ലൈഫ്‌ലോംഗ് ലേണിംഗ് ആൻഡ് എക്സ്റ്റൻഷൻ വിഭാഗം സ്ത്രീകൾക്കായി സൗജന്യ ഫാബ്രിക് പെയിന്‍റിംഗ് ആൻഡ് സാരി ഡിസൈനിംഗ് കോഴ്സ് ആരംഭിക്കുന്നു. പത്ത് ദിവസമാണ് കാലയളവ്. ആദ്യം രജിസ്റ്റർ ചെയ്യുന്ന 50 പേർക്ക് പ്രവേശനം നൽകും.പഠനസാമഗ്രികളുടെ ചെലവ് പഠിതാക്കൾ വഹിക്കണം. പരിശീലന പരിപാടി വിജയകരമായി പൂർത്തിയാക്കുന്നവർക്ക് സർട്ടിഫിക്കറ്റ് നൽകും. രജിസ്ട്രേഷന് ഫോണ്: 0494 2407360.
ഒന്നാം സെമസ്റ്റർ യുജി സപ്ലിമെന്‍ററി, ഇംപ്രൂവ്മെന്‍റ് ഹാൾടിക്കറ്റ്
വിദൂരവിദ്യാഭ്യാസം 22ന് ആരംഭിക്കുന്ന ഒന്നാം സെമസ്റ്റർ ബിഎ, ബികോം, ബിബിഎ, ബിഎസ് സി, ബിഎ അഫ്സൽഉൽഉലമ, ബിഎംഎംസി (സിസിഎസ്എസ്) സപ്ലിമെന്‍ററി, ഇംപ്രൂവ്മെന്‍റ് പരീക്ഷയുടെ ഹാൾടിക്കറ്റ് വെബ്സൈറ്റിൽ.
ബിഎസ് സി, ബിസിഎ സപ്ലിമെന്‍ററി, ഇംപ്രൂവ്മെന്‍റ് പരീക്ഷാ കേന്ദ്രം
22ന് ആരംഭിക്കുന്ന ഒന്നാം സെമസ്റ്റർ ബിഎസ് സി, ബിസിഎ (സിസിഎസ്എസ്) സപ്ലിമെന്‍ററി, ഇംപ്രൂവ്മെന്‍റ് പരീക്ഷയ്ക്ക് താഴെ കൊടുത്ത ജില്ലകളിൽ അപേക്ഷിച്ചവർ വെബ്സൈറ്റിൽ നിന്ന് ഹാൾടിക്കറ്റ് ഡൗണ്ലോഡ് ചെയ്ത് ബ്രാക്കറ്റിൽ കാണുന്ന കേന്ദ്രങ്ങളിൽ പരീക്ഷക്ക് ഹാജരാകണം.
മലപ്പുറം ജില്ല (മലപ്പുറം ഗവണ്‍മെന്‍റ് കോളജ്), പാലക്കാട് ജില്ല (പാലക്കാട് ഗവ. വിക്ടോറിയ കോളജ്), കോഴിക്കോട് ജില്ല (കോഴിക്കോട് മലബാർ ക്രിസ്ത്യൻ കോളജ്), വയനാട് ജില്ല (സുൽത്താൻ ബത്തേരി സെന്‍റ് മേരീസ് കോളജ്), തൃശൂർ ജില്ല (തൃശൂർ ശ്രീ കേരളവർമ്മ കോളജ്).
മൂന്നാം സെമസ്റ്റർ യുജി പരീക്ഷ
കോളജ്, വിദൂരവിദ്യാഭ്യാസം മൂന്നാം സെമസ്റ്റർ യുജി (സിയുസിബിസിഎസ്എസ്) റഗുലർ, സപ്ലിമെന്‍ററി, ഇംപ്രൂവ്മെന്‍റ് പരീക്ഷ ഡിസംബർ 12ന് ആരംഭിക്കും.
പരീക്ഷാഫലം
2017 ജൂണിൽ നടത്തിയ നാലാം സെമസ്റ്റർ എംഎ അറബിക് (സിയുസിഎസ്എസ്) റഗുലർ, സപ്ലിമെന്‍ററി പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 29 വരെ അപേക്ഷിക്കാം.
2017 ജൂണിൽ നടത്തിയ നാലാം സെമസ്റ്റർ എംടെക് പവർ സിസ്റ്റംസ് (സിയുസിഎസ്എസ്) പരീക്ഷാഫലം വെബ്സൈറ്റിൽ.
പരീക്ഷാ അപേക്ഷ
ഒന്നാം സെമസ്റ്റർ ബിഎഡ് (2017 പ്രവേശനം) റഗുലർ പരീക്ഷയ്ക്ക് പിഴകൂടാതെ 28 വരെയും 150 രൂപ പിഴയോടെ 30 വരെയും അപേക്ഷിക്കാം. വിജ്ഞാപനം പരിശോധിച്ച് മാത്രം അപേക്ഷിക്കുക.
അപേക്ഷ ക്ഷണിച്ചു
കൊമേഴ്സ് പഠനവകുപ്പിൽ ഇന്‍റഗ്രേറ്റഡ് പോഡിയം (അഞ്ച്), ലാപ്ടോപ്പ് (അഞ്ച്), ഡിസ്പ്ലേ പാനൽ (ഒന്ന്), സിസിടിവി (പത്ത് പോയിന്റുകൾ) എന്നിവ വിതരണം ചെയ്യുന്നതിന് ക്വട്ടേഷൻ, ടെൻഡർ സമർപ്പിക്കേണ്ട അവസാന തിയതി 18. വിവരങ്ങൾ വെബ്സൈറ്റിൽ.
ബിഎസ് സി ഇലക്ട്രോണിക്സ് എക്സാമിനേഴ്സ് മീറ്റിംഗ്
രണ്ടാം സെമസ്റ്റർ ബിഎസ് സി ഇലക്ട്രോണിക്സ് ഏപ്രിൽ 2017 പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് കോഴിക്കോട്, വയനാട് ജില്ലകളിലെ അധ്യാപകർ 21ന് രാവിലെ 10ന് കോഴിക്കോട് കോളജ് ഓഫ് അപ്ലൈഡ് സയൻസിൽ ഹാജരാകണം.
പഠനവൈകല്യത്തിന്‍റെ വിദ്യാഭ്യാസമനഃശാസ്ത്ര വീക്ഷണങ്ങൾ:
അന്താരാഷ്‌ട്ര സെമിനാർ ആരംഭിച്ചു
കോഴിക്കോട്: ഭിന്നശേഷിക്കാരുടെ കഴിവുകൾ കണ്ടെത്തി പ്രോത്സാഹിപ്പിക്കുന്നതിന് കാലിക്കട്ട് സർവകലാശാല വിവിധ പരിപാടികൾ നടപ്പാക്കുന്നതായി വൈസ് ചാൻസലർ ഡോ. കെ. മുഹമ്മദ് ബഷീർ . കൗണ്‍സിൽ ഫോർ റിസർച്ച് ആൻഡ് മാനേജ്മെന്‍റ് ഓഫ് ലേണിംഗ് ഡിസോർഡേഴ്സ്, ഇൻസ്റ്റിറ്റ്യൂട്ട് ഓഫ് റിസർച്ച് ഇൻ ലേണിംഗ് ഡിസെബിലിറ്റി, എഡബ്ല്യുഎച്ച് കോളജ് ഓഫ് എഡ്യുക്കേഷൻ എന്നിവയുടെ സഹകരണത്തോടെ കാലിക്കട്ട് സർവകലാശാലാ ലൈഫ്‌ലോംഗ് ലേണിംഗ് ആൻഡ് എക്സ്റ്റഷൻ വിഭാഗം സംഘടിപ്പിക്കുന്ന അന്താരാഷ്‌ട്ര സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. മാനസിക ഭിന്നശേഷിക്കാരായ വ്യക്തികളെ സഹായിക്കുന്നതിന് സംസ്ഥാന സാമൂഹ്യക്ഷേമ വകുപ്പിന്‍റെ സഹകരണത്തോടെ സൈക്കോളജി പഠനവകുപ്പിൽ നടപ്പാക്കിവരുന്ന കമ്മ്യൂണിറ്റി ഡിസെബിലിറ്റി മാനേജ്മെന്‍റ് ആൻഡ് റീഹാബിലിറ്റേഷൻ പ്രോഗ്രാം (സിഡിഎംആർപി) വലിയ വിജയമാണ്. കാന്പസിന് പുറമെ മലപ്പുറം, കോഴിക്കോട്, കണ്ണൂർ ജില്ലകളിലെ വിവിധ കേന്ദ്രങ്ങളിലും ക്ലിനിക്കുകൾ പ്രവർത്തിക്കുന്നുണ്ട്. സർവകലാശാലാ കാന്പസ് ഭിന്നശേഷി സൗഹൃദമാക്കുന്നതിന് നടപടികൾ സ്വീകരിച്ചുകഴിഞ്ഞു. നാഷണൽ സർവീസ് സ്കീമിന്‍റെ ആഭിമുഖ്യത്തിൽ നിരാലംബരായ വ്യക്തികൾക്ക് സൗജന്യമായി 300 വീടുകൾ നൽകുന്നു. ഇതിന്‍റെ ഗുണഭോക്താക്കളിലും ഭിന്നശേഷിക്കാർക്ക് അർഹമായ പരിഗണന നൽകിയിട്ടുണ്ട്. ലൈഫ്‌ലോംഗ് ലേണിംഗ് പഠനവകുപ്പിൽ സ്ത്രീ ശാക്തീകരണം ലക്ഷ്യമാക്കി ബഹുമുഖ പരിപാടികൾ നടപ്പാക്കുവരികയാണെന്നും വൈസ് ചാൻസലർ അറിയിച്ചു.
പഠനവൈകല്യത്തിന്‍റെ വിദ്യാഭ്യാസമനഃശാസ്ത്ര വീക്ഷണങ്ങൾ എന്ന വിഷയത്തിൽ സംഘടിപ്പിച്ച സെമിനാറിൽ, കാലിഫോർണിയയിലെ ഓട്ടിസം സ്പെഷ്യലിസ്റ്റായ മെഗ് ലൂപിൻ മുഖ്യാതിഥിയായിരുന്നു. ലൈഫ്‌ലോംഗ് പഠനവകുപ്പ് മേധാവി ഡോ.ഇ. മനോജം അധ്യക്ഷത വഹിച്ചു. ഡോ.കെ. മുഹമ്മദ് മുസ്തഫ, പി. ആശാ മേനോൻ, എം.വി. സക്കറിയ, ഡോ.എ.കെ. അനിൽ കുമാർ, എം.അബ്ദുൽ ഗഫൂർ എന്നിവർ പ്രസംഗിച്ചു. അക്കാദമിക് സെഷനുകളിൽ മെഗ് ലൂപിൻ (, കെ. പ്രശാന്ത്, എം. ദേവദാസ്, ഡോ. അമീൻ അലി മുഹമ്മദ് അൽഗമാൽ (യെമൻ), റൂബഹന്ന, വി.വി. സഫ്, കെ.എസ്. സനൂജ്, ഡോ.എസ്. രാജു, വിറോക് ഷാൻ മാലിദ് (ദക്ഷിണ സുഡാൻ), സുനിൽ കുമാർ, സുഷിദ, വി.സി. അഹമ്മദ് കുട്ടി, വി.എസ്. ആശ, ഉമേഷ് കുമാർ ശർമ്മ, അസീൽ അബ്ദുൽ വാഹിദ്, പി.എം.ആന്‍റണി എന്നിവർ പങ്കെടുത്തു.