അഞ്ചാം സെമസ്റ്റർ യുജി പരീക്ഷ: പുതുക്കിയ തിയതി
റഗുലർ/വിദൂരവിദ്യാഭ്യാസം/പ്രൈവറ്റ് അഞ്ചാം സെമസ്റ്റർ യുജി (സിയുസിബിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് 14, 15 തിയതികളിൽ നടത്തേണ്ടിയിരുന്ന (ഓപ്പണ് കോഴ്സ്) പരീക്ഷകൾ ഡിസംബർ നാല്, അഞ്ച് തിയതികളിലേക്കും, 16, 17 തിയതികളിൽ നടത്താനിരുന്ന (കോർ കോഴ്സ്) പരീക്ഷകൾ ഡിസംബർ ആറ്, ഏഴ് തിയതികളിലേക്കും മാറ്റി. മറ്റ് പരീക്ഷകൾക്ക് മാറ്റമില്ല.
പരീക്ഷാ അപേക്ഷ
മൂന്നാം സെമസ്റ്റർ ബിഐഡി റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷയ്ക്ക് പിഴകൂടാതെ 22 വരെയും 150 രൂപ പിഴയോടെ 27 വരെയും അപേക്ഷിക്കാം. പ്രിന്റൗട്ട് ചലാൻ സഹിതം ജോയിന്റ് കണ്ട്രോളർ ഓഫ് എക്സാമിനേഷൻസ്8, എക്സാംഡിസ്റ്റൻസ് എഡ്യുക്കേഷൻ, കാലിക്കട്ട് യൂണിവേഴ്സിറ്റി പിഒ, 673635 എന്ന വിലാസത്തിൽ ലഭിക്കണം.
പരീക്ഷ
ബിപിഇ (2011, 2012 പ്രവേശനം), ബിപിഎഡ് ഇന്റഗ്രേറ്റഡ് (2013 മുതൽ പ്രവേശനം) രണ്ടാം വർഷ റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ ഡിസംബർ അഞ്ചിന് ആരംഭിക്കും.
നാലാം സെമസ്റ്റർ ബിവോക് (2014 മുതൽ പ്രവേശനം) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ 23ന് ആരംഭിക്കും.
ഒന്നാം സെമസ്റ്റർ ബിഎഡ് സ്പെഷൽ എഡ്യുക്കേഷൻ (ഹിയറിംഗ് ഇംപയേർഡ്, 2015 മുതൽ പ്രവേശനം) റഗുലർ/സപ്ലിമെന്ററി പരീക്ഷയ്ക്ക് അപേക്ഷയുടെ പ്രിന്റൗട്ട് ചലാൻ സഹിതം 28 വരെ സ്വീകരിക്കും.
പരീക്ഷാഫലം
രണ്ടാം വർഷ ബിഎ/ബിഎ അഫ്സൽഉൽഉലമ പാർട്ട് ഒന്ന്, രണ്ട് സപ്ലിമെന്ററി/ഇംപ്രൂവ്മെന്റ് ഏപ്രിൽ 2016 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് സാധാരണ ഫോമിലുള്ള അപേക്ഷ, ചലാൻ സഹിതം ഡിസംബർ ഒന്ന് വരെ സ്വീകരിക്കും.
മൂന്നാം സെമസ്റ്റർ ബികോം/ബിബിഎ/ബിടിഎച്ച്എം/ബിഎച്ച്എ (സിയുസിബിസിഎസ്എസ്) നവംബർ 2016 റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 30 വരെ അപേക്ഷിക്കാം.
2016 നവംബറിൽ നടത്തിയ അഞ്ചാം സെമസ്റ്റർ ബിടെക്/പാർട്ട്ടൈം ബിടെക് (2009/2014 സ്കീം) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഡിസംബർ നാല് വരെ അപേക്ഷിക്കാം.
അന്തർ സർവകലാശാലാ ഫുട്ബോൾ: മത്സരക്രമം പ്രഖ്യാപിച്ചു
കാലിക്കട്ട് സർവകലാശാല ആതിഥ്യം വഹിക്കുന്ന ദക്ഷിണേന്ത്യൻ അന്തർ സർവകലാശാലാ പുരുഷ ഫുട്ബോളിന്റെ മത്സരക്രമം വെബ്സൈറ്റിൽ പ്രസിദ്ധീകരിച്ചു. ഡിസംബർ 21 മുതൽ 29 വരെ നാല് പൂളുകളിലായി 93 സർവകലാശാലകൾ മാറ്റുരക്കുന്നു. പൂൾ എ ഫാറൂഖ് കോളജിലും പൂൾ ബി ദേവഗിരി സെന്റ് ജോസഫ്സ് കോളജിലും സിയും ഡിയും സർവകലാശാലാ കാന്പസിലും നടക്കും. ആതിഥേയർ പൂൾ ഡിയിലാണ് മത്സരിക്കുന്നത്. ദക്ഷിണ മേഖലാ വിജയികളും പൂർവ, പശ്ചിമ, ഉത്തര മേഖലാ വിജയികളുമായ 16 ടീമുകളാണ് അഖിലേന്ത്യാ ചാന്പ്യൻഷിപ്പിൽ പങ്കെടുക്കുക.
പഠനവൈകല്യത്തെ സംബന്ധിച്ച് രാജ്യാന്തര സെമിനാർ നാളെ മുതൽ
കോഴിക്കോട്: കൗണ്സിൽ ഫോർ റിസർച്ച് ആൻഡ് മാനേജ്മെന്റ് ഓഫ് ലേണിംഗ് ഡിസോർഡേർസ് (സിആർഎംഎൽഡി), ഡിപ്പാർട്ടുമെന്റ് ഓഫ് ലൈഫലോംഗ് ലേണിംഗ് ആൻഡ് എക്സ്റ്റൻഷൻ, കലിക്കറ്റ് യൂണിവേഴ്സിറ്റി, ഇൻസ്റ്റിറ്റ്യൂട്ട് ഓഫ് റിസർച്ച് ഇൻ ലേണിംഗ് ഡിസെബിലിറ്റി (ഐആർഎൽഡി) മഹാത്മാഗാന്ധി യൂണിവാഴ്സിറ്റി, എഡബ്ള്യൂഎച്ച് കോളജ് ഓഫ് എഡ്യുക്കേഷൻ കോഴിക്കോട് എന്നിവയുടെ സംയുക്താഭിമുഖ്യത്തിൽ 17, 18 തീയ്യതികളിൽ പഠനവൈകല്യത്തെക്കുറിച്ച് ദ്വിദിന രാജ്യാന്തര സെമിനാർ നടത്തുമെന്ന് ഭാരവാഹികൾ വാർത്താസമ്മേളനത്തൽ അറിയിച്ചു.
കലിക്കട്ട് സർവകലാശാല ഇഎംഎസ് സെമിനാർ കോംപ്ലക്സിൽ നടക്കുന്ന ദ്വിദിന സെമിനാർ വൈസ്ചാൻസലർ ഡോ. കെ. മുഹമ്മദ് ബഷീർ ഉദ്ഘാടനം ചെയ്യും. പഠനവൈകല്യത്തിന്റെ വിദ്യാഭ്യാസപരവും മനശ്ശാസ്ത്രപരവുമായ കാഴ്ചപ്പാടുകൾ, കുട്ടികളുടെ സന്പൂർണ പരിചരണം, ശാരീരികം, മാനസികം, ആത്മീയം: പഠന വൈകല്യമുള്ള കുട്ടികളിൽ നൈപുണി വികസനം, പഠനവൈകല്യം: വിദ്യാഭ്യാസപരവും മനശ്ശാസ്ത്രപരവുമായ കാഴ്ചപ്പാടിൽ, പോഷകാഹാരവും മനസ്സും, പഠനവൈകല്യമുള്ള കുട്ടികളുടെ ക്ലാസ്റൂം പരിചരണം: ഉൾച്ചേർക്കൽ വിദ്യാഭ്യാസത്തിന്റെ പശ്ചാത്തലത്തിൽ തുടങ്ങിയവ വിഷയങ്ങളിൽ ക്ളാസുകൾ നടക്കും.
ശനിയാഴ്ച വൈകുന്നേരം 4.15ന് ആരംഭിക്കുന്ന സമാപന സമ്മേളനം കാലിക്കട്ട് സർവകലാശാല പ്രോ വൈസ്ചാൻസലർ ഡോ. മോഹനൻ ഉൽഘാടനം ചെയ്യും. വാർത്താസമ്മേളനത്തിൽ ലൈഫ് ലോംഗ് എഡുക്കേഷൻ ആൻഡ് എക്സ്റ്റൻഷൻ വകുപ്പ് മേധാവി ഡോ. ഇ.എം. മനോജം, സെഷൻ ഓഫീസർ പ്രശാന്ത്, സിആർഎംഎൽഡി സെക്രട്ടറി ആശാമേനോൻ, അസീൽ അബ്ദുൽ വാഹിദ്, അബ്ദുൾ ഗഫൂർ മണ്ണിങ്ങച്ചാലിൽ, സുനിൽ കുമാർ എന്നിവർ പങ്കെടുത്തു.
സർവകലാശാലാ ചലച്ചിത്ര പ്രദർശനത്തിൽ ഇന്ന് പാർച്ച്ഡ്
തേഞ്ഞിപ്പലം: കാലിക്കട്ട് സർവകലാശാലാ സുവർണ ജൂബിലി ആഘോഷങ്ങളുടെ ഭാഗമായി നടത്തുന്ന പ്രതിമാസ ചലച്ചിത്ര പ്രദർശനത്തിൽ ഇന്ന് പാർച്ച്ഡ് എന്ന ഹിന്ദി സിനിമ പ്രദർശിപ്പിക്കും. സർവകലാശാലാ പബ്ലിക് റിലേഷൻസ് വിഭാഗം, കാലിക്കട്ട് യൂണിവേഴ്സിറ്റി ഫിലിം സൊസൈറ്റി, കേരള ചലച്ചിത്ര അക്കാഡമി എന്നിവയുടെ സംയുക്താഭിമുഖ്യത്തിലാണ് പ്രദർശനം. വൈകുന്നേരം 5.15ന് സർവകലാശാലാ സെമിനാർ കോംപ്ലക്സിൽ നടക്കുന്ന പ്രദർശനത്തിന് പ്രവേശനം സൗജന്യമാണ്.
ദേശീയ വിദ്യാഭ്യാസ ദിനാഘോഷം സർവകലാശാലയിൽ
തേഞ്ഞിപ്പലം: ദേശീയ വിദ്യാഭ്യാസ ദിനാഘോഷത്തിന്റെ ഭാഗമായി 20ന് സ്വതന്ത്ര ഇന്ത്യയിൽ വിദ്യാഭ്യാസം എന്ന വിഷയത്തിൽ കാലിക്കട്ട് സർവകലാശാലാ മൗലാനാ അബുൾ കലാം ആസാദ് ചെയറിന്റെ ആഭിമുഖ്യത്തിൽ പ്രഭാഷണം സംഘടിപ്പിക്കുന്നു. ആര്യഭട്ട ഹാളിൽ രാവിലെ 11ന് വൈസ് ചാൻസലർ ഡോ. കെ. മുഹമ്മദ് ബഷീർ ഉദ്ഘാടനം നിർവഹിക്കും. പ്രഫ. കെ.എൻ. ഗണേഷ് പ്രഭാഷണം നടത്തും. സർവകലാശാലാ എഡുക്കേഷൻ, ജേർണലിസം, ഹിസ്റ്ററി, അറബിക്, കെമിസ്ട്രി, ഫിസിക്സ് പഠനവകുപ്പുകളുടെ സഹകരണത്തോടെയാണ് പരിപാടി സംഘടിപ്പിക്കുന്നത്.