2017 നവംബറിൽ നടത്തിയ പത്താം സെമസ്റ്റർ പഞ്ചവത്സര എൽഎൽബി, ആറാം സെമസ്റ്റർ ത്രിവത്സര എൽഎൽബി (കോമണ്) ഡിഗ്രി പരീക്ഷകളുടെ വൈവാവോസി ജനുവരി മൂന്നു മുതൽ ഒന്പതു വരെ എറണാകുളം ഗവണ്മെന്റ് ലോ കോളജിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
പിഎച്ച്ഡി നൽകി
കൊമേഴ്സിൽ രാഖിമോൾ രാജുവിനും മലയാളത്തിൽ ഷിമി പോൾ ബേബി, ബീസ പി. ഭാസ്കർ എന്നിവർക്കും ഇക്കണോമിക്സിൽ ജോബി ജോസ്, കവിത എ.സി. എന്നിവർക്കും ഗാന്ധിയൻ സ്റ്റഡീസിൽ ടി.കെ. സുനിലിനും എഡ്യൂക്കേഷനിൽ സുനിത കൃഷ്ണൻ, എ.ബി. ലിയ എന്നിവർക്കും എൻവയോണ്മെന്റൽ സയൻസസിൽ എം. സൗമ്യ, ശുഭ ശശി എന്നിവർക്കും ഫിസിയോളജിയിൽ എ.എം. സന്ധ്യയ്ക്കും മാത്തമാറ്റിക്സിൽ മേരി സാമുവലിനും ഫിസിക്സിൽ ഇ.ജെ. മനേഷ്, പി. ഹാരിസ്, സി. ഭാഗ്യരാജ്, വി. മഹാലക്ഷ്മി എന്നിവർക്കും ബയോസയൻസസിൽ സി. അനീഷിനും കെമിസ്ട്രിയിൽ ജിജി എബ്രഹാമിനും സുവോളജിയിൽ കെ.ജി. സജിക്കും സൈക്കോളജിയിൽ സുജ മാത്യുവിനും മാനേജ്മെന്റ് സ്റ്റഡീസിൽ ഗീതു അന്ന മാത്യുവിനും പിഎച്ച്ഡി അവാർഡ് ചെയ്യുന്നതിന് എംജി യൂണിവേഴ്സിറ്റി സിൻഡിക്കേറ്റ് തീരുമാനിച്ചു.
2017 ജനുവരിയിൽ നടത്തിയ ഒന്നാം സെമസ്റ്റർ എംഎസ്സി കംപ്യൂട്ടർ സയൻസ് (റെഗുലർ) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി ആറു വരെ അപേക്ഷിക്കാം.