പി.ജി പ്രവേശനം 2017-18 : മൂന്നാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു
20172018 അധ്യയന വർഷത്തെ പി.ജി. പ്രവേശനത്തിനുള്ള മൂന്നാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു. ആപ്ലിക്കേഷൻ നന്പരും പാസ്വേർഡും ഉപയോഗിച്ച് ലോഗിൻ ചെയ്ത് അപേക്ഷകർ തങ്ങളുടെ അലോട്ട്മെന്റ് പരിശോധിക്കണം. അലോട്ട്മെന്റ് ലഭിച്ച അപേക്ഷകർ അഡ്മിഷൻ ഫീസ് അടയ്ക്കുന്നതിനുള്ള ചലാൻ പ്രിന്റൗട്ട് എടുത്ത് എസ്ബിഐയുടെ ഏതെങ്കിലും ശാഖയിൽ ഫീസ് അടയ്ക്കണം. അഡ്മിഷൻ ഫീസ് ജനറൽ വിഭാഗത്തിന് 900 രൂപയും എസ്.സി/എസ്.ടി/ഒ.ഇ.സി വിഭാഗത്തിന് 340 രൂപയും ആണ്. മുൻ അലോട്ട്മെന്റുകളിൽ പ്രവേശനം ലഭിച്ച് അഡ്മിഷൻ ഫീസ് ഒടുക്കിയവർ വീണ്ടും അഡ്മിഷൻ ഫീസ് അടയ്ക്കേണ്ടതില്ല.
അലോട്ട്മെന്റ് ലഭിച്ച അപേക്ഷകർ തങ്ങൾക്ക് ലഭിച്ച സീറ്റിൽ തൃപ്തരല്ലെങ്കിലും തുടർന്നുള്ള അലോട്ട്മെന്റുകളിൽ പരിഗണിക്കപ്പെടേണ്ടതിനായി അലോട്ട്മെന്റ് മെമ്മോയിൽപറഞ്ഞിരിക്കുന്ന സമയത്ത് അലോട്ട്മെന്റ് ലഭിച്ച കോളജിൽ അഡ്മിഷൻ എടുക്കണം. അഡ്മിഷൻ എടുത്തവർ ആ സീറ്റിൽ സംതൃപ്തരാണെങ്കിൽ ഒന്പതിനു വൈകുന്നേരം അഞ്ചിനു മുന്പ് അവരുടെ ഹയർ ഓപ്ഷനുകൾ നീക്കം ചെയ്യണം. നിലനിർത്തപ്പെടുന്ന ഹയർ ഓപ്ഷനുകൾ തുടർന്നു വരുന്ന അലോട്ട്മെന്റുകളിൽ പരിഗണിക്കും. പുതിയ അലോട്ട്മെന്റ് ലഭിക്കുന്ന പക്ഷം ആ സീറ്റ് നിർബന്ധമായും സ്വീകരിക്കണം.
ബിഎ ടൈംടേബിൾ
20 മുതൽ നടത്തുന്ന അഞ്ചാം സെമസ്റ്റർ ബിഎ ഓണേഴ്സ് ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷയുടെ വിശദമായ ടൈംടേബിൾ വെബ്സൈറ്റിൽ ലഭിക്കും.
സിബിസിഎസ് ബിഎ/ബിഎസ്സി/ബികോം പരീക്ഷകൾ
സിബിസിഎസ് ബിഎ/ബിഎസ്സി/ബികോം അഞ്ചാം സെമസ്റ്റർ പരീക്ഷകൾക്ക് (2015അഡ്മിഷൻ റഗുലർ 20132014 സപ്ലിമെന്ററി) ഇന്നുകൂടി (50 രൂപ പിഴയോടെ നവംബർ 10, 125 രൂപ പിഴയോടെ നവംബർ 14) ഓണ്ലൈനായി അപേക്ഷകൾ സ്വീകരിക്കും. വിശദവിവരങ്ങൾ വെബ്സൈറ്റിൽ ലഭിക്കും.
എംഎസ്സി പരീക്ഷ
വിദൂരവിദ്യാഭ്യാസ കേന്ദ്രം 27ന് ആരംഭിക്കുന്ന നാലാം സെമസ്റ്റർ എംഎസ്സി കംപ്യൂട്ടർ സയൻസ് (റഗുലർ (20142016 ബാച്ച്) ആൻഡ് സപ്ലിമെന്ററി) ഡിഗ്രി പരീക്ഷയ്ക്ക് 14 (50 രൂപ പിഴയോടെ നവംബർ 16, 125 രൂപ പിഴയോടെ നവംബർ 17) വരെ ഫീസടച്ച് നേരിട്ടും ഓണ്ലൈനായും അപേക്ഷിക്കാം. വിശദവിവരങ്ങൾ വെബ്സൈറ്റിൽ ലഭിക്കും.
ബിടെക് സൂക്ഷ്മപരിശോധന
ബിടെക് ഒന്നും രണ്ടും സെമസ്റ്റർ നവംബർ 2016 (2013 സ്കീം) & ജനുവരി 2017 (2008 സ്കീം) എന്നീ പരീക്ഷകളുടെയും, ബിടെക് എട്ടാം ,സെമസ്റ്റർ ഏപ്രിൽ 2017 (2013 സ്കീം) ൽ നടന്ന ബയോടെക്നോളജി ബയോകെമിക്കൽ ബ്രാഞ്ച് പരീക്ഷയുടെയും സൂക്ഷ്മപരിശോധനയ്ക്ക് അപേക്ഷ സമർപ്പിച്ചിട്ടുള്ള വിദ്യാർഥികൾ ഫോട്ടോ പതിച്ച ഐഡി കാർഡും ഹാൾടിക്കറ്റുമായി ബിടെക് റീ വാല്യുവേഷൻ സെക്ഷനിൽ എട്ടു മുതൽ നവംബർ 16വരെയുള്ള പ്രവർത്തിദിനങ്ങളിൽ ഹാജരാകണം.