എംജി വിദ്യാർഥി അദാലത്ത്: പരാതികൾ സമർപ്പിക്കാം
എംജി യൂണിവേഴ്സിറ്റി ഡിസംബർ നാല്, ആറ്, എട്ട് തീയതികളിൽ നടത്തുന്ന വിദ്യാർഥി അദാലത്തിൽ പരിഗണിക്കാനുള്ള പരാതികൾ, ഡെപ്യൂട്ടി രജിസ്ട്രാർ (പ്ലാനിംഗ്), എംജി യൂണിവേഴ്സിറ്റി, പ്രിയദർശിനി ഹിൽസ് പിഒ, കോട്ടയം 686560 എന്ന വിലാസത്തിൽ ഓണ്ലൈനായല്ലാതെയും 25 വരെ സമർപ്പിക്കാം. പരീക്ഷ സംബന്ധിച്ച വിശദമായ വിവരങ്ങളും ബന്ധപ്പെട്ട രേഖകളും പരാതിയിൽ ഉൾപ്പെടുത്തണം.. സർവകലാശാലയിൽനിന്നും വിവിധ സർട്ടിഫിക്കറ്റുകൾ, മാർക്ക്ലിസ്റ്റുകൾ തുടങ്ങിയ സേവനങ്ങൾക്ക് അപേക്ഷിച്ച വിദ്യാർഥികൾക്ക് ന്യൂനതകൾ പരിഹരിക്കണമെന്നാവശ്യപ്പെട്ട് അയച്ചിരിക്കുന്ന മെമ്മോയ്ക്കുള്ള മറുപടി ആവശ്യമായ രേഖകൾ സഹിതം 29നകം സമർപ്പിക്കണം.
അപേക്ഷാ തീയതി
അഫിലിയേറ്റഡ് കോളജുകളിലെ അഞ്ചാം സെമസ്റ്റർ ബിഎ ക്രിമിനോളജി എൽഎൽബി (ഓണേഴ്സ്)/ബികോം എൽഎൽബി (ഓണേഴ്സ്)/ബിബിഎ എൽഎൽബി (ഓണേഴ്സ്) (2015നു മുന്പുള്ള അഡ്മിഷൻ) പരീക്ഷകൾ ഡിസംബർ എട്ടു മുതൽ ആരംഭിക്കും. അപേക്ഷകൾ 24 വരെയും 50 രൂപ പിഴയോടെ 25 വരെയും 500 രൂപ സൂപ്പർഫൈനോടെ 27 വരെയും സ്വീകരിക്കും. റഗുലർ വിദ്യാർഥികൾ 100 രൂപയും വീണ്ടുമെഴുതുന്നവർ പേപ്പറൊന്നിന് 20 രൂപ വീതവും (പരമാവധി 100 രൂപ) സിവി ക്യാന്പ് ഫീസായി പരീക്ഷാഫീസിനു പുറമെ അടയ്ക്കണം.
പ്രാക്ടിക്കൽ
2017 ഒക്ടോബറിൽ തൃപ്പൂണിത്തുറ ആർഎൽവി കോളജിൽ നടത്തിയ മൂന്നും അഞ്ചും സെമസ്റ്റർ ബിഎ ഭരതനാട്യം, മോഹിനിയാട്ടം (സിബിസിഎസ്എസ് റഗുലർ/സപ്ലിമെന്ററി) പരീക്ഷകളുടെ ഭരതനാട്യം, മോഹിനിയാട്ടം കോംപ്ലിമെന്ററി അഭിനയസംഗീതം പ്രാക്ടിക്കൽ 27 മുതൽ ഡിസംബർ എട്ടു വരെ തൃപ്പൂണിത്തുറ ആർഎൽവി കോളജിൽ നടത്തുന്നതാണ്. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
പുതുക്കിയ ബിഎഡ് പരീക്ഷാ തീയതി
അഫിലിയേറ്റഡ് കോളജുകളിലും സെന്റർ ഫോർ പ്രൊഫഷണൽ ആൻഡ് അഡ്വാൻസ്ഡ് സ്റ്റഡീസിനു കീഴിലുള്ള സ്ഥാപനങ്ങളിലും 28ന് ആരംഭിക്കാനിരുന്ന ഒന്നാം സെമസ്റ്റർ ബിഎഡ് (ക്രെഡിറ്റ് ആൻഡ് സെമസ്റ്റർ 2017 അഡ്മിഷൻ റഗുലർ/2015, 16 അഡ്മിഷൻ സപ്ലിമെന്ററി) പരീക്ഷ ഡിസംബർ 11 മുതൽ നടത്തുന്നതിനായി പുതുക്കി നിശ്ചയിച്ചു.
പരീക്ഷാഫലം
2016 നവംബറിൽ നടത്തിയ ഒന്നാം സെമസ്റ്റർ ബിഎസ്സി (സിബിസിഎസ്എസ്, മോഡൽ 1, 2, 3, 2016 അഡ്മിഷൻ റഗുലർ ആൻഡ് 2013 മുതൽ 2015 വരെ അഡ്മിഷൻ റീഅപ്പിയറൻസ്) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഡിസംബർ നാല് വരെ അപേക്ഷിക്കാം.
2016 നവംബറിൽ നടത്തിയ ഒന്നാം സെമസ്റ്റർ ബിഎ (സിബിസിഎസ്എസ് മോഡൽ 1, 2, 3, 2013 മുതൽ 2016 വരെ അഡ്മിഷൻ) ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 30 വരെ അപേക്ഷിക്കാം.
2017 ഫെബ്രുവരിയിൽ നടന്ന മൂന്നാം സെമസ്റ്റർ എംഎ ഇക്കണോമിക്സ് (നോണ് സിഎസ്എസ് സപ്ലിമെന്ററി/മേഴ്സി ചാൻസ്) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 30 വരെ അപേക്ഷിക്കാം.
2017 മേയ് മാസം നടത്തിയ നാലാം സെമസ്റ്റർ എംഎസ്ഡബ്ല്യു (പിജിസിഎസ്എസ് റഗുലർ ആൻഡ് സപ്ലിമെന്ററി) ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 30 വരെ അപേക്ഷിക്കാം.
2017 ഫെബ്രുവരിയിൽ നടത്തിയ മൂന്നാം സെമസ്റ്റർ എംഎസ്ഡബ്ല്യു (നോണ് സിഎസ്എസ് മേഴ്സി ചാൻസ്) ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 30 വരെ അപേക്ഷിക്കാം.
2017 ജനുവരിയിൽ നടത്തിയ നാലാം സെമസ്റ്റർ എംഎസ്സി അപ്ലൈഡ് ഇലക്ട്രോണിക്സ് (സപ്ലിമെന്ററി പഴയ സ്കീം 2014നു മുന്പുള്ള അഡ്മിഷൻ) ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 29 വരെ അപേക്ഷിക്കാം.
2016 സെപ്റ്റംബറിൽ നടത്തിയ രണ്ടാം സെമസ്റ്റർ എംഎസ്സി ഫിഷറി ബയോളജി ആൻഡ്് അക്വാകൾച്ചർ (റഗുലർ ആൻഡ് സപ്ലിമെന്ററി) ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്ക് 29 വരെ അപേക്ഷിക്കാം.
2017 മാർച്ചിൽ നടത്തിയ മൂന്നാം സെമസ്റ്റർ മാസ്റ്റർ ഓഫ് കമ്മ്യൂണിക്കേഷൻ ആൻഡ് ജേർണലിസം (റഗുലർ/സപ്ലിമെന്ററി) ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 29 വരെ അപേക്ഷിക്കാം.
2017 ജനുവരിയിൽ നടത്തിയ രണ്ടാം സെമസ്റ്റർ എംഎസ്സി അപ്ലൈഡ് ഇലക്ട്രോണിക്സ് (സപ്ലിമെന്ററി പഴയ സ്കീം 2014നു മുന്പുള്ള അഡ്മിഷൻ) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 29 വരെ അപേക്ഷിക്കാം.
2017 ജനുവരിയിൽ നടത്തിയ ഒന്നാം സെമസ്റ്റർ എംഎസ്സി ഫുഡ് ടെക്നോളജി ആൻഡ് ക്വാളിറ്റി അഷ്വറൻസ് (റഗുലർ) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 29 വരെ അപേക്ഷിക്കാം.
നാടകോത്സവം
എംജി യൂണിവേഴ്സിറ്റി യൂണിയന്റെ ആഭിമുഖ്യത്തിൽ നടത്തുന്ന നാടകോത്സവം 15, 16 തീയതികളിൽ തൊടുപുഴ മർച്ചന്റ്സ് അസോസിയേഷൻ ഹാളിൽ നടത്തും. പങ്കെടുക്കാൻ താല്പര്യമുള്ള കോളജ് ടീമുകൾ നാടകസംഗ്രഹത്തിന്റെ നാലു കോപ്പികൾ, പ്രിൻസിപ്പലിന്റെ സാക്ഷ്യപത്രം, മത്സരാർഥികളുടെ കോളജ് തിരിച്ചറിയൽ കാർഡിന്റെ പകർപ്പ് എന്നിവ സഹിതം ഡിസംബർ ആറിനകം സർവകലാശാലാ യൂണിയൻ ഓഫീസിൽ സമർപ്പിക്കണം.
മൂല്യനിർണ്ണയത്തിന് ഹാജരാകണം
2017ൽ നടന്ന രണ്ടും മൂന്നും അഞ്ചും സെമസ്റ്റർ സിബിസിഎസ്എസ് ബിരുദ പരീക്ഷകളുടെ ഇംഗ്ലീഷ്, കൊമേഴ്സ് എന്നീ വിഷയങ്ങളുടെ മൂല്യനിർണയത്തിനായി അധ്യാപകർ മേഖലാ ക്യാന്പുകളിൽ ഹാജരാകണം. ഹാജരാകാത്ത അധ്യാപകർക്കെതിരെ സർവകലാശാല നടപടികൾ സ്വീകരിക്കും.