ആറാം സെമസ്റ്റർ എംസിഎ (ലാറ്ററൽ എൻട്രി) പരീക്ഷ
കണ്ണൂർ സർവകലാശാലയുടെ ആറാം സെമസ്റ്റർ എംസിഎ (ലാറ്ററൽ എൻട്രി) ഡിഗ്രി (സിസിഎസ്എസ് 2015 അഡ്മിഷൻ റഗുലർ ഏപ്രിൽ 2017 സർവകലാശാല പഠനവകുപ്പുകൾ മാത്രം) പരീക്ഷകൾ ഡിസംബർ 18ന് ആരംഭിക്കും. അപേക്ഷകൾ പിഴകൂടാതെ ഡിസംബർ നാലു വരെയും 150 രൂപ പിഴയോടെ 5 വരെയും സമർപ്പിക്കാം. പരീക്ഷാഫീസ് ഓണ്ലൈനായി അടയ്ക്കണം. അപേക്ഷയോടൊപ്പം എപിസി, ചലാൻ എന്നിവ ഡിസംബർ ആറിനകം സർവകലാശാലയിൽ എത്തിക്കണം. ഫീസ് നിരക്ക് ഇപ്രകാരമാണ്: തിയറി 130/ രൂപ, പ്രാക്ടിക്കൽ 160, ഡിസർട്ടേഷൻ/ പ്രോജക്ട് 460, വൈവ 90, മാർക്ക് ലിസ്റ്റ് 60, സി.വി.ക്യാന്പ് ഫീസ് 150/ രൂപ. സർവകലാശാലയുടെ വെബ്സൈറ്റിൽനിന്നും ഡൗണ്ലോഡ് ചെയ്യുന്ന അപേക്ഷാഫോമിന് 40 രൂപ അധികമായി അടയ്ക്കണം.
എംസിഎ പ്രായോഗിക പരീക്ഷകൾ, കേസ് സ്റ്റഡി
നാലാം സെമസ്റ്റർ എംസിഎ (റഗുലർ/സപ്ലിമെന്ററി/ഇംപ്രൂവ്മെന്റ് ജൂലൈ 2017) ഡിഗ്രിയുടെ പ്രായോഗിക പരീക്ഷകൾ, കേസ് സ്റ്റഡി 30, ഡിസംബർ 1 തീയതികളിൽ വിവിധ കേന്ദ്രങ്ങളിൽ നടത്തും. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
രണ്ടാം സെമസ്റ്റർ എംസിഎ ഡിഗ്രി പ്രായോഗിക പരീക്ഷ
രണ്ടാം സെമസ്റ്റർ എംസിഎ (റഗുലർ/സപ്ലിമെന്ററി/ഇംപ്രൂവ്മെന്റ് ജൂലൈ 2017) ഡിഗ്രിയുടെ പ്രായോഗിക പരീക്ഷകൾ ഡിസംബർ നാലിന് വിവിധ കേന്ദ്രങ്ങളിൽ നടത്തും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടണം.