ഏഴാം സെമസ്റ്റർ ബിടെക് പരീക്ഷകൾ
കണ്ണൂർ സർവകലാശാലയുടെ ഏഴാം സെമസ്റ്റർ ബിടെക് (റഗുലർ/ സപ്ലിമെന്ററി പാർട്ട്ടൈം ഉൾപ്പെടെനവംബർ 2017) പരീക്ഷകൾക്കുള്ള ഓണ്ലൈൻ അപേക്ഷകൾ പിഴകൂടാതെ ഇന്നുമുതൽ ഡിസംബർ ആറുവരെയും 150 രൂപ പിഴയോടെ എട്ടുവരെയും സമർപ്പിക്കാം. അപേക്ഷയുടെ പ്രിന്റൗട്ടിനോടൊപ്പം എപിസി, ചലാൻ എന്നിവ ഡിസംബർ 12നകം സർവകലാശാലയിൽ എത്തിക്കണം. അപേക്ഷയോടൊപ്പം എപിസി സമർപ്പിക്കാത്ത വിദ്യാർഥികൾക്ക് ഹാൾടിക്കറ്റ് അനുവദിക്കുന്നതല്ല. പരീക്ഷാഫീസ് ഓണ്ലൈനായി SBI COLLECT മുഖേന അടയ്ക്കണം. പരീക്ഷാഫീസ് ഇപ്രകാരമാണ്: തിയറി റഗുലർ 100 രൂപ പേപ്പറൊന്നിന് (സപ്ലി: 130), പ്രാക്ടിക്കൽ റഗുലർ 120 (സപ്ലി: 150), മാർക്ക് ലിസ്റ്റ് 60, സിവി ക്യാന്പ് ഫീസ് 150, ആപ്ലിക്കേഷൻ ഫോം ഫീസ് 40 രൂപ. പരീക്ഷാ തീയതി പിന്നീട് പ്രഖ്യാപിക്കും.
എംഎസ്സി മെഡിക്കൽ ലബോറട്ടറി ടെക്നോളജി പരീക്ഷാഫലം
മൂന്നാം സെമസ്റ്റർ എംഎസ്സി മെഡിക്കൽ ലബോറട്ടറി ടെക്നോളജി (റഗുലർ മെയ് 2016) ഡിഗ്രി പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയത്തിനുള്ള അപേക്ഷകൾ ഡിസംബർ എട്ടുവരെ സ്വീകരിക്കും.
എംഎ അപ്ലൈഡ് ഇക്കണോമിക്സ് പരീക്ഷാഫലം
നാലാം സെമസ്റ്റർ എംഎ അപ്ലൈഡ് ഇക്കണോമിക്സ് (സിസിഎസ്എസ്) ഏപ്രിൽ 2017 പരീക്ഷാഫലം സർവകലാശാല വെബ്സൈറ്റിൽ ലഭ്യമാണ്.
എംസിഎ പരീക്ഷാഫലം
ഒന്നാംസെമസ്റ്റർ എംസിഎ (റഗുലർ), മൂന്നാം സെമസ്റ്റർ എംസിഎ (ലാറ്ററൽ എൻട്രി) സിസിഎസ്എസ് നവംബർ 2016 പരീക്ഷാഫലം സർവകലാശാല വെബ്സൈറ്റിൽ ലഭ്യമാണ്.
ബിഎസ്സി കംപ്യൂട്ടർ സയൻസ് പരീക്ഷ റദ്ദ് ചെയ്തു
നവംബർ 15ന് നടത്തിയ മൂന്നാം സെമസ്റ്റർ ബിഎസ്സി കന്പ്യൂട്ടർ സയൻസ് കോപ്ലിമെന്ററി പേപ്പർ 3c03 csc ഡാറ്റാബേസ് മാനേജ്മെന്റ് സിസ്റ്റം പരീക്ഷ റദ്ദ് ചെയ്തു. പുനഃപരീക്ഷാ തീയതി പിന്നീട് അറിയിക്കും.