അഫിലിയേറ്റഡ് കോളജുകളിലെ ക്രിസ്മസ് അവധി 23 മുതൽ ജനുവരി രണ്ടുവരെയായി പുതുക്കി നിശ്ചയിച്ചു.
ബിഎ/ബിഎസ്‌സി/ബിഎ (അഫ്സൽഉൽഉലാമ) പരീക്ഷ
ബിഎ/ബിഎസ്‌സി/ബിഎ (അഫ്സൽഉൽഉലാമ) (ആന്വൽ സ്കീം) പാർട്ട് ഒന്നും രണ്ടും, ബിഎസ്‌സി (ആന്വൽ) പാർട്ട് മൂന്ന് സബ്സിഡിയറി വിഷയങ്ങളുടെയും സപ്ലിമെന്‍ററി പരീക്ഷയ്ക്ക് 30വരെ (50 രൂപ പിഴയോടെ ജനുവരി നാല്, 125 രൂപ പിഴയോടെ ജനുവരി ആറ്) അപേക്ഷിക്കാം. മുൻപ് ഓണ്‍ലൈനായി അപേക്ഷിച്ച വിദ്യാർഥികൾ, ഫീസടച്ച ശേഷം ഓണ്‍ലൈനായി രജിസ്റ്റർ ചെയ്യണം. പരീക്ഷാ തീയതി പിന്നീട് പ്രസിദ്ധീകരിക്കും. വിശദവിവരങ്ങൾ വെബ്സൈറ്റിൽ .
മെരിറ്റ് സ്കോളർഷിപ്പ് : സാധ്യതാ ലിസ്റ്റ്
201617 വർഷത്തിൽ വിവിധ ബിരുദാനന്തര ബിരുദ കോഴ്സുകളിൽ യൂണിവേഴ്സിറ്റി മെരിറ്റ് സ്കോളർഷിപ്പിന് അർഹരായ വിദ്യാർഥികളുടെ സാധ്യത ലിസ്റ്റ് സർവകലാശാല വെബ്സൈറ്റിൽ ന്യൂസ് എന്ന ലിങ്കിൽ ലഭിക്കും. പരാതികളുള്ളവർ ജനുവരി 10 നകം പ്രിൻസിപ്പൽ മുഖാന്തരം സർവകലാശാലയിൽ അറിയിക്കണം. ജനുവരി 10 നുശേഷം ലഭിക്കുന്ന പരാതികൾ പരിഗണിക്കില്ല. സാധ്യതാലിസ്റ്റിൽ ഉൾപ്പെട്ടതുകൊണ്ടുമാത്രം സ്കോളർഷിപ്പ് ലഭിക്കുന്നതിന് അർഹത ഉണ്ടായിരിക്കില്ല.
എംഎസ്‌സി ഫലം
വിദൂര വിദ്യാഭ്യാസ കേന്ദ്രം ഓഗസ്റ്റിൽ നടത്തിയ ഒന്നാം സെമസ്റ്റർ എംഎസ്‌സി കംപ്യൂട്ടർ സയൻസ് സപ്ലിമെന്‍ററി പരീക്ഷയുടെയും നവംബറിൽ നടത്തിയ നാലാം സെമസ്റ്റർ (2014 ബാച്ച്) റഗുലർ സപ്ലിമെന്‍ററി പരീക്ഷയുടെയും ഫലം വെബ്സൈറ്റിൽ ലഭിക്കും.
ബിടെക് പരീക്ഷ
ജനുവരിയിൽ നടത്തുന്ന എട്ടാം സെമസ്റ്റർ ബിടെക് ഡിഗ്രി 2013 സ്കീം സപ്ലിമെന്‍ററി പരീക്ഷയ്ക്ക് 29വരെ (50 രൂപ പിഴയോടെ ജനുവരി നാല്, 125 രൂപ പിഴയോടെ ജനുവരി ആറ്) ഓണ്‍ലൈനായി അപേക്ഷിക്കാം.
ഏകദിന സെമിനാർ
വേദാന്ത പഠന കേന്ദ്രത്തിന്‍റെ ആഭിമുഖ്യത്തിൽ യോഗ നിത്യജീവിതത്തിൽ എന്ന വിഷയത്തിൽ 23 ന് സർവകലാശാല സെനറ്റ്ഹാൾ ഡയസിൽ വച്ച് ഒരു ഏകദിന സെമിനാർ നടത്തും. കൈതപ്രം വാസുദേവൻ നന്പൂതിരി (ഡയറക്ടർ, പതഞ്ജലി യോഗാ പഠന ഗവേഷണ കേന്ദ്രം), ഡോ. കെ.വി. പത്മനാഭൻ (കണ്ണൂർ സർവകലാശാല യോഗാധ്യാപകൻ) തുടങ്ങിയവർ ക്ലാസുകൾ കൈകാര്യം ചെയ്യും. പങ്കെടുക്കാൻ താത്പര്യമുള്ളവർ 9400552206, 9961424848 എന്നീ നന്പരുകളിൽ ബന്ധപ്പെടുക.