ബിടെക് പരീക്ഷ മാറ്റി
എംജി യൂണിവേഴ്സിറ്റി ഇന്നു നടത്താൻ നിശ്ചയിച്ചിരുന്ന അഞ്ചാം സെമസ്റ്റർ ബിടെക് പരീക്ഷകൾ മാറ്റിവച്ചു. പുതുക്കിയ തീയതി പിന്നീട്.
സൂക്ഷ്മപരിശോധന
2017 ഏപ്രിൽ മാസം നടത്തിയ നാലാം സെമസ്റ്റർ ബിഎ (സിബിസിഎസ്എസ്) പരീക്ഷയുടെ ഉത്തരക്കടലാസ് സൂക്ഷ്മപരിശോധനയ്ക്ക് അപേക്ഷിച്ച വിദ്യാർഥികൾ 28, 29, 30 തീയതികളിൽ പുതിയ പരീക്ഷാഭവനിലെ CsP 11 സെക്ഷനിൽ തിരിച്ചറിയൽ രേഖയുമായി ഹാജരാകണം.
പുനർമൂല്യനിർണയഫലം
2016 മേയ് മാസം നടത്തിയ രണ്ടും, 2016 ഒക്ടോബറിൽ നടത്തിയ മൂന്നും സെമസ്റ്റർ ബിഎ, ബിസിഎ എന്നീ പരീക്ഷകളുടെ പുനർമൂല്യനിർണയഫലം പ്രസിദ്ധീകരിച്ചു. മാർക്ക് വ്യത്യാസമുള്ള വിദ്യാർഥികൾ യൂണിവേഴ്സിറ്റി വെബ്സൈറ്റിൽ നിന്നും മെമ്മോ ഡൗണ്ലോഡ് ചെയ്ത് ബന്ധപ്പെട്ട പരീക്ഷാ ടാബുലേഷൻ സെക്ഷനിൽ സമർപ്പിക്കണം.
പരീക്ഷാഫലം
2017 സെപ്റ്റംബറിൽ സ്കൂൾ ഓഫ് ബയോ സയൻസസിൽ നടത്തിയ നാലാം സെമസ്റ്റർ എംഎസ്സി മൈക്രോ ബയോളജി, ബയോ കെമിസ്ട്രി, ബയോ ടെക്നോളജി, ബയോ ഫിസിക്സ് പരീക്ഷകളുടെ ഫലം പ്രസിദ്ധപ്പെടുത്തി.
2017 മേയ് മാസം നടത്തിയ നാലാം സെമസ്റ്റർ എംഎസ്സി ഇലക്ട്രോണിക്സ് (പിജി സിഎസ്എസ് റഗുലർ, ബെറ്റർമെന്റ്, സപ്ലിമെന്ററി) പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഡിസംബർ അഞ്ചു വരെ അപേക്ഷിക്കാം.
2017 ഏപ്രിൽ മാസം നടത്തിയ മൂന്നാം സെമസ്റ്റർ എംഎസ്സി സ്പെയ്സ് സയൻസ് ആൻഡ് ടെക്നോളജി (റഗുലർ, സപ്ലിമെന്ററി) ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഡിസംബർ അഞ്ചു വരെ അപേക്ഷിക്കാം.
2017 ഫെബ്രുവരി മാസത്തിൽ നടത്തിയ മൂന്നാം സെമസ്റ്റർ എംഎ മലയാളം, പൊളിറ്റിക്സ് (നോണ് സിഎസ്എസ്) മേഴ്സി ചാൻസ്, സപ്ലിമെന്ററി പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഡിസംബർ നാലുവരെ അപേക്ഷിക്കാം.