നാലാം സെമസ്റ്റർ എംഎസ് സി മൈക്രോബയോളജി പരീക്ഷയുടെ ഫലം പ്രസിദ്ധപ്പെടുത്തി
2017 മേയ് മാസത്തിൽ നടന്ന നാലാം സെമസ്റ്റർ എംഎസ് സി മൈക്രോബയോളജി (റഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷയുടെ ഫലം പ്രസിദ്ധപ്പെടുത്തി. കാലടി ശ്രീശങ്കര കോളജിലെ മെറിൻ പോൾ, പി.കെ.ശ്രീദേവി, വി. ജീവ എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഡിസംബർ നാലു വരെ അപേക്ഷിക്കാം.
2016 നവംബറിൽ നടന്ന ഒന്നാം സെമസ്റ്റർ സിബിസിഎസ്എസ് ബിബിഎ ബിസിഎ ബിബിഎം, ബിഎസ്ഡബ്ല്യു, ബിഎഫ്ടി, ബിടിഎസ്. (2013 മുതൽ അഡ്മിഷൻ റഗുലർ/സപ്ലിമെന്ററി) പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഡിസംബർ അഞ്ചു വരെ അപേക്ഷിക്കാം.
പ്രാക്്ടിക്കൽ
2017 ഒക്ടോബറിൽ നടന്ന മൂന്നാം സെമസ്റ്റർ (സിബിസിഎസ്എസ്) ബിഎസ്സി മൈക്രോബയോളജി ഡിഗ്രി പരീക്ഷയുടെ പ്രാക്്ടിക്കൽ 28 മുതൽ ഡിസംബർ 15 വരെ ബന്ധപ്പെട്ട കോളജുകളിൽ നടത്തുന്നതാണ്. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
അഫിലിയേറ്റഡ് കോളജുകളിലും ഗാന്ധിനഗർ ഇൻസ്റ്റിറ്റ്യൂട്ട് ഓഫ് ലൈബ്രറി ആൻഡ് ഇൻഫർമേഷൻ സയൻസസിലും 2017 ഒക്ടോബറിൽ നടന്ന രണ്ടാം സെമസ്റ്റർ ബിഎൽഐഎസ്സി. (റഗുലർ, സപ്ലിമെന്ററി) പരീക്ഷയുടെ പ്രാക്്ടിക്കൽ പരീക്ഷകൾ കോട്ടയം ഗാന്ധിനഗർ ഇൻസ്റ്റിറ്റ്യൂട്ട് ഓഫ് ലൈബ്രറി ആൻഡ് ഇൻഫർമേഷൻ സയൻസസ്, കോലഞ്ചേരി സെന്റ് പീറ്റേഴ്സ് കോളജ് എന്നീ കേന്ദ്രങ്ങളിൽ 27 മുതൽ 29 വരെ നടത്തുന്നതാണ്. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
ബിടെക്, ബിആർക് പരീക്ഷ: അഡീഷണൽ ചീഫ് സൂപ്രണ്ട്, ഇൻവിജിലേറ്റർ നിയമനം
ഇന്ന് ആരംഭിക്കുന്ന ബിടെക്, ബിആർക് നവംബർ, ഡിസംബർ 2017 പരീക്ഷയ്ക്ക് നിയമിക്കപ്പെട്ട അഡീഷണൽ ചീഫ് സൂപ്രണ്ടുമാരുടെയും ഇൻവിജിലേറ്റർമാരുടെയും പട്ടിക സർവകലാശാലാ വെബ്സൈറ്റിൽ ലഭ്യമാണ്.