കണ്ണൂർ സർവകലാശാലയുടെ കീഴിലുള്ള അഞ്ചാം സെമസ്റ്റർ (സിബിസിഎസ്എസ് 2015 അഡ്മിഷൻ), മൂന്നാം സെമസ്റ്റർ (2016 അഡ്മിഷൻ) ബിരുദ വിദ്യാർഥികളുടെ ഇന്‍റേണൽ അസസ്മെന്‍റ് മാർക്കുകൾ ഓണ്‍ലൈനായി ജനുവരി മൂന്നു മുതൽ ഒൻപത് വരെ സമർപ്പിക്കാം. സാക്ഷ്യപ്പെടുത്തിയ പ്രിന്‍റൗട്ട് ജനുവരി 15നുള്ളിൽ സർവകലാശാലയിൽ എത്തിക്കണം. പരീക്ഷാഫലം പ്രസിദ്ധീകരിക്കുന്നതിലെ കാലതാമസം ഒഴിവാക്കാൻ ബന്ധപ്പെട്ട കോളജുകളിലെ പ്രിൻസിപ്പൽമാരും വകുപ്പുതലവൻമാരും ഈ കാര്യം പ്രത്യേകം ഉറപ്പുവരുത്തണം. സംശയനിവാരണത്തിനായി
[email protected] എന്ന ഇമെയിൽ വിലാസത്തിലോ 0497 2715405 എന്ന ഫോണ് നന്പറിലോ ബന്ധപ്പെടാം.
എംഎസ്‌സി സ്റ്റാറ്റിസ്റ്റിക്സ് പരീക്ഷാഫലം നാലാം സെമസ്റ്റർ എംഎസ്‌സി സ്റ്റാറ്റിസ്റ്റിക്സ് (സിസിഎസ്എസ്ഏപ്രിൽ 2017) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്.
പിജി പരീക്ഷകൾ പുനഃക്രമീകരിച്ചു പഠനവകുപ്പുകളിലെ ഒന്നാം സെമസ്റ്റർ എംഎ/എംഎസ്‌സി/എംസിജെ/എംബിഎ/എംസിഎ/എംഎൽഐഎസ്‌സി, അഞ്ചാം സെമസ്റ്റർ എംസിഎ ലാറ്ററൽ എൻട്രി എന്നീ പരീക്ഷകൾ ജനുവരി 15നും മൂന്നാം സെമസ്റ്റർ എംഎ/എംഎസ്‌സി/എംസിജെ/എംബിഎ/എംസിഎ/എംഎൽഐഎസ്‌സി, മൂന്നാം സെമസ്റ്റർ എംസിഎ ലാറ്ററൽ എൻട്രി എന്നീ പരീക്ഷകൾ ജനുവരി 29നും ആരംഭിക്കുന്ന രീതിയിൽ പുനഃക്രമീകരിച്ചു.
ബിഎ ഹിന്ദി/ഫംഗ്ഷണൽ ഹിന്ദി പ്രായോഗിക പരീക്ഷകൾ അഞ്ചാം സെമസ്റ്റർ ബിഎ ഹിന്ദി/ഫംഗ്ഷണൽ ഹിന്ദി (സിബിസിഎസ്എസ്/സിസിഎസ്എസ് റഗുലർ/സപ്ലിമെന്‍ററിനവംബർ 2017) ഡിഗ്രികളുടെ പ്രായോഗിക പരീക്ഷകൾ യഥാക്രമം ജനുവരി 4, 5 തീയതികളിൽ പയ്യന്നൂർ കോളജിൽ നടത്തും. പരീക്ഷയ്ക്ക് രജിസ്റ്റർചെയ്ത വിദ്യാർഥികൾ പരീക്ഷാകേന്ദ്രവുമായി ബന്ധപ്പെടണം.
അസി. പ്രഫസർ നിയമനം കണ്ണൂർ സർവകലാശാലയുടെ ഡിപ്പാർട്ട്മെന്‍റ് ഓഫ് ഹിസ്റ്ററി ആന്‍റ് ഹെറിട്ടേജ് സ്റ്റഡീസ് അസിസ്റ്റന്‍റ് പ്രഫസർമാരുടെ ഒഴിവുകളിലേക്ക് കരാറടിസ്ഥാനത്തിൽ നിയമിക്കുന്നതിനായി ജനുവരി അഞ്ചിന് രാവിലെ 11ന് സർവകലാശാലയുടെ താവക്കര കാന്പസിൽ വാക്ക്ഇൻ ഇൻറ്റർവ്യൂ നടത്തും. ഉദ്യോഗാർത്ഥികൾ അന്നേദിവസം രാവിലെ 9.30 ന് ഹാജരാകണം. വിദ്യാഭ്യാസ യോഗ്യത: 55 ശതമാനം മാർക്കിൽ കുറയാത്ത ബന്ധപ്പെട്ട വിഷയത്തിൽ അംഗീകൃത സർവകലാശാലയിൽനിന്നുള്ള ബിരുദാനന്തര ബിരുദം. പ്രസ്തുത വിഷയത്തിൽ നെറ്റ്, പിഎച്ച്ഡി യോഗ്യതയുണ്ടായിരിക്കണം. ജോലിപരിചയമുള്ളവർക്ക് മുൻഗണന നൽകും. നെറ്റ്, പിഎച്ച്ഡി യോഗ്യതയുള്ള ഉദ്യോഗാർഥികളുടെ അഭാവത്തിൽ മറ്റുള്ളവരെയും പരിഗണിക്കും. നിയമനം കണ്ണൂർ സർവകലാശാല നിയമങ്ങൾക്ക് വിധേയമായിട്ടായിരിക്കും. തെരെഞ്ഞെടുക്കപ്പെടുന്നവർക്ക് നെറ്റ്, പിഎച്ച്ഡി യോഗ്യതയുണ്ടെങ്കിൽ പ്രതിമാസം 25,000 രൂപയും മറ്റുള്ളവർക്ക് പ്രതിമാസം 21,000 രൂപയും വേതനം ലഭിക്കും. ഇൻറ്റർവ്യൂവിന് ഹാജരാകുന്ന ഉദ്യോഗാർഥികൾ വിദ്യാഭ്യാസ യോഗ്യത, വയസ്, ജാതി, ജനന തീയതി, ജോലിപരിചയം, ദേശീയ, അന്തർദേശീയതലത്തിലുള്ള സെമിനാർ പ്രസന്‍റേഷൻസ്, പബ്ളിക്കേഷൻസ് എന്നിവ തെളിയിക്കുന്നതിനാവശ്യമായ എല്ലാ അസൽ സർട്ടിഫിക്കറ്റുകളും അവയുടെ സ്വയം സാക്ഷ്യപ്പെടുത്തിയ പകർപ്പുമായി അന്നേദിവസം രാവിലെ 9.30 ന് താവക്കര കാന്പസിലുള്ള അക്കാഡമിക് വിഭാഗത്തിൽ ഹാജരാകണം. കേരളത്തിന് പുറത്തുനിന്നും നിർദ്ദിഷ്ടയോഗ്യത നേടിയ ഉദ്യോഗാർഥികളെ കണ്ണൂർ സർവകലാശാലയിൽ നിന്നും ലഭിച്ച തുല്യതാ സർട്ടിഫിക്കറ്റ് ഹാജരാക്കാതെ ഇൻറ്റർവ്യൂവിൽ പങ്കെടുപ്പിക്കുന്നതല്ല. പൂരിപ്പിച്ച അപേക്ഷയോടൊപ്പം യൂണിവേഴ്സിറ്റിയുടെ ഫണ്ടിൽ അടച്ച 200 രൂപയുടെ ഒറിജിനൽ ചലാൻ രസീത് ഹാജരാക്കണം. അപേക്ഷാഫോമും വിശദവിവരങ്ങളും സർവകലാശാലയുടെ വെബ്സൈറ്റിൽ (www.kannuruniversity.ac.in) ലഭ്യമാണ്. സംവരണാനുകൂല്യത്തിനർഹതയുള്ളവർ നോണ് ക്രിമിലയർ സർട്ടിഫിക്കറ്റ് ഹാജരാക്കണം. നിലവിൽ മൂന്ന് വർഷം സർവീസ് പൂർത്തിയാക്കുന്ന അസിസ്റ്റന്‍റ് പ്രഫസർമാർക്ക് (കരാറടിസ്ഥാനത്തിൽ) വകുപ്പ് തലവന്‍റെ സമ്മതപത്രം ഹാജരാക്കുന്നപക്ഷം ഇന്‍റർവ്യൂവിൽ പങ്കെടുക്കാം.