പുതുക്കിയ പരീക്ഷാ തീയതി
കഴിഞ്ഞ എട്ടിനു നടത്താൻ നിശ്ചയിച്ചിരുന്നതും മാറ്റിവച്ചതുമായ തിയറി പരീക്ഷകളുടെ പുതുക്കിയ തീയതി പ്രഖ്യാപിച്ചു. സ്കൂൾ ഓഫ് ഇന്ത്യൻ ലീഗൽ തോട്ടിലെ നാലാം സെമസ്റ്റർ ത്രിവത്സര എൽഎൽബി (വൈകുന്നേരം നാലു മുതൽ രാത്രി ഒന്പതു വരെ റഗുലർ, ഇംപ്രൂവ്മെന്‍റ്, സപ്ലിമെന്‍ററി) പരീക്ഷകൾ 15നും നാലാം സെമസ്റ്റർ പഞ്ചവത്സര ബിബിഎ എൽഎൽബി (ഓണേഴ്സ്, റെഗുലർ, ഇംപ്രൂവ്മെന്‍റ്, സപ്ലിമെന്‍ററി) പരീക്ഷയും മൂന്നാം സെമസ്റ്റർ എംഎച്ച്ആർഎം ഡിഗ്രി (റഗെുലർ, സപ്ലിമെന്‍ററി) പരീക്ഷയും 18നും ഒന്നും രണ്ടും സെമസ്റ്റർ ബിഎ, ബികോം പ്രൈവറ്റ് (സിബിസിഎസ്എസ്, റെഗുലർ, ഇംപ്രൂവ്മെന്‍റ്, സപ്ലിമെന്‍ററി), ഒന്പതാം സെമസ്റ്റർ ബിആർക് (2013 അഡ്മിഷൻ റെഗുലർ, 2011, 2012 അഡ്മിഷൻസ് സപ്ലിമെന്‍ററി) പരീക്ഷ 20നും നടത്തും. അഞ്ചാം സെമസ്റ്റർ ബിഎ ക്രിമിനോളജി എൽഎൽബി (ഓണേഴ്സ്), ബികോം എൽഎൽബി (ഓണേഴ്സ്), ബിബിഎ എൽഎൽബി (ഓണേഴ്സ്) പരീക്ഷകളും രണ്ടാം വർഷ ബിപിഇ (ആനുവൽ സ്കീം 2013ന് മുന്പുള്ള അഡ്മിഷൻ) പരീക്ഷയും ജനുവരി നാലിനും മൂന്നാം സെമസ്റ്റർ എംബിഎ (2013 & 2014 അഡ്മിഷൻ സപ്ലിമെന്‍ററി, 2012 അഡ്മിഷൻ ഒന്നാം മേഴ്സി ചാൻസ്) പരീക്ഷ അഞ്ചിനും നടത്തും. പരീക്ഷാകേന്ദ്രത്തിനും സമയത്തിനും മാറ്റമില്ല.
അപേക്ഷാ തീയതി
അഫിലിയേറ്റഡ് കോളജുകളിലെ മൂന്നാം സെമസ്റ്റർ ബിഎ ക്രിമിനോളജി എൽഎൽബി (ഓണേഴ്സ്), ബികോം എൽഎൽബി (ഓണേഴ്സ്) ബിബിഎ എൽഎൽബി (ഓണേഴ്സ്) (2015 അഡ്മിഷൻ മുതൽ റെഗുലറും 2015ന് മുന്പുള്ള അഡ്മിഷൻ സപ്ലിമെന്‍ററിയും) പരീക്ഷകൾ ജനുവരി അഞ്ചിന് ആരംഭിക്കും. അപേക്ഷകൾ 18 വരെയും 50 രൂപ പിഴയോടെ 19 വരെയും 500 രൂപ സൂപ്പർഫൈനോടെ 21 വരെയും സ്വീകരിക്കും. റെഗുലർ വിദ്യാർഥികൾ 100 രൂപയും വീണ്ടുമെഴുതുന്നവർ പേപ്പറൊന്നിന് 20 രൂപ വീതവും (പരമാവധി 100 രൂപ) സിവി ക്യാന്പ് ഫീസായി പരീക്ഷാഫീസിനൊപ്പം അടയ്ക്കണം.
അഫിലിയേറ്റഡ് കോളജുകളിലെ ആറാം സെമസ്റ്റർ പഞ്ചവത്സര എൽഎൽബി, രണ്ടാം വർഷ ത്രിവത്സര എൽഎൽബി (കോമണ്) പരീക്ഷകൾ ജനുവരി ഒന്നിന് ആരംഭിക്കും. അപേക്ഷകൾ 18 വരെയും 50 രൂപ പിഴയോടെ 19 വരെയും 500 രൂപ സൂപ്പർഫൈനോടെ 21 വരെയും സ്വീകരിക്കും. റെഗുലർ വിദ്യാർഥികൾ 100 രൂപയും വീണ്ടുമെഴുതുന്നവർ പേപ്പറൊന്നിന് 20 രൂപ വീതവും (പരമാവധി 100 രൂപ) സിവി ക്യാന്പ് ഫീസായി പരീക്ഷാഫീസിനൊപ്പം അടയ്ക്കണം.
പരീക്ഷാഫലം
2017 മാർച്ചിൽ ഇൻസ്റ്റിറ്റ്യൂട്ട് ഫോർ ഇന്‍റൻസീവ് റിസർച്ച് ഇൻ ബേസിക് സയൻസസിൽ നടത്തിയ ഒന്നാം സെമസ്റ്റർ പഞ്ചവത്സര ഇന്‍റഗ്രേറ്റഡ് ഇന്‍റർ ഡിസിപ്ലിനറി മാസ്റ്റർ ഓഫ് സയൻസ് പരീക്ഷയുടെ ഫലം പ്രസിദ്ധീകരിച്ചു.
എൽഎസ്എസ് അവാർഡ് ദാന ചടങ്ങ്
20162017 അക്കാദമിക വർഷത്തിൽ എൻഎസ്എസ് പ്രവർത്തനങ്ങളിൽ മികച്ച പ്രകടനം കാഴ്ചവച്ച, എംജി സർവകലാശാലയുടെ കീഴിലുള്ള അഫിലിയേറ്റഡ് കോളജുകൾ, മികച്ച വോളണ്ടിയർമാർ, പ്രോഗ്രാം ഓഫീസർമാർ എന്നിവർക്കുള്ള അവാർഡ് ദാന ചടങ്ങ് 14ന് രാവിലെ 11നു സർവകലാശാലാ അസംബ്ലി ഹാളിൽ വൈസ് ചാൻസലർ ഡോ. ബാബു സെബാസ്റ്റ്യൻ ഉദ്ഘാടനം ചെയ്യും.
സ്റ്റാഫ് നഴ്സ് പിഎസ്സി പരീക്ഷാ പരിശീലനം
കേരള പബ്ലിക് സർവീസ് കമ്മീഷൻ ഫെബ്രുവരിയിൽ നടത്തുന്ന സ്റ്റാഫ് നഴ്സ് ഗ്രേഡ് രണ്ട് പരീക്ഷയ്ക്കുള്ള പരിശീലനം എംജി സർവകലാശാലാ എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ നടത്തും. 0481 2731025.
സ്പെക്ട്രോസ്കോപ്പി ശില്പശാല
കോട്ടയം: എംജി സർവകലാശാലാ ഇന്‍റർനാഷണൽ യൂണിറ്റ് ഓണ്‍ മാക്രോ മോളിക്യുലാർ സയൻസ് ആൻഡ് എൻജിനീയറിംഗിന്‍റെ ആഭിമുഖ്യത്തിൽ നടന്ന അന്തർദ്ദേശീയ സ്പെക്ട്രോസ്കോപ്പി ശില്പശാലയുടെ രണ്ടാം ദിനത്തിൽ പ്ലീനറി പ്രഭാഷണം നടത്തിയ അമേരിക്കൻ ശാസ്ത്രജ്ഞൻ പ്രഫ. ഉമ്മൻ കെ. വർഗീസ് പരിസ്ഥിതി സന്തുലനത്തിൽ സോളാർ ഫ്യൂവൽ സെല്ലുകളുടെ പ്രസക്തി ശാസ്ത്രസമൂഹത്തിന് പരിചയപ്പെടുത്തി. പ്രഫ. ഗാഡു സുഭാഷ്, ബോറോണ് കാർബൈഡ് അടങ്ങിയ കടുപ്പമേറിയ വസ്തുക്കളെ സംബന്ധിച്ച് പ്രഭാഷണം നടത്തി.