പ്രഭാഷണം സംഘടിപ്പിച്ചു
തേഞ്ഞിപ്പലം: ദേശീയ വിദ്യാഭ്യാസ ദിനത്തോടനുബന്ധിച്ച് കാലിക്കട്ട് സർവകലാശാലാ മൗലാനാ അബുൽ കലാം ആസാദ് ചെയർ സംഘടിപ്പിച്ച പ്രഭാഷണം സർവകലാശാലാ പ്രോവൈസ് ചാൻസലർ ഡോ.പി. മോഹൻ ഉദ്ഘാടനം ചെയ്തു.
വിദ്യാഭ്യാസം സ്വതന്ത്ര ഇന്ത്യയിൽ എന്ന വിഷയത്തിൽ പ്രഫ. കെ.എൻ. ഗണേഷ് പ്രഭാഷണം നടത്തി. ചെയർ കണ്വീനർ ഡോ.വി.എം. അബ്ദുൽ മുജീബ് അധ്യക്ഷത വഹിച്ചു. ഡോ.എ.ബി. മൊയ്തീൻ കുട്ടി, ഡോ.പി. രവീന്ദ്രൻ, ഡോ.എൻ.മുഹമ്മദലി പ്രസംഗിച്ചു.
സർവകലാശാലാ എഡ്യുക്കേഷൻ, ജേർണലിസം, ഹിസ്റ്ററി, അറബിക്, കെമിസ്ട്രി, ഫിസിക്സ് എന്നീ പഠനവകുപ്പുകളുടെ സഹകരണത്തോടെയായിരുന്നു പരിപാടി സംഘടിപ്പിച്ചത്.