാം സെമസ്റ്റർ എംഎഡ് (ദ്വിവത്സരം 2015 സ്കീം റഗുലർ ആൻഡ് സപ്ലിമെന്ററി) ഡിഗ്രി പരീക്ഷയ്ക്ക് പിഴകൂടാതെ 10 വരെയും 125 രൂപ പിഴയോടെ 16വരെയും ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ
ബിഎ/ബിഎസ്സി/ബികോം പരീക്ഷകൾ
സിബിസിഎസ് ബിഎ/ബിഎസ്സി/ബികോം മൂന്നാം സെമസ്റ്റർ പരീക്ഷകൾക്ക് (റഗുലർ 2016 അഡ്മിഷൻ ഇംപ്രൂവ്മെന്റ് 2015 അഡ്മിഷൻ, സപ്ലിമെന്ററി 2013 ആൻഡ് 2014 അഡ്മിഷൻ) ഫൈനില്ലാതെ ഏഴുവരെയും 125 രൂപ പിഴയോടെ 15 വരെയും ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ
സൂക്ഷ്മപരിശോധനയ്ക്ക് ഹാജരാകണം
2016 ഒക്ടോബറിൽ നടത്തിയ ആറാം സെമസ്റ്റർ ഇന്റഗ്രേറ്റഡ് പഞ്ചവത്സര ബിഎ/ബികോം/ബിബിഎ എൽഎൽബി പരീക്ഷയുടെ സൂക്ഷ്മപരിശോധനയ്ക്ക് അപേക്ഷിച്ചിട്ടുള്ള വിദ്യാർഥികൾ ഹാൾടിക്കറ്റുമായി ഇന്നു മുതൽ 10 വരെയുള്ള പ്രവർത്തിദിവസങ്ങളിൽ പുനഃപരിശോധനാ വിഭാഗത്തിൽ ഹാജരാകേണ്ടതാണ്.
എംകോം വൈവ വോസി പരീക്ഷ
വിദൂരവിദ്യാഭ്യാസപഠനകേന്ദ്രം നടത്തിയ എംകോം സപ്ലിമെന്ററി (ജൂലൈ ഓഗസ്റ്റ് 2017) വൈവ വോസി പരീക്ഷയിൽ പങ്കെടുക്കാൻ സാധിക്കാത്തവർക്കായി എട്ടിന് രാവിലെ 11 ന് പാളയത്തുള്ള സ്കൂൾ ഓഫ് ഡിസ്റ്റൻസ് എഡ്യൂക്കേഷനിൽ വൈവ വോസി പരീക്ഷ നടത്തുന്നതാണ്. വിശദവിവരങ്ങൾ വെബ്സൈറ്റിൽ
എൽഎൽബി ഫലം
മേയിൽ നടത്തിയ രണ്ടാം സെമസ്റ്റർ (പഞ്ചവത്സരം) (2011 2012 അഡ്മിഷന് മുൻപ്) (കോമണ് ഫോർ മെഴ്സിചാൻസ്) എൽഎൽബി പരീക്ഷയുടെ ഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കുമുള്ള അവസാനതീയതി ഡിസംബർ ഒന്ന്.
എംഎ മലയാളം വൈവ വോസി
ജൂലൈയിൽ നടത്തിയ നാലാം സെമസ്റ്റർ എംഎ മലയാളം ലാംഗ്വേജ് ആൻഡ് ലിറ്ററേച്ചർ വൈവ വോസി പരീക്ഷകൾ 13 മുതൽ വിവിധ സെന്ററുകളിൽ നടത്തുന്നതാണ്. വിശദവിവരങ്ങൾ വെബ്സൈറ്റിൽ.
എംബിഎ ടൈംടേബിൾ
രണ്ടാം സെമസ്റ്റർ എംബിഎ (2014 സ്കീം) ഫുൾടൈം, യുഐഎം, റഗുലർ (ഈവനിംഗ്) ട്രാവൽ ആൻഡ് ടൂറിസം പരീക്ഷയുടെ ടൈംടേബിൾ വെബ്സൈറ്റിൽ.
എംഎ ഹിന്ദി വൈവ വോസി
ജൂലൈയിൽ നടത്തിയ നാലാം സെമസ്റ്റർ എംഎ ഹിന്ദി ലാംഗ്വേജ് ആൻഡ് ലിറ്ററേച്ചർ വൈവ വോസി പരീക്ഷകൾ നവംബർ ഒൻപത് മുതൽ അതത് കോളജുകളിൽ നടക്കും. വിശദവിവരങ്ങൾ വെബ്സൈറ്റിൽ.