എംകോം കോഴ്സുകൾക്ക് അപേക്ഷിക്കാം
യുഐടികളിൽ പുതുതായി അനുവദിച്ച എംകോം കോഴ്സുകൾക്ക് അപേക്ഷിക്കാം.
വെള്ളറട, പാറശാല യുഐടി.കളിൽ പുതുതായി അനുവദിച്ച എംകോം കോഴ്സുകൾക്ക് 17നു വൈകുന്നേരം അഞ്ച് വരെ അപേക്ഷ സമർപ്പിക്കാം. മേൽപ്പറഞ്ഞ രണ്ട് യുഐടികളിലേയ്ക്കുമുള്ള പ്രവേശനത്തിന് വെള്ളറട യുഐടി പ്രിൻസിപ്പലിനാണ് വെള്ളപേപ്പറിൽ തയാറാക്കിയ അപേക്ഷ സമർപ്പിക്കേണ്ടത്. ഏത് യുഐടിയിലെ കോഴ്സിലേയ്ക്കാണ് പ്രവേശനം ആഗ്രഹിക്കുന്നതെന്ന് അപേക്ഷയിൽ കൃത്യമായും രേഖപ്പെടുത്തണം. വെള്ളപേപ്പറിൽ തയാറാക്കിയ അപേക്ഷയോടൊപ്പം ഓണ്ലൈൻ അപേക്ഷയുടേയും മാർക്ക് ലിസ്റ്റുകളുടേയും സംവരണം/മറ്റാനുകൂല്യങ്ങൾ തെളിയിക്കുന്നതിനുള്ള സർട്ടിഫിക്കറ്റുകളുടേയും പകർപ്പ് ഉണ്ടായിരിക്കണം. രണ്ട് യുഐടികളിലേയും എംകോം കോഴ്സുകൾക്ക് അപേക്ഷിക്കുവാൻ താത്പര്യമുള്ളവർ വെവ്വേറെ അപേക്ഷകൾ സമർപ്പിക്കണം.
ബിടെക് പരീക്ഷ
ഡിസംബറിൽ നടത്തുന്ന അഞ്ചാം സെമസ്റ്റർ ബിടെക് ഡിഗ്രി (2008 സ്കീം) സപ്ലിമെന്ററി പരീക്ഷയ്ക്ക് 21വരെ (50 രൂപ പിഴയോടെ നവംബർ 23, 125 രൂപ പിഴയോടെ നവംബർ 25) ഫീസടച്ച് അപേക്ഷിക്കാം. ട്രാൻസിറ്ററി/മേഴ്സി ചാൻസ് ആയി പ്രസ്തുത പരീക്ഷ എഴുതുന്നവർ സർവകലാശാലയിൽ നേരിട്ട് അപേക്ഷിക്കണം. വിശദവിവരങ്ങൾ വെബ്സൈറ്റിൽ.
എംഎസ്സി ഫലം
ജനുവരിയിൽ നടത്തിയ മൂന്നാം സെമസ്റ്റർ എംഎസ്സി ജിയോളജി, സ്റ്റാറ്റിസ്റ്റ്ക്സ്, മെഡിസിനൽ കെമിസ്ട്രി പരീക്ഷയുടെ ഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
എംഎസ്സി ഫലം
ജൂലൈയിൽ നടത്തിയ നാലാം സെമസ്റ്റർ എംഎസ്സി ജിയോളജി പരീക്ഷയുടെ ഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ ലഭിക്കും.
ബിപിഎഡ് ഫലം
ഏപ്രിലിൽ നടത്തിയ നാലും ആറും സെമസ്റ്റർ ബാച്ചിലർ ഓഫ് ഫിസിക്കൽ എഡ്യൂക്കേഷൻ (ബിപിഎഡ്) പരീക്ഷകളുടെ ഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
എംസിഎ രജിസ്ട്രേഷൻ
ഡിസംബർ എട്ടിന് ആരംഭിക്കുന്ന എംസിഎ രണ്ടാം സെമസ്റ്റർ (2011 സ്കീം) സപ്ലിമെന്ററി, നാലാം സെമസ്റ്റർ എംസിഎ (2015 സ്കീം) റഗുലർ, ഡിസംബർ 20 ന് ആരംഭിക്കുന്ന നാലാം സെമസ്റ്റർ എംസിഎ (2011 സ്കീം) സപ്ലിമെന്ററി പരീക്ഷകളുടെ രജിസ്ട്രേഷൻ ആരംഭിച്ചു. വിശദവിവരങ്ങൾ വെബ്സൈറ്റിൽ ലഭിക്കും.
എംബിഎ ടൈംടേബിൾ
നവംബറിൽ നടത്തുന്ന രണ്ടാം സെമസ്റ്റർ എംബിഎ (2009 സ്കീം) ഫുൾടൈം, പാർട്ട് ടൈം, യുഐഎം, റഗുലർ ഈവനിംഗ് പരീക്ഷയുടെ ടൈംടേബിൾ വെബ്സൈറ്റിൽ.