എംഎസ്‌സി കൗണ്‍സലിംഗ് സൈക്കോളജി പരീക്ഷാഫലം
കണ്ണൂർ സർവകലാശാലയുടെ രണ്ടാം സെമസ്റ്റർ എംഎസ്‌സി കൗണ്‍സലിംഗ് സൈക്കോളജി (റഗുലർ/സപ്ലിമെന്‍ററി/ഇംപ്രൂവ്മെന്‍റ് മാർച്ച് 2017) ഡിഗ്രിയുടെ പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയത്തിന്‍റെ തീയതി പിന്നീട് അറിയിക്കും.
എംഎസ്‌സി അപ്ലൈഡ് സുവോളജി പ്രായോഗിക പരീക്ഷകൾ
ഒന്നാം സെമസ്റ്റർ എംഎസ്‌സി അപ്ലൈഡ് സുവോളജി (സിസിഎസ്എസ് റഗുലർ നവംബർ 2016) ഡിഗ്രിയുടെ പ്രായോഗിക പരീക്ഷകൾ 15, 16 തീയതികളിൽ മാനന്തവാടി കാന്പസിലെ ഡിപ്പാർട്ട്മെന്‍റ് ഓഫ് അപ്ലൈഡ് സുവോളജിയിൽ നടക്കും. രജിസ്റ്റർ ചെയ്ത വിദ്യാർഥികൾ പരീക്ഷാകേന്ദ്രവുമായി ബന്ധപ്പെടണം.
എംഎസ്‌സി എൻവയോണ്മെന്റൽ സയൻസ് പരീക്ഷാഫലം
ഒന്നാം സെമസ്റ്റർ എംഎസ്‌സി എൻവയോണ്മെന്റൽ സയൻസ് (സിസിഎസ്എസ് നംവബർ 2016) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്.
ഒന്നാം സെമസ്റ്റർ എംഎ ഇംഗ്ലീഷ് പരീക്ഷാഫലം
ഒന്നാം സെമസ്റ്റർ എംഎ ഇംഗ്ലീഷ് നംവബർ 2016 (സിസിഎസ്എസ്) പരീക്ഷാഫലം പ്രസിദ്ധീകരിച്ചു. പരീക്ഷാഫലം സർവകലാശാല വെബ്സൈറ്റിൽ ലഭ്യമാണ്.
കോഴ്സ് ഡയറക്ടർ നിയമനം
കണ്ണൂർ സർവകലാശാലയുടെ കാസർഗോഡ് കാന്പസിൽ പ്രവർത്തിക്കുന്ന കന്നട ഡിപ്പാർട്ട്മെന്‍റിലേക്ക് കരാറടിസ്ഥാനത്തിൽ കോഴ്സ് ഡയറക്ടറെ നിയമിക്കുന്നതിനായി താവക്കര കാന്പസിൽ 20 ന് രാവിലെ 11 ന് വാക്ക് ഇൻ ഇന്‍റർവ്യൂ നടത്തും.
അപേക്ഷകർക്ക് പ്രസ്തുത വിഷയത്തിൽ കുറഞ്ഞത് അസിസ്റ്റന്‍റ് പ്രഫസർ തസ്തികയിൽ നിഷ്കർഷിക്കുന്ന യോഗ്യത ഉണ്ടായിരിക്കണം. ജോലിപരിചയം ഉള്ളവർക്ക് മുൻഗണന ലഭിക്കും. നിയമനം കണ്ണൂർ സർവകലാശാല നിയമങ്ങൾക്ക് വിധേയമായിട്ടായിരിക്കും.
തെരഞ്ഞെടുക്കപ്പെടുന്നവർക്ക് നെറ്റ്/പിഎച്ച്ഡി യോഗ്യതയും 20 വർഷത്തെ പ്രവൃത്തിപരിചയവും ഉണ്ടെങ്കിൽ പ്രതിമാസം 30,000 രൂപ വേതനം ലഭിക്കും. നെറ്റ്/പിഎച്ച്ഡി യോഗ്യത ഉണ്ടെങ്കിൽ 26,000 രൂപയും അതില്ലാത്തവർക്ക് 22,000 രൂപയും വേതനമായി ലഭിക്കും.
ഇന്‍റർവ്യൂവിന് ഹാജരാകുന്നവർ അവരുടെ വിദ്യാഭ്യാസയോഗ്യത, വയസ്, ജാതി, ജോലിപരിചയം നാഷണൽ /ഇന്‍റർനാഷണൽ പബ്ലിക്കേഷൻസ്, പേപ്പർ പ്രസന്‍റേഷൻസ് എന്നിവ തെളിയിക്കുന്നതിനാവശ്യമായ എല്ലാ അസൽ സർട്ടിഫിക്കറ്റുകളും അവയുടെ സ്വയം സാക്ഷ്യപ്പെടുത്തിയ പകർപ്പുമായി 20 ന് രാവിലെ 10 ന് കണ്ണൂർ സർവകലാശാല, താവക്കര, കണ്ണൂർ2 ഉള്ള അക്കാദമിക് വിഭാഗത്തിൽ ഹാജരാകണം.
കേരളത്തിന് പുറത്തുനിന്ന് നിശ്ചിത യോഗ്യത നേടിയ ഉദ്യോഗാർഥികൾ കണ്ണൂർ സർവകലാശാല നൽകുന്ന തുല്യത സർട്ടിഫിക്കറ്റ് ഹാജരാക്കണം. പൂരിപ്പിച്ച അപേക്ഷയോടൊപ്പം സർവകലാശാലയുടെ ഫണ്ടിൽ അടച്ച 200 രൂപയുടെ ഒറിജിനൽ ചലാൻ രസീതും ഹാജരാക്കണം. അപേക്ഷാഫോമും വിശദവിവരങ്ങളും സർവകലാശാലയുടെ വെബ്സൈറ്റിൽ (www.kannuruniversity.ac.in) ലഭ്യമാണ്. കൃത്യസമയത്ത് ഹാജരാകാത്ത ഉദ്യോഗാർഥികളെ ഇന്‍റർവ്യൂവിൽ പങ്കെടുപ്പിക്കുന്നതല്ല.