എംജി ബിരുദ പരീക്ഷ: മൂല്യനിർണയം 13 മുതൽ
2017ൽ നടത്തിയ രണ്ടും മൂന്നും അഞ്ചും സെമസ്റ്റർ യുജി പരീക്ഷകളുടെ മൂല്യനിർണയം നാളെ തുടങ്ങും. എട്ടു മേഖലാ ക്യാന്പുകളിലാണു മൂല്യനിർണയം. അഫിലിയേറ്റഡ് കോളജുകളിലെ പ്രിൻസിപ്പൽമാർ ഒഴികെ എല്ലാ അധ്യാപകരും പങ്കെടുക്കണം. ഇതിനായി നാളെ മുതൽ 25 വരെ യുജി, പിജി ക്ലാസുകൾക്ക് അവധിയായിരിക്കും. എല്ലാ അധ്യാപകരും ബന്ധപ്പെട്ട മൂല്യനിർണയ ക്യാന്പുകളിൽ പങ്കെടുക്കുന്നതു കോളജ് പ്രിൻസിപ്പൽമാർ ഉറപ്പുവരുത്തണം. മൂല്യനിർണയവുമായി സഹകരിക്കാത്ത അധ്യാപകർക്കും പ്രിൻസിപ്പൽമാർക്കുമെതിരേ കർശന അച്ചടക്ക നടപടികൾ കൈക്കൊള്ളാൻ യൂണിവേഴ്സിറ്റി സിൻഡിക്കേറ്റ് തീരുമാനിച്ചിട്ടുണ്ട്.
എംഎഫ്എ പ്രവേശനം
201718ൽ തൃപ്പൂണിത്തുറ ആർഎൽവി കോളജിൽ നടത്തുന്ന എംഎഫ്എ കോഴ്സിന് 23 വരെ അപേക്ഷിക്കാം. 28ന് റാങ്ക്‌ലിസ്റ്റ് പ്രസിദ്ധപ്പെടുത്തുകയും ഡിസംബർ ഏഴിനു പ്രവേശനം നടത്തുകയും വേണം. 11ന് ക്ലാസ് ആരംഭിക്കും. 22ന് പ്രവേശനം അവസാനിപ്പിക്കും.
ഡോക്ടറൽ കമ്മിറ്റി
2017 അക്കാദമിക് വർഷത്തിൽ ഇംഗ്ലീഷ് വിഷയത്തിൽ ഗവേഷണത്തിന് അപേക്ഷിച്ചിട്ടുള്ള വിദ്യാർഥികളുടെ ഡോക്ടറൽ കമ്മിറ്റി 16നു രാവിലെ 11നു യൂണിവേഴ്സിറ്റി കാന്പസിലുള്ള സ്കൂൾ ഓഫ് ലെറ്റേഴ്സിൽ നടത്തും. അഭിമുഖത്തിന് പങ്കെടുക്കാനോ അപേക്ഷ നിരസിച്ചോ ഉള്ള അറിയിപ്പ് ലഭിക്കാത്തവർ യൂണിവേഴ്സിറ്റി ഗവേഷണ സെക്ഷനുമായി ബന്ധപ്പെടുക.
ലൈഫ് സർട്ടിഫിക്കറ്റ് സമർപ്പിക്കണം
യൂണിവേഴ്സിറ്റി പെൻഷണർമാർ അവരുടെ ലൈഫ് സർട്ടിഫിക്കറ്റുകൾ നേരിട്ടോ ഓണ്ലൈനായോ 30നകം സമർപ്പിക്കണം. ലൈഫ് സർട്ടിഫിക്കറ്റ് ഓണ്‍ലൈനായി നൽകാനുള്ള വിശദവിവരങ്ങളും ലൈഫ് സർട്ടിഫിക്കറ്റ് ഫോമും എല്ലാ പെൻഷണർമാർക്കും അയച്ചിട്ടുണ്ട്. ഈ വർഷം ലൈഫ് സർട്ടിഫിക്കറ്റ് നേരിട്ട് നൽകിയവർ ഈ വർഷം ഇനി ഓണ്‍ലൈനായി നൽകേണ്ടതില്ല.
ബികോം പുനർമൂല്യനിർണയ ഫലം
2016 മേയിലെ രണ്ടാം സെമസ്റ്റർ ബികോം സിബിസിഎസ്എസ് പരീക്ഷയുടെ ഉത്തരക്കടലാസുകളുടെ പുനർമൂല്യനിർണയ ഫലം പ്രസിദ്ധീകരിച്ചു. മാർക്ക് വ്യത്യാസമുള്ളവർ യൂണിവേഴ്സിറ്റി വെബ്സൈറ്റിൽനിന്നു മെമ്മോ ഡൗണ്ലോഡ് ചെയ്ത് ബന്ധപ്പെട്ട ബികോം സിബിസിഎസ്എസ് സെക്ഷനിൽ ഗ്രേഡ് കാർഡ് സഹിതം സമർപ്പി
ക്കണം.