ആറാം സെമസ്റ്റർ ബിടെക് ഡിഗ്രി പരീക്ഷ (2008 സ്കീം) (സപ്ലിമെന്ററി, ട്രാൻസിറ്ററി, മേഴ്സിചാൻസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി അപേക്ഷിക്കേണ്ട അവസാന തീയതി ജനുവരി 17.
എംഎ ഫലം
വിദൂര വിദ്യാഭ്യാസ വിഭാഗം ജൂലൈയിൽ നടത്തിയ ഒന്നും രണ്ടും വർഷ എംഎ ഹിസ്റ്ററി സപ്ലിമെന്ററി പരീക്ഷയുടെയും മേഴ്സിചാൻസ് പരീക്ഷയുടെയും ഫലം വെബ്സൈറ്റിൽ.
ക്ലാസുകൾ ഉണ്ടായിരിക്കുന്നതല്ല
വിദൂര വിദ്യാഭ്യാസകേന്ദ്രം നടത്തുന്ന ബികോം കോഴ്സിന് ആലപ്പുഴ സെന്ററിൽ ഇന്നും നാളെയും ക്ലാസുകൾ ഉണ്ടായിരിക്കുന്നതല്ല.
എംഫിൽ ഫലം
ഒക്ടോബറിൽ നടത്തിയ എംഫിൽ ഹിന്ദി ലാംഗ്വേജ് ആൻഡ് ലിറ്ററേച്ചർ 201617 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു.
തീയതി നീട്ടി
അറബിക് വിഭാഗം നടത്തിവരുന്ന കമ്യൂണിക്കേറ്റീവ് അറബിക് സർട്ടിഫിക്കറ്റ് കോഴ്സിന്റെ 2018 ജനുവരിയിൽ തുടങ്ങുന്ന ബാച്ചിലേക്ക് അപേക്ഷ സമർപ്പിക്കാനുള്ള അവസാന തീയതി ജനുവരി മൂന്നിലേക്ക് നീട്ടി. വിശദവിവരങ്ങൾക്ക് ഫോണ്: 9446827141.
എംഎ ഫലം
വിദൂര വിദ്യാഭ്യാസ വിഭാഗം ജൂലൈയിൽ നടത്തിയ പ്രീവിയസ് /ഫൈനൽ എംഎ സോഷ്യോളജി സപ്ലിമെന്ററി, എംഎ ഹിന്ദി സപ്ലിമെന്ററി പരീക്ഷകളുടെ ഫലം വെബ്സൈറ്റിൽ
സ്റ്റാർട്ടപ്പ് പരിശീലനം
കേരള യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോ, തിരുവനന്തപുരം ജില്ലാ എംപ്ലോയ്മെന്റ് എക്സ്ചേഞ്ചിന്റെയും കേരള സ്റ്റാർട്ടപ്പ് മിഷന്റെയും സഹകരണത്തോടെ അവസാന വർഷ എൻജിനിയറിംഗ് വിദ്യാർഥികൾക്കും, എൻജിനിയറിംഗ് ബിരുദധാരികൾക്കുമായി ജനുവരി 19 നും 20 നും സ്റ്റാർട്ടപ്പ് സംരംഭങ്ങൾ ആരംഭിക്കുന്നതുമായി ബന്ധപ്പെട്ട് രണ്ട് ദിവസത്തെ സൗജന്യ പരിശീലനം നൽകുന്നു. കേരള യൂണിവേഴ്സിറ്റിയുടെയും സാങ്കേതിക സർവകലാശാലയുടെയും കീഴിലുള്ള കോളജുകളിലെ വിദ്യാർഥികൾക്കും, എൻജിനിയറിംഗ് ബിരുദധാരികൾക്കുമാണ് പരിശീലനത്തിൽ പങ്കെടുക്കുവാൻ അർഹതയുള്ളത്. പരിശീലന പരിപാടിയിൽ പങ്കെടുക്കാൻ ആഗ്രഹിക്കുന്ന ഉദ്യോഗാർഥികൾ പിഎംജിയിലുള്ള യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുമായി ബന്ധപ്പെടുക. ബന്ധപ്പെടേണ്ട നന്പർ 04712304577.
മാർക്ക് ലിസ്റ്റുകൾ കൈപ്പറ്റണം
വിദൂര വിദ്യാഭ്യാസ കേന്ദ്രം ജൂലൈയിൽ നടത്തിയ എംഎ ഫിലോസഫി സപ്ലിമെന്ററി പരീക്ഷയുടെ മാർക്ക് ലിസ്റ്റുകൾ പാളയം എസ്ഡിഇ ഓഫീസിൽ നിന്നും ജനുവരി മൂന്നിനും നാലിനും ഹാൾടിക്കറ്റുമായി വന്ന് കൈപ്പറ്റേണ്ട താണ്.
വിദൂര വിദ്യാഭ്യാസ കേന്ദ്രം ഓഗസ്റ്റിൽ നടത്തിയ ഒന്നാം സെമസ്റ്റർ കംപ്യൂട്ടർസയൻസ് സപ്ലിമെന്ററി പരീക്ഷയുടെ മാർക്ക് ലിസ്റ്റുകൾ പാളയം എസ്ഡിഇ ഓഫീസിൽ നിന്നും ജനുവരി മൂന്നിനും നാലിനും ഹാൾടിക്കറ്റുമായി വന്ന് കൈപ്പറ്റേണ്ടതാണ്.