ചരിത്ര ഗവേഷണത്തിന് ഫെലോഷിപ്
ചരിത്ര വിഷയങ്ങളിൽ ജൂണിയർ റിസർച്ച് ഫെലോഷിപ്പിന് ഇന്ത്യൻ ചരിത്ര ഗവേഷണ കൗണ്സിൽ (ഐസിഎച്ച്ആർ) അപേക്ഷ ക്ഷണിച്ചു. ഓണ്ലൈനായി ജനുവരി 14നകം അപേക്ഷ സമർപ്പിച്ച് അതിന്റെ പ്രിന്റൗട്ട് ജനുവരി 24നകം അയച്ചു കൊടുക്കണം. പ്രതിമാസം 17,600 രൂപയാണ് ഫെലോഷിപ്. കൂടാതെ 16,500 രൂപ വാർഷിക ഗ്രാന്റായും ലഭിക്കും. ആകെ 80 പേർക്കാണു ഫെലോഷിപ് ലഭിക്കുക.
രണ്ടു വർഷത്തേക്കാണു ഫെലോഷിപ്. മാർച്ച് 13ന് നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. അപേക്ഷാ ഫീസ് 200 രൂപ. പ്രവേശന പരീക്ഷയ്ക്ക് ന്യൂഡൽഹി, ബംഗളൂരു, ഗോഹട്ടി, പൂന എന്നിവിടങ്ങളിൽ മാത്രമാണു സെന്റർ ഉള്ളത്. സംവരണ വിഭാഗങ്ങൾക്കു യാത്രാക്കൂലി തിരികെ ലഭിക്കും അപേക്ഷാ ഫീസും നൽകേണ്ട. ചരിത്രത്തിലും അനുബന്ധ വിഷയങ്ങളിലും ബിരുദാനന്തര ബിരുദം ഉള്ളവർക്ക് അപേക്ഷിക്കാം. ഏതെങ്കിലും യൂണിവേഴ്സിറ്റിയിൽ പിഎച്ച്ഡിക്കു രജിസ്റ്റർ ചെയ്തിക്കണം. വെബ്സൈറ്റ്: www.ichr.ac.in.
വിലാസം: മെംബർ സെക്രട്ടറി, ഐസിഎച്ച്ആർ, നന്പർ 35 ഫിറോസ്ഷാ റോഡ്, ന്യൂഡൽഹി110001.