നാലാം വർഷ ബിപിടി പരീക്ഷാഫലം
കണ്ണൂർ സർവകലാശാലയുടെ നാലാം വർഷ ബിപിടി (റഗുലർ, സപ്ലിമെന്ററി), ജൂണ് 2017 പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയത്തിനും സൂക്ഷ്മപരിശോധനയ്ക്കുമുള്ള അപേക്ഷകൾ 16 വരെ സ്വീകരിക്കും
ബിഎസ്സി മാത്തമാറ്റിക്സ് (ഓണേഴ്സ്) പരീക്ഷകൾ
കണ്ണൂർ സർവകലാശാലയുടെ അഞ്ച്, മൂന്ന്, ഒന്ന് സെമസ്റ്റർ ബിഎസ്സി മാത്തമാറ്റിക്സ് (ഓണേഴ്സ്) ഡിഗ്രി (റഗുലർ, സപ്ലിമെന്ററി, ഇംപ്രൂവ്മെന്റ്), നവംബർ 2017 പരീക്ഷകൾ യഥാക്രമം 22, ഡിസംബർ നാല്, 15 തീയതികളിൽ ആരംഭിക്കും. അഞ്ചാം സെമസ്റ്റർ പരീക്ഷകൾക്കുള്ള അപേക്ഷകൾ ഓണ്ലൈനായി ആറു മുതൽ എട്ടു വരെയും 150 രൂപ പിഴയോടെ 10 വരെയും സമർപ്പിക്കാം. മൂന്നാം സെമസ്റ്റർ പരീക്ഷകൾക്ക് ഒൻപത് മുതൽ 13 വരെയും 150 രൂപ പിഴയോടെ 15 വരെയും ഒന്നാം സെമസ്റ്റർ പരീക്ഷകൾക്ക് 13 മുതൽ 16 വരെയും 150 രൂപ പിഴയോടെ 20 വരെയും സമർപ്പിക്കാം. അപേക്ഷകൾ എപിസി, ചലാൻ സഹിതം സർവകലാശാലയിൽ സ്വീകരിക്കുന്ന തീയതി യഥാക്രമം ഈമാസം 13,17,23 തീയതികളിലാണ്. പരീക്ഷാഫീസ് ഓണ്ലൈനായി SBI COLLECT മുഖേന അടയ്ക്കണം.
ആറാം സെമസ്റ്റർ എംസിഎ (സിസിഎസ്എസ്) ഡിഗ്രി പ്രോജക്ട് മൂല്യനിർണയം, വാചാപരീക്ഷ
ആറാം സെമസ്റ്റർ എംസിഎ ഡിഗ്രി (സിസിഎസ്എസ് റഗുലർ, സപ്ലിമെന്ററി ഏപ്രിൽ 2017) യുടെ പ്രോജക്ട് മൂല്യനിർണയം,വാചാ പരീക്ഷ ഒൻപതിന് സർവകലാശാലയുടെ മാങ്ങാട്ടുപറന്പ് കാന്പസിലുള്ള പഠനവകുപ്പിൽ നടക്കും. രജിസ്റ്റർ ചെയ്ത വിദ്യാർഥികൾ ഡിപ്പാർട്ട്മെന്റുമായി ബന്ധപ്പെടണം.