പ്രാക്ടിക്കൽ പരീക്ഷകൾ ഡിസംബർ നാലിന് ആരംഭിക്കും
അഫിലിയേറ്റഡ് കോളജുകളിലെയും, സ്കൂൾ ഓഫ് ടെക്നോളജി ആൻഡ് അപ്ലൈഡ് സയൻസസിലെയും നാലാം സെമസ്റ്റർ എംസിഎ (2015 അഡ്മിഷൻ റഗുലർ, 2011 2014 അഡ്മിഷൻ സപ്ലിമെന്ററി/ലാറ്ററൽ എൻട്രി 2016 അഡ്മിഷൻ റഗുലർ, 20132015 അഡ്മിഷൻ സപ്ലിമെന്ററി) പ്രാക്ടിക്കൽ പരീക്ഷകൾ ഡിസംബർ നാലിന് ആരംഭിക്കും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
വൈവാവോസി
2017 ഒക്ടോബർ മാസത്തിൽ നടത്തിയ അഞ്ചാം സെമസ്റ്റർ സിബിസിഎസ്എസ് ബിഎ പൊളിറ്റിക്കൽ സയൻസ് (മോഡൽ ഒന്നും രണ്ടും) പരീക്ഷയുടെ പ്രോജക്ട് ഇവാല്യുവേഷനും വൈവാവോസിയും ഡിസംബർ നാലു മുതൽ വിവിധ കേന്ദ്രങ്ങളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
കോഴ്സ് വർക്ക് പരീക്ഷ
അംഗീകൃത കേന്ദ്രങ്ങളിലെ ഗവേഷണ വിദ്യാർഥികളുടെ (റഗുലർ2016 രജിസ്ട്രേഷൻ, സപ്ലിമെന്ററി) കോഴ്സ് വർക്ക് പരീക്ഷ ഡിസംബർ 16, 17 തീയതികളിൽ ഉച്ചയ്ക്ക് 1.30 മുതൽ 4.30 വരെ കോട്ടയം സിഎംഎസ് കോളജിൽ നടത്തും.
സൂക്ഷ്മപരിശോധന
2017 ഏപ്രിൽ/മേയ് മാസം നടന്ന ബികോം ഓഫ് കാന്പസ്, നാലാം സെമസ്റ്റർ എംഎസ്സി ഫിസിക്സ് എന്നീ പരീക്ഷകളുടെ സൂക്ഷ്മപരിശോധനയ്ക്ക് അപേക്ഷ നൽകിയവർ തിരിച്ചറിയൽ കാർഡുമായി പരീക്ഷാഭവനിൽ റൂം നന്പർ 226ൽ നവംബർ 30, ഡിസംബർ ഒന്ന് തീയതികളിൽ ഹാജരാകണം.