മൈക്രോബയോളജി ഗസ്റ്റ് ലക്ചറർ: വാക്-ഇൻ-ഇന്‍റർവ്യൂ
ലൈഫ് സയൻസ് പഠനവകുപ്പിൽ മൈക്രോബയോളജി വിഷയത്തിൽ ഗസ്റ്റ് ലക്ചററെ (മണിക്കൂർ അടിസ്ഥാനത്തിൽ) നിയമിക്കുന്നതിന് 24ന് രാവിലെ 11ന് വാക്ഇൻഇന്‍റർവ്യൂ നടത്തുന്നു. സർട്ടിഫിക്കറ്റുകൾ സഹിതം ഹാജരാകണം. ഫോണ് : 0494 2407410.
പരീക്ഷാ അപേക്ഷ
വിദൂരവിദ്യാഭ്യാസം, പ്രൈവറ്റ് രജിസ്ട്രേഷൻ മൂന്നാം സെമസ്റ്റർ ബിഎ, ബിഎ, പിഒടി, ബിഎ അഫ്സൽഉൽഉലമ, ബിഎസ് സി (സിയുസിബിസിഎസ്എസ്) സപ്ലിമെന്‍ററി, ഇംപ്രൂവ്മെന്‍റ് പരീക്ഷക്ക് 150 രൂപ പിഴയോടെ 21 വരെ അപേക്ഷിക്കാം.
എംഎച്ച്എ ഒന്ന്, മൂന്ന് സെമസ്റ്റർ (2013 മുതൽ പ്രവേശനം) റഗുലർ, സപ്ലിമെന്‍ററി പരീക്ഷക്ക് പിഴകൂടാതെ 22 വരെയും 150 രൂപ പിഴയോടെ 24 വരെയും അപേക്ഷിക്കാം.
പരീക്ഷ
കോളജ് വിദ്യാർഥികളുടെ നാലാം സെമസ്റ്റർ ബികോം, ബികോം വൊക്കേഷണൽ, ബിബിഎ, ബിഎച്ച്എ, ബിടിഎച്ച്എം, ബിഎ, ബിഎസ് സി, ബിഎസ് സി ഇൻ എൽആർപി, ബിഎംഎംസി. ബിസിഎ. ബിഎസ്ഡബ്ല്യൂ, ബിവിസി, എ അഫ്സൽഉൽഉലമ (സിസിഎസ്എസ്) സപ്ലിമെന്‍ററി, പരീക്ഷ ഡിസംബർ 15ന് ആരംഭിക്കും.
വിദൂരവിദ്യാഭ്യാസം നാലാം സെമസ്റ്റർ ബിജിഡിഎ (സിയുസിബിഎസ്എസ്, 2014 പ്രവേശനം) റഗുലർ പരീക്ഷ 28ന് ആരംഭിക്കും.
എംസിഎ നാലാം സെമസ്റ്റർ റഗുലർ, സപ്ളിമെന്‍ററി പരീക്ഷ ഡിസംബർ 13ന് ആരംഭിക്കും.
പഠനവകുപ്പുകളിലെ മൂന്നാം സെമസ്റ്റർ എംഎ, എംഎസ് സി, എംകോം, എംബിഎ, എംസിജെ, എംഎൽഐഎസ് സി, എംടിഎ (സിസിഎസ്എസ്) റഗുലർ, സപ്ലിമെന്‍ററി, ഇംപ്രൂവ്മെന്‍റ് പരീക്ഷ ഡിസംബർ 15ന് ആരംഭിക്കും.
പരീക്ഷാഫലം
2017 ജൂണിൽ നടത്തിയ നാലാം സെമസ്റ്റർ എംഎസ് സി സ്റ്റാറ്റിസ്റ്റിക്സ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 28 വരെ അപേക്ഷിക്കാം.
2017 ജൂണിൽ നടത്തിയ നാലാം സെമസ്റ്റർ എംഎസ് സി അപ്ലൈഡ് ജിയോളജി (സിയുസിഎസ്എസ്, സിസിഎസ്എസ്) പരീക്ഷാഫലം വെബ്സൈറ്റിൽ. സിയുസിഎസ്എസ് പുനർമൂല്യനിർണയത്തിന് 29 വരെ അപേക്ഷിക്കാം.
മൂന്നാം സെമസ്റ്റർ ബിഐഡി (2014 പ്രവേശനം) നവംബർ 2015 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 18 മുതൽ 27 വരെ അപേക്ഷിക്കാം.
പുനർമൂല്യനിർണയ ഫലം
ഒന്നാം സെമസ്റ്റർ ബിഎഡ് ഡിസംബർ 2016 പരീക്ഷയുടെ (തടഞ്ഞുവെച്ച) പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.
എംഎസ് സി കെമിസ്ട്രി പരീക്ഷ
രണ്ടാം സെമസ്റ്റർ എംഎസ് സി കെമിസ്ട്രി (സിയുസിഎസ്എസ്) ജൂണ്‍ 2017 പരീക്ഷയുടെ പ്രാക്ടിക്കൽ പരീക്ഷ നവംബർ 21 മുതൽ അതത് കോളജുകളിൽ നടക്കും. ഷെഡ്യൂൾ വെബ്സൈറ്റിൽ.
എംസിഎ വൈവാ വോസി
ആറാം സെമസ്റ്റർ എംസിഎ വൈവാ വോസി 27ന് ആരംഭിക്കും.
ഇന്ത്യയിൽ മാധ്യമ പ്രവർത്തകർ വെല്ലുവിളികൾ നേരിടുന്നു: കമാൽ വരദൂർ
കോഴിക്കോട്: സമകാലിക ഇന്ത്യയിൽ മാധ്യമ പ്രവർത്തകർ മുന്പില്ലാത്ത വിധം വെല്ലുവിളികളും ആക്രമണങ്ങളും നേരിടുകയാണെന്ന് കേരള പത്ര പ്രവർത്തക യൂണിയൻ സംസ്ഥാന പ്രസിഡന്‍റ് കമാൽ വരദൂർ. കാലിക്കട്ട് സർവകലാശാലാ ജേർണലിസം ആൻഡ് മാസ് കമ്യൂണിക്കേഷൻ പഠന വിഭാഗം ദേശീയ മാധ്യമ ദിനത്തോടനുബന്ധിച്ച് സംഘടിപ്പിച്ച മാധ്യമ സെമിനാർ ഉദ്ഘാടനം ചെയ്യുകയായിരുന്നു അദ്ദേഹം.
മൂലധന രാഷ്ട്രീയ ശക്തികൾ മാധ്യമ സ്വാതന്ത്ര്യത്തെ ചോദ്യം ചെയ്യുന്പോൾ ജനാധിപത്യം നിരർഥകമാകും. വാർത്തകൾ മൂടി വയ്ക്കാൻ കഴിയാത്ത സുതാര്യമായ മാധ്യമ ലോകമാണ് ഇന്നത്തേതെന്നും കമാൽ വരദൂർ പറഞ്ഞു.
പരന്പരാഗത മൂല്യങ്ങളിലേക്കും മിത്തുകളിലേക്കും ഇന്ത്യൻ ജനതയെ തിരിച്ചുകൊണ്ടുപോകാൻ ശ്രമിക്കുന്ന ശക്തികൾ മാധ്യമങ്ങളെ അതിനുവേണ്ടി അതിവിദഗ്ധമായി ഉപയോഗിക്കുകയാണെന്ന് നിയമാസഭാ സ്പീക്കറുടെ പ്രസ് സെക്രട്ടറി ഡോ. വി.ജെ. വിൻസെന്‍റ് പറഞ്ഞു. ഇതിനെ പ്രതിരോധിക്കുന്നതിനാലാണ് ഇന്ത്യയിൽ മാധ്യമ പ്രവർത്തകർക്ക് നേരെയുള്ള ആക്രമങ്ങൾ വർധിച്ചതെന്നും അദ്ദേഹം പറഞ്ഞു.
ഒരു പതിറ്റാണ്ടായി കേരളത്തിലെ രാഷ്ട്രീയ പാർട്ടികൾ മാധ്യമങ്ങൾക്കെതിരായ പൊതുബോധം സൃഷ്ടിക്കുന്നതിൽ വ്യാപൃതരായിരിക്കുകയാണെന്ന് മാധ്യമ പ്രവർത്തകൻ എം.പി. ബഷീർ പറഞ്ഞു. ചടങ്ങിൽ പഠനവകുപ്പ് മേധാവി ഡോ.എൻ. മുഹമ്മദലി അധ്യക്ഷനായിരുന്നു. ഡോ. സുചേത നായർ, എൻ. ശിഖ, സി.വി. രാജു, റാമിസ് സലാം എന്നിവർ പ്രസംഗിച്ചു.