രണ്ടാം വർഷ ബിഎസ് സി നഴ്സിംഗ് (2015 അഡ്മിഷൻ റെഗുലർ പരീക്ഷകൾ ജനുവരി 17-ന് ആരംഭിക്കും
രണ്ടാം വർഷ ബിഎസ് സി നഴ്സിംഗ് (2015 അഡ്മിഷൻ റെഗുലർ, 2009 മുതൽ 2014 വരെ അഡ്മിഷൻ സപ്ലിമെന്ററി) പരീക്ഷകൾ ജനുവരി 17ന് ആരംഭിക്കും. അപേക്ഷകൾ പിഴയില്ലാതെ 26 വരെയും 50 രൂപ പിഴയോടെ 27 വരെയും 500 രൂപ സൂപ്പർ ഫൈനോടെ 29 വരെയും സ്വീകരിക്കും. റെഗുലർ വിദ്യാർഥികൾ 100 രൂപയും വീണ്ടും എഴുതുന്നവർ പേപ്പർ ഒന്നിന് 20 രൂപ വീതവും (പരമാവധി 100 രൂപ) സിവി ക്യാന്പ് ഫീസായി പരീക്ഷാ ഫീസിനൊപ്പം അടയ്ക്കണം.
2017 മെയ് മാസം നടത്തിയ നാലാം സെമസ്റ്റർ എംഎ ഭരതനാട്യം, മോഹിനിയാട്ടം, വയലിൻ, മ്യൂസിക് വീണ, കഥകളി വേഷം, കഥകളി സംഗീതം, മൃദംഗം (റെഗുലർ/സപ്ലിമെന്ററി) എന്നീ പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മ പരിശോധനയ്ക്കും 26 വരെ അപേക്ഷിക്കാം.
2016 ഡിസംബറിൽ നടന്ന രണ്ടാം സെമസ്റ്റർ എംഎസ്സി മൈക്രോബയോളജി (നോണ് സിഎസ്സ്, സപ്ലിമെന്ററി) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മ പരിശോധനയ്ക്കും 29 വരെ അപേക്ഷിക്കാം.
2016 ഡിസംബറിൽ നടന്ന രണ്ടാം സെമസ്റ്റർ എംഎസ്സി ഹോം സയൻസ് (സപ്ലിമെന്ററി ആൻഡ് മേഴ്സി ചാൻസ്) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മ പരിശോധനയ്ക്കും 27 വരെ അപേക്ഷിക്കാം.
2016 ഡിസംബറിൽ നടന്ന രണ്ടാം സെമസ്റ്റർ എംഎസ്സി ബയോകെമസ്ട്രി (സപ്ലിമെന്ററി ആൻഡ് മേഴ്സി ചാൻസ്) പരീക്ഷ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മ പരിശോധനയ്ക്കും 27 വരെ അപേക്ഷിക്കാം.
ബിടെക് മൂല്യനിർണയം
ഏഴാം സെമസ്റ്റർ ബിടെക് (റെഗുലർ/സപ്ലിമെന്ററി), മൂന്നും, അഞ്ചും, എട്ടും സെമസ്റ്റർ ബിടെക് (സപ്ലിമെന്ററി) എന്നീ പരീക്ഷകളുടെ മൂല്യനിർണയ ക്യാന്പ് പാന്പാടി ആർഐടി, കോതമംഗലം എംഎസിഇ, മുട്ടം എസ്സിഎംഎസ് സ്കൂൾ ഓഫ് ടെക്നോളജി ആൻഡ് മാനേജ്മെന്റ് എന്നീ കേന്ദ്രങ്ങളിൽ 18ന് ആരംഭിക്കും. അധ്യാപകർ നിർദിഷ്ട കേന്ദ്രങ്ങളിൽ ഹാജരാകണം.
എൻഎസ്എസ് പ്രോഗ്രാം ഓഫീസർമാരുടെ യോഗം
എംജി യൂണിവേഴ്സിറ്റി ജൈവം 2017 പദ്ധതിയുടെ തുടർ നത്തിപ്പുമായി ബന്ധപ്പെട്ട കാര്യങ്ങൾ ചർച്ച ചെയ്യുന്നതിനായി ജൈവം പദ്ധതിയിൽ പങ്കെടുത്ത എൻഎസ്എസ് പ്രോഗ്രാം ഓഫീസർമാരുടെ യോഗം 18 ന് കോട്ടയം ബസേലിയസ് കോളജിൽ നടത്തും. രാവിലെ 11 മുതൽ ഒരു മണി വരെയുള്ള ആദ്യ ഘട്ട യോഗത്തിൽ 70ശതമാനത്തിനു മുകളിൽ സർവേ ജോലികൾ പൂർത്തിയാക്കിയ യൂണിറ്റുകളുടെ പ്രോഗ്രാം ഓഫീസർമാരും ഉച്ചകഴിഞ്ഞ് രണ്ടു മുതൽ നാലു വരെയുള്ള രണ്ടാം ഘട്ട യോഗത്തിൽ 50ശതമാനം മുതൽ 70 ശതമാനം വരെ സർവേ ജോലികൾ പൂർത്തിയാക്കിയ യൂണിറ്റുകളുടെ പ്രോഗ്രാം ഓഫീസർമാരും പങ്കെടുക്കേണ്ടതാണ്.
എംജിയിൽ സൗത്താഫ്രിക്കൻ ശാസ്ത്രജ്ഞന്റെ പ്രഭാഷണം
നാനോ സയൻസ് പഠനകേന്ദ്രവും സംസ്ഥാന ഉന്നത വിദ്യാഭ്യാസ കൗണ്സിലും സംയുക്തമായി നടത്തുന്ന എറുഡൈറ്റ് പ്രഭാഷണ പരന്പരയിൽ സൗത്താഫ്രിക്കൻ ശാസ്ത്രജ്ഞൻ ഡോ. സാമുവേൽ ഒലുബാടോബി ഒലുമാഫെയി ’കാൻസർ തെറാപ്പിയിൽ മൂന്നാം തലമുറ ഫോർഫയിർന്റെ ഉപയോഗം’ എന്ന വിഷയത്തിൽ പ്രഭാഷണം നടത്തും. 18, 19 തീയതികളിൽ സ്കൂൾ ഓഫ് കെമിക്കൽ സയൻസസ് സെമിനാർ ഹാളിൽ വൈകുന്നേരം നാലു മുതൽ അഞ്ചു വരെ ആയിരിക്കും പ്രഭാഷണം. ഫോണ് 8547487675.