നിർമ യൂണിവേഴ്സിറ്റിയിൽ ബി ഡിസൈൻ പഠിക്കാം
അഹമ്മദാബാദ് ആസ്ഥാനമായുള്ള നിർമ യൂണിവേഴ്സിറ്റിയുടെ ഡിപ്പാർട്ട്മെന്‍റ് ഓഫ് ഡിസൈൻ നടത്തുന്ന ബി ഡിസൈൻ കോഴ്സുകളിലേക്ക് ഇപ്പോൾ അപേക്ഷിക്കാം. ഇൻഡ്സ്ട്രിയൽ ഡിസൈൻ, കമ്യൂണിക്കേഷൻ ഡിസൈൻ എന്നീ രണ്ടു പ്രോഗ്രാമുകളിലായി 40 വീതം സീറ്റുകളാണുള്ളത്.
50 ശതമാനം മാർക്കോടെ പ്ലസ്ടു പാസായവർക്കും എൻജിനിയറിംഗ് ഡിപ്ലോമ പാസായവർക്കും അപേക്ഷിക്കാം. അപേക്ഷാ ഫീസ് 2000 രൂപ. ജനുവരി 28നു നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. കൊച്ചി, അഹമ്മദാബാദ്, ഭോപ്പാൽ, ന്യൂഡൽഹി, കോൽക്കത്ത, മുംബൈ, ബാംഗളൂരു, ഗോഹട്ടി, ഹൈദരാബാദ്, പാറ്റ്ന, ഡെറാഡൂണ്‍ എന്നിവിടങ്ങളിൽ പ്രവേശന പരീക്ഷാ കേന്ദ്രങ്ങളുണ്ട്.
സ്കെച്ചിംഗ്, വിഷ്വലൈസേഷൻ, ക്രിയേറ്റിവിറ്റി, കളർ, മെക്കാനിക്കൽ കോംപ്രിഹെൻഷൻ എന്നിവയിലുള്ള അഭിരുചിയാണു പ്രവേശന പരീക്ഷയിലൂടെ നിർണയിക്കുക. 2,67,500 രൂപയാണ് വാർഷിക ട്യൂഷൻ ഫീസ്. ജനുവരി ആറിനകം അപേക്ഷിക്കണം. കൂടുതൽ വിവരങ്ങൾക്ക്: www.nirm auni.ac.in
അജീങ്കിയ യൂണിവേഴ്സിറ്റിയിൽ ഡിസൈൻ പ്രോഗ്രാം
പൂന ആസ്ഥാനമായുള്ള അജീങ്കിയ ഡിവൈ പട്ടേൽ യൂണിവേഴ്സിറ്റിയുടെ ബാച്ചിലർ ഓഫ് ഡിസൈൻ കോഴ്സിനും അപേക്ഷിക്കാം. പ്രൊഡക്ട് ഡിസൈൻ, ഓട്ടോമൊബൈൽ ഡിസൈൻ കോഴ്സുകൾക്കാണ് അപേക്ഷിക്കാവുന്നത്. 45 ശതമാനം മാർക്കോടെ പ്ലസ്ടു പാസായവർക്ക് അപേക്ഷിക്കാം. യോഗ്യതാ പരീക്ഷയുടെ മാർക്കിന്‍റെ അടിസ്ഥാനത്തിലാണ് അഡ്മിഷൻ. കൂടുതൽ വിവരങ്ങൾക്ക്: ww w.ajinkyadypattel.com