ചേർത്തല സെന്റ് മൈക്കിൾസ് കോളജിൽ എംഎ ഇക്കണോമിക്സ് സീറ്റ് ഒഴിവ്
ചേർത്തല സെന്റ് മെക്കിൾസ് കോളജിൽ എംഎ ഇക്കണോമിക്സ് കോഴ്സിന് കമ്യൂണിറ്റി വിഭാഗത്തിൽ സീറ്റ് ഒഴിവ് ഉണ്ട്. ഈ കോളജിൽ നിലവിലുണ്ടായിരുന്ന കമ്യൂണിറ്റി ക്വാട്ട റാങ്ക് പട്ടികയിൽ പ്രവേശനത്തിനായി പരിഗണിക്കാവുന്നവർ ഇല്ലായെന്ന് പ്രിൻസിപ്പൽ അറിയിച്ചതിനാൽ ഈ ഒഴിവുകളിലേയ്ക്ക് പരിഗണിക്കപ്പെടുവാൻ താത്പര്യമുള്ളവർ ഇന്ന് ഉച്ചകഴിഞ്ഞ് രണ്ടികനം കോളജ് പ്രിൻസിപ്പലിന് രേഖകൾ സഹിതം അപേക്ഷ സമർപ്പിക്കണം. ലഭ്യമായ അപേക്ഷകരിൽ നിന്നും കമ്യൂണിറ്റി ക്വാട്ട റാങ്ക് പട്ടിക തയാറാക്കി ഇന്നു വൈകുന്നേരം നാലിന് കോളജ് നോട്ടീസ് ബോർഡിൽ പ്രസിദ്ധപ്പെടുത്തും. 14ന് കോളജിൽ പ്രവേശനം നടത്തും. ഇതിനായി സർവകലാശാലയിലേയ്ക്ക് പ്രത്യേക അപേക്ഷ സമർപ്പിക്കേണ്ടതില്ല.
കാട്ടാക്കട ക്രിസ്ത്യൻ കോളജിൽ എംഎസ്സി ഫിസിക്സ് സീറ്റ് ഒഴിവ്
കാട്ടാക്കട ക്രിസ്ത്യൻ കോളജിൽ എംഎസ്സി ഫിസിക്സ് കോഴ്സിന് കമ്യൂണിറ്റി വിഭാഗത്തിൽ സീറ്റ് ഒഴിവ് ഉണ്ട്. പ്രസ്തുത കോളജിൽ നിലവിലുണ്ടായിരുന്ന കമ്യൂണിറ്റി ക്വാട്ട റാങ്ക് പട്ടികയിൽ പ്രവേശനത്തിനായി പരിഗണിക്കാവുന്നവർ ഇല്ലെന്ന് പ്രിൻസിപ്പൽ അറിയിച്ചതിനാൽ ഈ ഒഴിവുകളിലേയ്ക്ക് പരിഗണിക്കപ്പെടുവാൻ താത്പര്യമുള്ളവർ ഇന്ന് ഉച്ചകഴിഞ്ഞ് രണ്ടിനകം കോളജ് പ്രിൻസിപ്പലിന് രേഖകൾ സഹിതം അപേക്ഷ സമർപ്പിക്കണം. ലഭ്യമായ അപേക്ഷകരിൽ നിന്നും കമ്യൂണിറ്റി ക്വാട്ട റാങ്ക് പട്ടിക തയാറാക്കി ഇന്നു വൈകുന്നേരം നാലിന് കോളജ് നോട്ടീസ് ബോർഡിൽ പ്രസിദ്ധപ്പെടുത്തും. 14ന് കോളജിൽ പ്രവേശനം നടത്തും. ഇതിനായി സർവകലാശാലയിലേയ്ക്ക് പ്രത്യേക അപേക്ഷ സമർപ്പിക്കേണ്ടതില്ല.
എംഎസ്സി പ്രാക്ടിക്കൽ പരീക്ഷ
ഓഗസ്റ്റിൽ നടത്തിയ രണ്ടാം സെമസ്റ്റർ എംഎസ്സി മൈക്രോബയോളജി പരീക്ഷയുടെ പ്രാക്ടിക്കൽ 18 മുതൽ നടത്തും. വിശദവിവരങ്ങൾ വെബ്സൈറ്റിലും കോളജിലും ലഭിക്കും.
ബിടെക് പരീക്ഷ
2018 ജനുവരിയിൽ നടത്തുന്ന അഞ്ചാം സെമസ്റ്റർ ബിടെക് ഡിഗ്രി (2013 സ്കീം) സപ്ലിമെന്ററി ഇംപ്രൂവ്മെൻറ് പരീക്ഷയ്ക്ക് 19വരെ (50 രൂപ പിഴയോടെ ഡിസംബർ 21, 125 രൂപ പിഴയോടെ ഡിസംബർ 23) ഫീസടച്ച് അപേക്ഷിക്കാം. സെഷണൽ ഇംപ്രൂവ്മെന്റ് ആയി പ്രസ്തുത പരീക്ഷ എഴുതുന്നവർ സർവകലാശാലയിൽ നേരിട്ട് അപേക്ഷിക്കണം. വിശദവിവരങ്ങൾ വെബ്സൈറ്റിൽ ലഭിക്കും.
ഡിപ്ലോമ ഇൻ ട്രാൻസ്ലേഷൻസ്റ്റഡീസ് കോഴ്സിന് അപേക്ഷിക്കാം
സെന്റർ ഫോർ ട്രാൻസിലേഷൻ ആൻഡ് ട്രാൻസ്ലേഷൻ സ്റ്റഡീസ് നടത്തുന്ന ഒരുവർഷ ഡിപ്ലോമ ഇൻ ട്രാൻസലേഷൻസ്റ്റഡീസ്’ കോഴ്സിന് ജനറൽ വിഭാഗത്തിലും എസ്സി, എസ്ടി വിഭാഗത്തിലും സീറ്റുകൾ ഒഴിവുണ്ട്. വിശദവിവരങ്ങൾ വെബ്സൈറ്റിൽ . കൂടുതൽ വിവരങ്ങൾക്ക് ഫോണ് : 9349439544, 9207639544 ബന്ധപ്പെടുക.