കാര്യവട്ടം യൂണിവേഴ്സിറ്റി കോളജ് ഓഫ് എൻജിനിയറിംഗ് കോളജിലെ ഒന്നാം വർഷ ബിടെക് (2017 പ്രവേശനം) കോഴ്സിന്റെ പിടിഎ പൊതുയോഗം 20 ന് രാവിലെ 10ന് കോളജ് ഓഡിറ്റോറിയത്തിൽ നടക്കും.
ബിഎ, ബികോം ഫലം
2017 മേയിൽ നടത്തിയ മൂന്നാം സെമസ്റ്റർ ബിഎ ഇംഗ്ലീഷ് ആൻഡ് കമ്യൂണിക്കേറ്റീവ് ഇംഗ്ലീഷ്, ബിഎ ജേർണലിസം ആൻഡ് മാസ് കമ്യൂണിക്കേഷൻ ആൻഡ് വീഡിയോ പ്രൊഡക്ഷൻ, അഞ്ചാം സെമസ്റ്റർ ബിഎ ഇംഗ്ലീഷ് ആൻഡ് കമ്യൂണിക്കേറ്റീവ് ഇംഗ്ലീഷ്, ബികോം ഹോട്ടൽ മാനേജ്മെന്റ് ആൻഡ് കാറ്ററിംഗ് ഡിഗ്രി പരീക്ഷകളുടെ (2013 അഡ്മിഷന് മുൻപ്) ഫലം വെബ്സൈറ്റിൽ .
അക്കാഡമിക് റൈറ്റിംഗ്സ് ഇൻ അറബിക് ശില്പശാല
അറബി വിഭാഗം ലോക അറബിദിനത്തോട് അനുബന്ധിച്ച് ശില്പശാല സംഘടിപ്പിച്ചിരിക്കുന്നു. അക്കാഡമിക് റൈറ്റിംഗ്സ് ഇൻ അറബിക് എന്ന വിഷയത്തിൽ തിരുവനന്തപുരം യൂണിവേഴ്സിറ്റി കോളജ് അറബി വിഭാഗം മേധാവി ഡോ. എൻ. ഷംനാദ് വർക്ക് ഷോപ്പിന് (ശില്പശാലയ്ക്ക്) നേതൃത്വം നൽകും. ഇന്നു രാവിലെ 10ന് കാര്യവട്ടം അറബി വിഭാഗം സെമിനാർ ഹാളിൽ നടക്കുന്ന ശില്പശാലയിൽ ഗവേഷക വിദ്യാർഥികൾ, അധ്യാപകർ പോസ്റ്റ് ഗ്രാജ്വേറ്റ് വിദ്യാർഥികൾ എന്നിവർക്ക് പങ്കെടുക്കാം. പ്രവേശനം സൗജന്യമായിരിക്കും.
സീറ്റൊഴിവ്
(ഐയുസിജിഐഎസ്ടി) പി ജി ഡിപ്ലോമ ഇൻ ജിയോ ഇൻഫർമേഷൻ സയൻസ് & ടെക്നോളജിയിൽ ഒരു എസ്ടി സീറ്റ് ഒഴിവുണ്ട്. യോഗ്യത : ജിയോളജി, ജിയോഗ്രഫി, എൻവയോണ്മെന്റ് സയൻസ്, കംപ്യൂട്ടർ സയൻസ്, ഫിസിക്സ് ഇവയിൽ ഏതിലെങ്കിലും പി.ജി ബിരുദം. താല്പര്യം ഉള്ളവർ അസൽ രേഖകളുമായി 23 ന് മുൻപ് ഹാജരാകുക. ഫോണ് : 0471 2308214.