ബിരുദ പ്രോഗ്രാമുകൾക്ക് പ്രൈവറ്റ് രജിസ്ട്രേഷൻ 30 വരെ
201718 വർഷത്തിൽ ബിരുദ പ്രോഗ്രാമുകൾക്ക് പ്രൈവറ്റ് രജിസ്ട്രേഷൻ നടത്തുന്നതിന് പിഴകൂടാതെ 23 മുതൽ 30 വരെയും 100 രൂപ പിഴയോടെ ഡിസംബർ അഞ്ച് വരെയും www.universityofcalicut.info/OnlineRegistration വെബ്സൈറ്റ് വഴി ഓണ്ലൈനായി അപേക്ഷിക്കാം. അപേക്ഷയുടെ പ്രിന്റൗട്ട്, അനുബന്ധ രേഖകൾ സഹിതം എസ്ഡിഇ ഓഫീസിൽ ഡിസംബർ എട്ട് വരെ സ്വീകരിക്കും. ഫീസ്: 1,500/ രൂപ.
പ്രോഗ്രാമുകൾ: ബിഎ അഫ്സൽഉൽഉലമ, ബിഎ അറബിക്, ബിഎ ഇക്കണോമിക്സ്, ബിഎ ഇംഗളീഷ്, ബിഎ ഹിന്ദി, ബിഎ ഹിസ്റ്ററി, ബിഎ മലയാളം, ബിഎ ഫിലോസഫി, ബിഎ പൊളിറ്റിക്കൽ സയൻസ്, ബിഎ സംസ്കൃതം, ബിഎ സോഷ്യോളജി, ബിഎ ഉറുദു, ബികോം, ബിബിഎ, ബിഎസ് സി മാത്തമാറ്റിക്സ്. വിവരങ്ങൾ വെബ്സൈറ്റിൽ.
കെമാറ്റ് പരീക്ഷ എഴുതണം
കാന്പസിലെ കോമേഴ്സ് ആൻഡ് മാനേജ്മെന്റ് സ്റ്റഡീസ് പഠനവകുപ്പ്, വടകര, കോഴിക്കോട്, കുറ്റിപ്പുറം, തിരൂർ (തൃശൂർ), തൃശൂർ ജോണ് മത്തായി സെന്റർ, പാലക്കാട് എന്നീ കേന്ദ്രങ്ങളിലേക്കും, അഫിലിയേറ്റഡ് മാനേജ്മെന്റ് ഇൻസ്റ്റിറ്റ്യൂട്ടുകളിലേക്കും എംബിഎ പ്രവേശനത്തിന് അപേക്ഷിക്കാൻ താത്പര്യമുള്ളവർ അഡ്മിഷൻ സൂപ്പർവൈസറി കമ്മറ്റി നടത്തുന്ന കെമാറ്റ് കേരള പരീക്ഷ പാസ്സാകണം. പരീക്ഷ സംബന്ധിച്ച വിജ്ഞാപനം www.kmatkerala.in വെബ്സൈറ്റിൽ ലഭ്യമാണ്. അവസാന തിയതി ജനുവരി 19.
മാർക്ക് ലിസ്റ്റ് വിതരണം
മൂന്നാം വർഷ ബികോം (നോണ് സിസിഎസ്എസ്) പാർട്ട് മൂന്ന് ഏപ്രിൽ 2016 പരീക്ഷയുടെ മാർക്ക് ലിസ്റ്റുകൾ പരീക്ഷാ കേന്ദ്രങ്ങളിൽ ലഭ്യമാണ്. പുനർമൂല്യനിർണയത്തിന് സാധാരണ ഫോമിലുള്ള അപേക്ഷ, മാർക്ക് ലിസ്റ്റിന്റെ പകർപ്പ്, ചലാൻ സഹിതം പരീക്ഷാഭവനിൽ സ്വീകരിക്കുന്ന അവസാന തിയതി ഡിസംബർ ആറ്.
മൂന്നാം സെമസ്റ്റർ യുജി പരീക്ഷ
കോളജ് വിദ്യാർഥികൾക്കുള്ള മൂന്നാം സെമസ്റ്റർ ബികോം, ബിബിഎ, ബികോം വൊക്കേഷണൽ, ബികോം പ്രൊഫഷണൽ, ബിഎച്ച്എ, ബിടിഎച്ച്എം (സിയുസിബിസിഎസ്എസ്), ബികോം ഓണേഴ്സ്സിസിഎസ്എസ് റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷ ഡിസംബർ 12ന് ആരംഭിക്കും.
പരീക്ഷാഫലം
2017 ജൂണിൽ നടത്തിയ നാലാം സെമസ്റ്റർ എംഎ പോസ്റ്റ് അഫ്സൽഉൽഉലമ (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 30 വരെ അപേക്ഷിക്കാം.
ജൂണിൽ നടത്തിയ നാലാം സെമസ്റ്റർ എംഎസ് സി ജ്യോഗ്രഫി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഡിസംബർ നാല് വരെ അപേക്ഷിക്കാം.
മൂന്നാം സെമസ്റ്റർ ബിടെക് (2009, 2014 സ്കീം), പാർട്ട്ടൈം ബിടെക് (09 സ്കീം) 2016 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് നവംബർ 30 വരെ അപേക്ഷിക്കാം.
ഏപ്രിലിൽ നടത്തിയ ഒന്നാം സെമസ്റ്റർ എംസിഎ (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 30 വരെ അപേക്ഷിക്കാം.
പുനർമൂല്യനിർണയ ഫലം
എൽഎൽബി രണ്ടാം സെമസ്റ്റർ (ത്രിവത്സരം), രണ്ടാം സെമസ്റ്റർ (യൂണിറ്ററി), രണ്ടാം സെമസ്റ്റർ (പഞ്ചവത്സരം), നാലാം സെമസ്റ്റർ ബിബിഎഎൽഎൽബി ഒക്ടോബർ 2016 പരീക്ഷകളുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.