പിഎച്ച്ഡി പ്രവേശന പരീക്ഷാഫലം
കണ്ണൂർ സർവകലാശാലയിൽ 201718 വർഷത്തെ പിഎച്ച്ഡി പ്രവേശനത്തിന് ഒക്ടോബർ 22ന് നടത്തിയ പ്രവേശനപരീക്ഷയുടെ ഫലം പ്രസിദ്ധീകരിച്ചു. ഫലം കണ്ണൂർ സർവകലാശാല വെബ്സൈറ്റായ www.kannuruniversity.ac.in ൽ ലഭ്യമാണ്. പരീക്ഷയിൽ യോഗ്യത നേടിയവരും പ്രവേശനപരീക്ഷയിൽനിന്ന് ഒഴിവാക്കപ്പെട്ടവരും അതത് വിഷയത്തിലുള്ള ഗൈഡിൽനിന്നും സമ്മതപത്രവും അസൽ സർട്ടിഫിക്കറ്റുകളും സഹിതം പരിശോധനയ്ക്കായി 21 മുതൽ 24 വരെയുള്ള തീയതികളിൽ സർവകലാശാലയുടെ താവക്കര കാന്പസിൽ ഹാജരാക്കണം. പ്രമാണപരിശോധന കഴിഞ്ഞ് കോഴ്സ് വർക്കിന് യോഗ്യത നേടിയവർ കോഴ്സ് വർക്ക് ഫീസായ 5000 രൂപ അന്നുമുതൽ അഞ്ച് ദിവസത്തിനകം ഫിനാൻസ് ഓഫീസറുടെ പേരിൽ അടച്ച് അസൽ ചലാൻ രസീത് സർവകലാശാലയിലും അതിന്റെ പകർപ്പ് കോഴ്സ് വർക്ക് സെന്ററിലും സമർപ്പിക്കണം.
നാലാം സെമസ്റ്റർ എംഎസ്സി പരീക്ഷാഫലം
കണ്ണൂർ സർവകലാശാലയുടെ നാലാം സെമസ്റ്റർ എംഎസ്സി ഫിസിക്സ്, മാത്തമാറ്റിക്സ്, കെമിസ്ട്രി, ബോട്ടണി, സ്റ്റാറ്റിസ്റ്റിക്സ്, സുവോളജി (റഗുലർ, സപ്ലിമെന്ററി, ഇംപ്രൂവ്മെന്റ് മാർച്ച് 2017) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന, സൂക്ഷ്മപരിശോധന, ഫോട്ടോകോപ്പി എന്നിവയ്ക്കുള്ള അപേക്ഷകളുടെ തീയതി പിന്നീട് അറിയിക്കും.
തുറന്ന സംവാദം
ഹിന്ദിയിൽ ഗവേഷണം നടത്തുന്ന വി.കെ ഷീന എന്ന പിഎച്ച്ഡിക്കായി സമർപ്പിച്ച പ്രബന്ധത്തിൻമേലുള്ള തുറന്ന സംവാദം 24ന് രാവിലെ 11ന് സർവകലാശാലയുടെ താവക്കര സെൻട്രൽ ലൈബ്രറിയിൽ നടക്കും. പ്രസ്തുത പ്രബന്ധം സെമിനാറിന് മൂന്നു ദിവസം മുന്പ് മുതൽ സർവകലാശാലയുടെ സെൻട്രൽ ലൈബ്രറിയിൽ പരിശോധനയ്ക്ക് ലഭിക്കും.