ബിരുദ പ്രൈവറ്റ് രജിസ്ട്രേഷൻ: പിഴ സംഖ്യ കുറച്ചു
ബിരുദ പ്രോഗ്രാമുകൾക്ക് 12 വരെ പ്രൈവറ്റ് രജിസ്ട്രേഷൻ ചെയ്യുന്നതിനുള്ള പിഴ 500 രൂപയിൽ നിന്ന് 100 രൂപയായി കുറച്ചു. പ്രിന്റൗട്ട്, അനുബന്ധ രേഖകൾ സഹിതം 16 വരെ സർവകലാശാലയിൽ സ്വീകരിക്കും.
ഹിന്ദി പിജി ഡിപ്ലോമ പരീക്ഷാ അപേക്ഷ
ഹിന്ദി പിജി ഡിപ്ലോമ ഇൻ ട്രാൻസ്ലേഷൻ ആൻഡ് സെക്രട്ടേറിയൽ പ്രാക്ടീസ് (2016 പ്രവേശനം) പരീക്ഷയ്ക്ക് പിഴകൂടാതെ 15 വരെയും 150 രൂപ പിഴയോടെ 20 വരെയും അപേക്ഷിക്കാം.
പരീക്ഷ
വിദൂരവിദ്യാഭ്യാസം എംബിഎ രണ്ടാം സെമസ്റ്റർ 2013 പ്രവേശനം റഗുലർ/സപ്ലിമെന്ററി, 2012 പ്രവേശനം സപ്ലിമെന്ററി പരീക്ഷ ജനുവരി അഞ്ചിന് ആരംഭിക്കും.
ഫൈനൽ എംബിബിഎസ് പാർട്ട് ഒന്ന് (അഡീഷണൽ/സപ്ലിമെന്ററി) പരീക്ഷ ജനുവരി എട്ടിന് ആരംഭിക്കും.
എംആർക് പുനർമൂല്യനിർണയ ഫലം
ഒന്നാം സെമസ്റ്റർ എംആർക് ജനുവരി 2017 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.
എംഫിൽ പൊളിറ്റിക്കൽ സയൻസ് വൈവാ വോസി
പൊളിറ്റിക്കൽ സയൻസ് പഠനവകുപ്പിലെ രണ്ടാം സെമസ്റ്റർ എംഫിൽ പൊളിറ്റിക്കൽ സയൻസ് വൈവാ വോസി 11ന് രാവിലെ പത്തിന് പഠനവകുപ്പിൽ നടക്കും.
ലാപ്ടോപ്പ്, ഡിസ്പ്ലേ പാനൽ
കോമേഴ്സ് ആൻഡ് മാനേജ്മെന്റ് വകുപ്പിൽ ലാപ്ടോപ്പ് കംപ്യൂട്ടറുകൾ, ഡിസ്പ്ലേ പാനൽ, ഇന്റഗ്രേറ്റഡ് പോഡിയം എന്നിവ ലഭ്യമാക്കുന്നതിന് ടെൻഡർ നോട്ടീസ് സർവകലാശാലാ വെബ്സൈറ്റിൽ നൽകിയിട്ടുണ്ട്. താൽപ്പര്യമുള്ളവർക്ക് ടെൻഡർ സമർപ്പിക്കാവുന്നതാണ്.
ഓവർസിയർ (സിവിൽ) നിയമനം 14ന് വാക്ഇൻഇന്റർവ്യൂ
ഓവർസിയർ (സിവിൽ) കരാർ നിയമനത്തിന് 14ന് രാവിലെ പത്തിന് വാക്ഇൻഇന്റർവ്യൂ നടത്തും. പ്രതിമാസ മൊത്തവേതനം: 19,950 രൂപ. യോഗ്യത: എസ്എസ്എൽസിയും സിവിൽ എൻജിനിയറിംഗിൽ ഡിപ്ലോമയും. സർക്കാർ വകുപ്പ്/സ്ഥാപനത്തിൽ ഓവർസിയറായി കുറഞ്ഞത് ഒരു വർഷത്തെ പരിചയം അഭിലഷണീയം. 2017 ജനുവരി ഒന്നിന് 36 വയസ് കവിയരുത്. വിവരങ്ങൾ വെബ്സൈറ്റിൽ.
വനിതകൾക്ക് സൗജന്യ ചുരിദാർ നിർമ്മാണ പരിശീലനം
ലൈഫ്ലോംഗ് ലേണിംഗ് വകുപ്പിൽ വനിതകൾക്കായി സൗജന്യ ചുരിദാർ നിർമാണവും ഡിസൈനിംഗും പരിശീലിപ്പിക്കുന്നു. പത്ത് ദിവസമാണ് പരിശീലനം. മെറ്റീരിയലിന്റെ തുക പഠിതാക്കൾ വഹിക്കണം. ആദ്യം രജിസ്റ്റർ ചെയ്യുന്ന 50 പേർക്കാണ് പ്രവേശനം. ഫോണ് : 0494 2407360.