അപ്പാരൽ ട്രെയിനിംഗ് സെന്‍ററിൽ പ്രഫഷണൽ കോഴ്സുകൾ
ഫാഷൻ ഡിസൈനിംഗ് മേഖലയിലെ ഇന്ത്യയിലെ പ്രമുഖ വൊക്കേഷണൽ ഇൻസ്റ്റിറ്റ്യൂട്ടായ അപ്പാരൽ ട്രെയിനിംഗ് ആൻഡ് ഡിസൈൻ സെന്‍ററിന്‍റെ തിരുവനന്തപുരത്തുള്ള റീജണൽ സെന്‍ററിൽ ജനുവരിയിൽ ആരംഭിക്കുന്ന തൊഴിലധിഷ്ഠിത പ്രഫഷണൽ ഡിപ്ലോമ കോഴ്സുകളായ അപ്പാരൽ മാനുഫാക്ചറിംഗ് ടെക്നോളജി, ഫാഷൻ ഡിസൈൻ ടെക്നോളജി കൂടാതെ ഹ്രസ്വകാല കോഴ്സുകൾക്ക് അപേക്ഷ ക്ഷണിക്കുന്നു.
പട്ടികജാതി വിഭാഗത്തിൽപ്പെട്ട യുവതീയുവാക്കൾക്ക് വിവിധ കേന്ദ്ര സംസ്ഥാന സർക്കാർ ഏജൻസി മുഖേനയുള്ള കോഴ്സുകൾക്കു സൗജന്യ പരിശീലനത്തിനും അപേക്ഷിക്കാം. അവസാന തീയതി ഡിസംബർ 15ന്. കൂടുതൽ വിവരങ്ങൾക്ക് അപ്പാരൽ ട്രെയിനിംഗ് സെന്‍റർ, കിൻഫ്ര ഇന്‍റർനാഷണൽ അപ്പാരൽ പാർക്ക്, സെന്‍റ് സേവ്യേഴ്സ് കോളജ് പിഒ, തുമ്പ, തിരുവനന്തപുരം 695586. ഫോണ് : 04712706922, 9746271004, 9946184948.
ബധിര വിദ്യാർഥികൾക്ക് നിഷിൽ പുതിയ കോഴ്സുകൾ
നാഷണൽ ഇൻസ്റ്റിറ്റ്യൂട്ട് ഓഫ് സ്പീച്ച് ആൻഡ് ഹിയറിംഗ് (നിഷ്) സംസ്ഥാന സർക്കാരിനു കീഴിലുള്ള അസാപു (അഡീഷണൽ സ്കിൽ അക്വിസിഷൻ പ്രോഗ്രാം)മായി ചേർന്ന് ബധിരരോ ശ്രവണവൈകല്യമുള്ളവരോ ആയ പ്ലസ് ടു പാസായ വിദ്യാർഥികൾക്കായി പുതിയ കോഴ്സുകൾ ആരംഭിക്കുന്നു.
അസിസ്റ്റന്‍റ് ഫാഷൻ ഡിസൈൻ, ജ്വല്ലറി ഡിസൈനർ കാഡ് എന്നിവയാണ് കോഴ്സുകൾ. രജിസ്ട്രേഷനും മറ്റു വിവരങ്ങൾക്കും ww w.nis h.ac.in സന്ദർശിക്കുക.
ഓണ്‍ലൈൻ രജിസ്ട്രേഷനുള്ള അവസാന തീയതി 24ന്.