എംജിയിൽ അദാലത്ത്; വിദ്യാർഥികൾക്കു പരാതിപ്പെടാം
കോട്ടയം: വിദ്യാർഥികളുടെ വിവിധ പരാതികൾ ഉടൻ തീർപ്പാക്കാനായി എംജി യൂണിവേഴ്സിറ്റി ഡിസംബർ നാല്, ആറ്, എട്ട് തീയതികളിൽ വിദ്യാർഥി അദാലത്ത് നടത്തും. പരാതികൾ, ഡെപ്യൂട്ടി രജിസ്ട്രാർ (പ്ലാനിംഗ്), എംജി യൂണിവേഴ്സിറ്റി, പ്രിയദർശിനി ഹിൽസ് പിഒ, കോട്ടയം 686560 എന്ന വിലാസത്തിൽ ഓണ്ലൈൻ അല്ലാതെ 25 വരെ സമർപ്പിക്കാം. പരീക്ഷ സംബന്ധിച്ച വിശദമായ വിവരങ്ങളും ബന്ധപ്പെട്ട രേഖകളും പരാതിയിൽ ഉൾപ്പെടുത്തണം.
യൂണിവേഴ്സിറ്റിയിൽനിന്നു വിവിധ സർട്ടിഫിക്കറ്റുകൾ, മാർക്ക് ലിസ്റ്റുകൾ തുടങ്ങിയ സേവനങ്ങൾക്ക് അപേക്ഷിച്ച വിദ്യാർഥികൾക്കു ന്യൂനതകൾ പരിഹരിക്കണമെന്നാവശ്യപ്പെട്ട് അയച്ചിരിക്കുന്ന മെമ്മോയ്ക്കുള്ള മറുപടി ആവശ്യമായ രേഖകൾ സഹിതം 29നകം സമർപ്പിക്കണം.