വിദൂര വിദ്യാഭ്യാസ വിഭാഗം ജൂലൈയിൽ നടത്തിയ പ്രീവിയസ്/ഫൈനൽ എംഎ ഫിലോസഫി സപ്ലിമെന്ററി പരീക്ഷയുടെ ഫലം വെബ്സൈറ്റിൽ
മാർക്ക് ലിസ്റ്റുകൾ കൈപ്പറ്റണം വിദൂര വിദ്യാഭ്യാസകേന്ദ്രം ജൂലൈയിൽ നടത്തിയ എംഎ സംസ്കൃതം (സപ്ലിമെന്ററി) പരീക്ഷയുടെ മാർക്ക് ലിസ്റ്റുകൾ എസ്ഡിഇയുടെ (പാളയം) ഓഫീസിൽ നിന്നും 26നും 27 നും ഹാൾടിക്കറ്റുമായി വന്ന് കൈപ്പറ്റേണ്ട താണ്.
ഭാഷാവിഭവഭൂപട ശിൽപശാല ഭാഷാശാസ്ത്ര വകുപ്പിലെ യുജിസി സെന്റർ ഫോർ എൻഡെയ്ജേഡ് ലാംഗ്വേജസ് ഓഫ് കേരള (ചെൽക്ക്) കേരളത്തിന്റെ സമഗ്രമായ ഭാഷാവിഭവഭൂപടം വികസിപ്പിക്കുന്നു. പല ഘട്ടങ്ങളിലായുള്ള പ്രവർത്തന ശിൽപശാലകളിലൂടെയാണ് ഈ പദ്ധതി നടപ്പാക്കുന്നത്. ജനുവരി രണ്ടാംവാരം നടത്താൻ ഉദ്ദേശിക്കുന്ന ഈ ശിൽപശാലകളിലേക്കായി പലമേഖലകളിലെ വിദഗ്ധരുടെ ഒരു പാനൽ തയാറാക്കുന്നു. ഭാഷാശാസ്ത്രം (5), നരവംശശാസ്ത്രം (1), ജേണലിസം (1), ഡിജിറ്റൽ ഭൂപട നിർമാണം (1), ഫോക്കലോർ/ഫോട്ടോഗ്രഫി/വീഡിയോഗ്രഫി (2), ഡേറ്റാബേസ് മാനേജ്മെന്റ് (1) എന്നീ മേഖലകളിലെ വിദഗ്ധർക്ക് ഈ ശിൽപശാലകളിൽ പങ്കെടുക്കാം.
ആദിവാസി ഭാഷകളിലെ ഭാഷാ ആക്ടിവിസ്റ്റുകളെ (4) പ്രത്യേകം ക്ഷണിക്കുന്നു. അക്കാഡമിക്ക് യോഗ്യതയോടൊപ്പം, പ്രവർത്തന മികവാണ് ശിൽപശാലയിലേക്കുള്ള തെരഞ്ഞെടുപ്പിന്റെ മാനദണ്ഡം. ബയോഡേറ്റയോടൊപ്പം കേരളത്തിലെ വലുതും ചെറുതുമായ ഭാഷകളുടെ വികസനത്തിനും സംരക്ഷണത്തിനുമുള്ള നൂതന ആശയങ്ങളും 30 ന് മുൻപ് അയക്കുക. വിലാസം : Coordinator, CeLK: UGC Centre for Endangered Languages of Kerala, Dept. of Linguistics, University of Kerala, Kariavattom Campus, Thiruvananthapuram, Kerala 695581, (M) 9446084361, email:
[email protected],
[email protected]