കെ മാറ്റ് കേരള 2018 പരീക്ഷയ്ക്കുള്ള അപേക്ഷകൾ സ്വീകരിച്ചു തുടങ്ങി
കേരളത്തിലെ എല്ലാ സർവകലാശാലകളിലേക്കും, സർവകലാശാലകളുടെ കീഴിലുള്ള കോളജുകളിലേക്കും എംബിഎ പ്രവേശനത്തിന് അർഹത നേടുന്നതിന് വേണ്ടിയുള്ള പ്രവേശന പരീക്ഷയായ കെ മാറ്റ് കേരള 2018 ഫെബ്രുവരി നാലിന് നടത്തും. കെ മാറ്റ് കേരള 2018, കേരള സർവകലാശാലയുടെ ആഭിമുഖ്യത്തിലും പ്രവേശനമേൽനോട്ട സമിതിയുടെ നിയന്ത്രണത്തിലും ആണ് നടത്തുന്നത്. അപേക്ഷകൾ ഇന്നു മുതൽ ഓണ്ലൈനായി സമർപ്പിക്കാം. വിശദവിവരങ്ങൾ വെബ്സൈറ്റിൽ kmatkerala.in ലഭിക്കും. ഓണ്ലൈനായി ഫീസ് അടയ്ക്കേണ്ട അവസാന തീയതി ജനുവരി 19, ഓണ്ലൈൻ അപേക്ഷ സമർപ്പിക്കേണ്ട അവസാന തീയതി ജനുവരി 20 വൈകുന്നേരം അഞ്ച് വരെ. വിശദവിവരങ്ങൾ വെബ്സൈറ്റിൽ ലഭിക്കും.
എംഎസ്സി പ്രാക്ടിക്കൽ വൈവ പരീക്ഷകൾ
ജൂലൈയിൽ നടത്തിയ നാലാം സെമസ്റ്റർ എംഎസ്സി മൈക്രോബയോളജി പരീക്ഷയുടെ പ്രാക്ടിക്കൽ വൈവ പരീക്ഷകൾ 21 മുതൽ നടത്തും. ഓഗസ്റ്റിൽ നടത്തിയ രണ്ടാം സെമസ്റ്റർ എംഎസ്സി ഇലക്ട്രോണിക്സ്, എംഎസ്സി കംപ്യൂട്ടർ സയൻസ് പരീക്ഷകളുടെ പ്രാക്ടിക്കൽ യഥാക്രമം 20, 21 മുതൽ അതത് കേന്ദ്രങ്ങളിൽ നടത്തും വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ, വൈവ പരീക്ഷകൾ
ജൂലൈയിൽ നടത്തിയ നാലാം സെമസ്റ്റർ എംപിഎ പരീക്ഷയുടെ പ്രാക്ടിക്കൽ, വൈവ പരീക്ഷകൾ 20 മുതലും, എംഎസ്സി ബയോടെക്നോളജി.പരീക്ഷയുടെ വൈവ 28 മുതലും അതത് കേന്ദ്രങ്ങളിൽ നടത്തും. വിശദവിവരങ്ങൾ വെബ്സൈറ്റിൽ.
ബിടെക് പ്രാക്ടിക്കൽ പരീക്ഷ
നവംബറിൽ നടത്തിയ ഏഴാം സെമസ്റ്റർ ബിടെക് (2013 സ്കീം) റഗുലർ, സപ്ലിമെന്ററി പാർട്ട് ടൈം ഡിഗ്രി പരീക്ഷയുടെ പ്രാക്ടിക്കൽ 23 മുതൽ അതത് കേന്ദ്രങ്ങളിൽ നടക്കും.
ബിഎഡ് ഓണ്ലൈൻ രജിസ്ട്രേഷൻ
ഡിസംബർ 13 ന് ആരംഭിക്കുന്ന ഒന്നാം സെമസ്റ്റർ ബിഎഡ് ഡിഗ്രി (2015 സ്കീം) (റഗുലർ/ഇംപ്രൂവ്മെന്റ്/സപ്ലിമെന്ററി) പരീക്ഷയ്ക്ക് 24വരെ (50 രൂപ പിഴയോടെ നവംബർ 27, 125 രൂപ പിഴയോടെ നവംബർ 29) ഫീസ് അടച്ച് ഓണ്ലൈൻ രജിസ്ട്രേഷൻ ചെയ്യാം. ഓണ്ലൈൻ രജിസ്ട്രേഷൻ നാളെ ആരംഭിക്കും.
ബിആർക്ക് ഫലം
2016 ഡിസംബറിൽ നടത്തിയ അഞ്ചാം സെമസ്റ്റർ ബിആർക്ക് (റഗുലർ ആൻഡ് സപ്ലിമെന്ററി2013 സ്കീം) പരീക്ഷാഫലം സർവകലാശാല വെബ്സൈറ്റിൽ ലഭിക്കും.
എംഎ ഫലം
ജനുവരിയിൽ നടത്തിയ മൂന്നാം സെമസ്റ്റർ എംഎ അറബിക് ലാംഗ്വേജ് ആൻഡ് ലിറ്ററേച്ചർ, ഇസ്ലാമിക് ഹിസ്റ്ററി, മ്യൂസിക്, പബ്ലിക് അഡ്മിനിസ്ട്രേഷൻ, സംസ്കൃതം ലാംഗ്വേജ് ആന്റ് ലിറ്ററേച്ചർ, എച്ച്ആർഎം പരീക്ഷയുടെ ഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ ലഭിക്കും.