റീ അഡ്മിഷൻ/സ്ട്രീം ചേഞ്ച്/അഡീഷണൽ ഡിഗ്രി: പരീക്ഷാ അപേക്ഷ
വിദൂരവിദ്യാഭ്യാസം മൂന്നാം സെമസ്റ്റർ യുജി (സിയുസിബിസിഎസ്എസ്) റീ അഡ്മിഷൻ/സ്ട്രീം ചേഞ്ച്/അഡീഷണൽ ഡിഗ്രി എന്നിവക്ക് രജിസ്റ്റർ ചെയ്തവർക്ക് നവംബർ 2017 പരീക്ഷയ്ക്ക് പിഴകൂടാതെ നവംബർ 29 വരെയും 150 രൂപ പിഴയോടെ നവംബർ 30 വരെയും അപേക്ഷിക്കാം. ഈ വിദ്യാർഥികളുടെ രജിസ്റ്റർ നന്പർ വെബ്സൈറ്റിലെ പ്രൈവറ്റ് രജിസ്ട്രേഷൻനോട്ടിഫിക്കേഷൻ എന്ന ടാബിൽ ലഭ്യമാണ്.
ഡിഗ്രി, പിജി പ്രവേശനം
വിദൂരവിദ്യാഭ്യാസം ഡിഗ്രി, പിജി പ്രോഗ്രാമുകളിൽ പ്രവേശനത്തിന് നൂറ് രൂപ പിഴയോടെ അപേക്ഷിക്കാനുള്ള അവസാന തിയതി 29. അപേക്ഷയുടെ പ്രിന്റൗട്ട് അനുബന്ധ രേഖകൾ സഹിതം ഡിസംബർ അഞ്ചിനകം വിദൂരവിദ്യാഭ്യാസ വിഭാഗത്തിൽ ലഭിക്കണം. വിവരങ്ങൾ വെബ്സൈറ്റിൽ www.univeristyofcalicut.info.
മൂന്നാം സെമസ്റ്റർ പിജി പരീക്ഷ മാറ്റി
ഡിസംബർ 15 മുതൽ നടത്താനിരുന്ന മൂന്നാം സെമസ്റ്റർ പിജി സിയുസിഎസ്എസ് (അഫിലിയേറ്റഡ് കോളേജ്), സിസിഎസ്എസ് (പഠനവകുപ്പുകൾ) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ ജനുവരി എട്ട് മുതൽ നടക്കും.
പരീക്ഷാ അപേക്ഷ
അഫിലിയേറ്റഡ് കോളജുകളിലെ ഒന്നാം സെമസ്റ്റർ എംഎ/എംഎസ്സി/എംകോം/എംഎസ്ഡബ്ല്യൂ/എംഎൽഐഎസ്സി/എംസിജെ/എംജെടി/എംടിടിഎം/എംബിഇ/എംടിഎച്ച്എം (സിയുസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷയ്ക്ക് പിഴകൂടാതെ ഡിസംബർ 12 വരെയും 150 രൂപ പിഴയോടെ ഡിസംബർ 16 വരെയും അപേക്ഷിക്കാം.
പരീക്ഷാഫലം
2017 ജൂണിൽ നടത്തിയ നാലാം സെമസ്റ്റർ എംഎസ്സി ബയോകെമിസ്ട്രി, എംടിടിഎം (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഡിസംബർ 13 വരെ അപേക്ഷിക്കാം.
വിദൂരവിദ്യാഭ്യാസം ആറാം സെമസ്റ്റർ ബിഎസ്സി/ബിഎ/ബിഎ അഫ്സൽഉൽഉലമ (സിസിഎസ്എസ്) പരീക്ഷാഫലം (ഏപ്രിൽ 2017) വെബ്സൈറ്റിൽ. പുനർമൂല്യനിർണയത്തിന് ഡിസംബർ 11 വരെ അപേക്ഷിക്കാം. പ്രിന്റൗട്ട്, ചലാൻ സഹിതം ഡിസംബർ 14നകം ലഭിക്കണം.
ഫിസിക്സ് ദേശീയ സമ്മേളനത്തിന് തുടക്കമായി
കോഴിക്കോട്: ക്ഷീരപഥത്തിലെ സജീവ അണുകേന്ദ്രങ്ങളിലെ ഉയർന്ന ഊർജപ്രസരണത്തെക്കുറിച്ച് കാലിക്കട്ട് സർവകലാശാലാ ഫിസിക്സ് പഠനവിഭാഗത്തിൽ ത്രിദിന ദേശീയ സമ്മേളനത്തിന് തുടക്കമായി. പൂനയിലെ അസ്ട്രോണമി, അസ്ട്രോഫിസിക്സ് പഠനകേന്ദ്രത്തിന്റെ സഹകരണത്തോടെ നടത്തുന്ന സമ്മേളനം പ്രോവൈസ് ചാൻസലർ ഡോ. പി. മോഹൻ ഉദ്ഘാടനം ചെയ്തു.
ഡോ. സി.ഡി. രവികുമാർ, ഡോ. പി.ടി. രാമചന്ദ്രൻ, ഡോ. പി.പി. പ്രദ്യുമ്നൻ, ഡോ. ആന്റണി ജോസഫ്, ഡോ. ശ്രീകുമാർ തുടങ്ങിയവർ പങ്കെടുത്തു. ത്രിദിന സമ്മേളനത്തിൽ രാജ്യത്തിന്റെ വിവിധ ഭാഗങ്ങളിൽ നിന്നുള്ള ഗവേഷകരും അധ്യാപകരും പങ്കെടുക്കുന്നു. ഡോ. സി.എസ്. സ്റ്റാലിൻ, ഡോ. ബി.എസ്. ആചാര്യ, ഡോ. ജെ. സീത, ഡോ. ജി. അലോക്, ഡോ. എ. ഗോപകുമാർ എന്നിവർ ക്ലാസുകൾ നയിച്ചു.
സർവകലാശാലാ ലൈബ്രറി സയൻസ് പൂർവവിദ്യാർഥി സംഗമം
തേഞ്ഞിപ്പലം: കാലിക്കട്ട് സർവകലാശാല ലൈബ്രറി ആൻഡ് ഇൻഫർമേഷൻ സയൻസ് പഠനവകുപ്പിലെ നിലവിലെ ക്ലാസ് മുറികളിൽ ഒരിക്കൽ കൂടി ഒത്തുചേരാൻ പൂർവവിദ്യാർഥികൾക്ക് അവസരം. പഠനവകുപ്പ് പുതിയ കെട്ടിടത്തിലേക്ക് മാറ്റുകയാണ്. അതിന് മുന്പായി ഒരു വട്ടംകൂടി പഴയ മുറികളിലിരുന്ന് ഗൃഹാതുരത്വം കലർന്ന ഓർമ പുതുക്കാനായി ഡിസംബർ
23നാണ് ഒത്തുചേരൽ സംഘടിപ്പിച്ചിട്ടുള്ളത്. 1978ലാണ് പഠനവകുപ്പ് പ്രവർത്തനം തുടങ്ങിയത്. സർവകലാശാലാ സുവർണ ജൂബിലി വർഷത്തിൽ പൂർവവിദ്യാർഥികളെ ആദരിക്കൽ ഉൾപ്പെടെയുള്ള പരിപാടികൾ സംഘടിപ്പിച്ചതായി സംഘാടക സമിതി ചെയർമാനും പഠനവകുപ്പ് മേധാവിയുമായ ഡോ. ടി.എം. വാസുദേവൻ, സെക്രട്ടറി ഡോ. പി.കെ. ശശി എന്നിവർ അറിയിച്ചു.
ഫോണ്: 98 47 47 27 66, 94 46 41 87 42.