പുനർമൂല്യനിർണ്ണയ ഫലം
മേയ് 2016ൽ നടത്തിയ രണ്ടാം സെമസ്റ്റർ ബാച്ചിലർ ഓഫ് സോഷ്യൽ വർക്ക് പരീക്ഷയുടെ പുനർമൂല്യനിർണയഫലം പ്രസിദ്ധീകരിച്ചു. മാർക്ക് വ്യത്യാസമുള്ള വിദ്യാർഥികൾ സർവകലാശാലാ വെബ്സൈറ്റിൽനിന്നും മെമ്മോ ഡൗണ്ലോഡ് ചെയ്ത് ബന്ധപ്പെട്ട ടാബുലേഷൻ സെക്ഷനിൽ സമർപ്പിക്കണം.
ഡോക്ടറൽ കമ്മിറ്റി
വിവിധ വിഷയങ്ങളിലെ ഡോക്ടറൽ കമ്മിറ്റിയുടെ തീയതികൾ പ്രസിദ്ധപ്പെടുത്തി. ഇക്കണോമിക്സിൽ 28നും ഹിസ്റ്ററിയിൽ 29നും രാവിലെ 10ന് സ്കൂൾ ഓഫ് ബിഹേവിയറൽ സയൻസസിൽ ഡോക്ടറൽ കമ്മിറ്റി നടത്തും. കൊമേഴ്സിൽ 28നും 29നും രാവിലെ 9.30ന് സ്കൂൾ ഓഫ് ഗാന്ധിയൻ തോട്ട് ആൻഡ് ഡെവലപ്മെന്‍റ് സ്റ്റഡീസിലും കെമിസ്ട്രിയിൽ 29ന് രാവിലെ 10.30ന് സ്കൂൾ ഓഫ് കെമിക്കൽ സയൻസസിലും ഡോക്ടറൽ കമ്മിറ്റി നടക്കും. ഫോണ്: 0481 2733246.
പ്രാക്ടിക്കൽ
അഞ്ചാം സെമസ്റ്റർ ബിഎ മൾട്ടിമീഡിയ, ആനിമേഷൻ ആൻഡ് ഗ്രാഫിക് ഡിസൈൻ, വിഷ്വൽ ആർട്സ്, വിഷ്വൽ കമ്മ്യൂണിക്കേഷൻ, അനിമേഷൻ ആൻഡ് വിഷ്വൽ ഇഫക്ട്സ്, ഓഡിയോഗ്രഫി ആൻഡ് ഡിജിറ്റൽ എഡിറ്റിംഗ് (സിബിസിഎസ്എസ് 2013 മുതൽ അഡ്മിഷൻ, റഗുലർ, റീ അപ്പിയറൻസ്, സപ്ലിമെന്‍ററി) ഒക്ടോബർ 2017 പരീക്ഷയുടെ പ്രാക്ടിക്കൽ 27ന് ആരംഭിക്കും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
കൾച്ചറൽ സ്കോളർഷിപ്പ്
201617 അക്കാദമിക വർഷത്തിൽ അംഗപരിമിതരായ വിദ്യാർഥികൾക്കുള്ള കൾച്ചറൽ സ്കോളർഷിപ്പിന് അപേക്ഷകൾ ഡിസംബർ എട്ടിന് വൈകുന്നേരം 4.30 വരെ സ്വീകരിക്കും. കോളജ് പ്രിൻസിപ്പൽമാർ സാക്ഷ്യപ്പെടുത്തിയ അപേക്ഷയോടൊപ്പം വരുമാനസർട്ടിഫിക്കറ്റും ഹാജരാക്കണം. വിശദവിവരങ്ങൾക്ക് ംംം.ാഴൗ.മര.ശി എന്ന വെബ്സൈറ്റ് സന്ദർശിക്കുക.
എറുഡേറ്റ് പ്രൊഫസർഷിപ്പ് നൽകി ആദരിച്ചു
ഇന്‍റർനാഷണൽ ആൻഡ് ഇന്‍റർ യൂണിവേഴ്സിറ്റി സെന്‍റർ ഫോർ നാനോ സയൻസ് ആന്ഡ് നാനോ ടെക്നോളജിയും സംസ്ഥാന ഉന്നതവിദ്യാഭ്യാസ കൗണ്‍സിലും സംയുക്തമായി സംഘടിപ്പിച്ച ത്രിദിന എറുഡേറ്റ് പ്രഭാഷണം നടത്തിയ മെക്സിക്കൻ ശാസ്ത്രജ്ഞ ഡോ. പെട്രീഷ്യ തലാമസ് റൊഹാനയെ വൈസ് ചാൻസലർ ഡോ. ബാബു സെബാസ്റ്റ്യൻ പ്രൊഫസർഷിപ്പ് നൽകി ആദരിച്ചു. സ്കൂൾ ഓഫ് കെമിക്കൽ സയൻസസ് സെമിനാർ ഹാളിൽ നടത്തിയ ചടങ്ങിൽ പ്രോവൈസ് ചാൻസലർ പ്രഫ. സാബു തോമസ്, പഠനകേന്ദ്രം ഡയറക്ടർ ഡോ. നന്ദകുമാർ കളരിക്കൽ എന്നിവർ നേതൃത്വം നൽകി.