എൻജിനിയറിംഗ് അധ്യാപകർക്ക് പരിശീലനം
പാലാ: സെന്റ് ജോസഫ്സ് എൻജിനിയറിംഗ് കോളജിലെ ഐഎസ്ടിഇ (ഇന്ത്യൻ സൊസൈറ്റി ഫോർ ടെക്നിക്കൽ എഡ്യൂക്കേഷൻ) സ്റ്റാഫ് ചാപ്റ്ററിന്റെ ആഭിമുഖ്യത്തിൽ എൻജിനിയറിംഗ് കോളജ് അധ്യാപകർക്കായി ഷോർട്ട് ടേം ട്രെയിനിംഗ് പ്രോഗ്രാം ആരംഭിച്ചു.
എട്ടു വരെ നടക്കുന്ന പ്രോഗ്രാമിന്റെ ഉദ്ഘാടനം എംജി സർവകലാശാല വൈസ് ചാൻസലർ ഡോ. ബാബു സെബാസ്റ്റ്യൻ നിർവഹിച്ചു. നൂതന സാങ്കേതിക വിദ്യകൾ വഴിയായി നാലാം വ്യവസായിക വിപ്ലവത്തിനൊരുങ്ങുന്ന ഈ കാലഘട്ടത്തിൽ യൂണിവേഴ്സിറ്റികൾ പാഠ്യപദ്ധതികളിൽ കാതലായ മാറ്റങ്ങൾ വരുത്തണമെന്ന് അദ്ദേഹം അഭിപ്രായപ്പെട്ടു.
കോളജ് ചെയർമാൻ മോൺ. ജോസഫ് കൊല്ലംപറന്പിൽ അധ്യക്ഷത വഹിച്ചു. കോളജ് മാനേജർ ഫാ. മാത്യു കോരംകുഴ, കോളജ് പ്രിൻസിപ്പലും ഐഎസ്ടിഇ കേരള ചാപ്റ്ററിന്റെ പ്രസിഡന്റുമായ ഡോ. കെ. വിജയകുമാർ, ഐഎസ്ടി ഗൈഡൻസ് ആൻഡ് കൗണ്സിലിംഗ് പ്രോഗ്രാം കോഓർഡിനേറ്റർ ഡോ. രാജേഷ് ബേബി എന്നിവർ പ്രസംഗിച്ചു.