ബോർഡ് ഓഫ് സ്റ്റഡീസ് ചെയർമാൻമാരുടെ യോഗം
വിവിധ സിബിസിഎസ്എസ് പ്രോഗ്രാമുകളുടെ ചോദ്യബാങ്ക് തയാറാക്കുന്നതുമായി ബന്ധപ്പെട്ട്, യുജി ബോർഡ് ഓഫ് സ്റ്റഡീസ് ചെയർമാൻമാരുടെ യോഗം നാളെ ഉച്ചകഴിഞ്ഞ് രണ്ടിനു മിനി കോണ്ഫറൻസ് ഹാളിൽ നടത്തും.
എംഫിൽ ബിസിനസ് സ്റ്റഡീസ് പ്രവേശനം
201718ൽ അഫിലിയേറ്റഡ് കോളജുകളിൽ ബിസിനസ് സ്റ്റഡീസിൽ എംഫിൽ (സ്വാശ്രയം) പ്രോഗ്രാമിൽ പ്രവേശനത്തിന് 15 വരെ അപേക്ഷിക്കാം. എൻട്രൻസ് ടെസ്റ്റും അഭിമുഖവും 22ന് നടത്തുകയും, റാങ്ക്ലിസ്റ്റ് 25നു പ്രസിദ്ധപ്പെടുത്തുകയും ചെയ്യും. 29നു പ്രവേശനം നടത്തുകയും, ഫെബ്രുവരി ഒന്നിനു ക്ലാസുകൾ ആരംഭിക്കുകയും 15നു പ്രവേശനം അവസാനിപ്പിക്കുകയും ചെയ്യണം. വിശദവിവരങ്ങൾ ംംം.ാഴൗ.മര.ശി എന്ന വെബ്സൈറ്റിൽ ലഭ്യമാണ്.
പോസ്റ്റ് ഡോക്ടർ ഫെല്ലോഷിപ്പ്
ഫുൾടൈം ഗവേഷണത്തിനായി ഏർപ്പെടുത്തിയിട്ടുള്ള പോസ്റ്റ് ഡോക്ടർ ഫെല്ലോഷിപ്പിന് 31 വരെ നിശ്ചിതഫോറത്തിലുള്ള അപേക്ഷകൾ സർവകലാശാലാ പഠനവകുപ്പുകളിൽ സ്വീകരിക്കും. അപേക്ഷാഫോറം സർവകലാശാലാ ജനറൽ സ്റ്റോറിലും മാതൃകയും വിശദാംശങ്ങളും ംംം.ാഴൗ.മര.ശി എന്ന വെബ്സൈറ്റിലും ലഭ്യമാണ്.
പ്രൈവറ്റ് എംഎ/എംഎസ്സി പരീക്ഷാകേന്ദ്രം
നാലിന് ആരംഭിക്കുന്ന നാലാം സെമസ്റ്റർ പ്രൈവറ്റ് എംഎ/എംഎസ്സി പരീക്ഷകൾക്ക് എറണാകുളം സെന്‍റ് ആൽബർട്ട്സ് കോളജ് പരീക്ഷാകേന്ദ്രമായി തെരഞ്ഞെടുത്തവർ കളമശേരി സെന്‍റ് പോൾസ് കോളജിൽ പരീക്ഷയെഴുതേണ്ടതാണ്. വിശദവിവരങ്ങൾ സർവകലാശാലാ വെബ്സൈറ്റിൽ ലഭ്യമാണ്.
ബികോം സൂക്ഷ്മപരിശോധന
2016 നവംബറിൽ നടത്തിയ ഒന്നാം സെമസ്റ്റർ ബികോം സിബിസിഎസ്എസ് പരീക്ഷയുടെ ഉത്തരക്കടലാസ് സൂക്ഷ്മപരിശോധനയ്ക്ക് അപേക്ഷിച്ചവർ നാലു മുതൽ ആറു വരെ തീയതികളിൽ തിരിച്ചറിയൽ രേഖയുമായി സിൽവർ ജൂബിലി പരീക്ഷാഭവനിലെ 225ാം നന്പർ മുറിയിൽ സൂക്ഷ്മപരിശോധനയ്ക്കായി ഹാജരാകണം.
പരീക്ഷാഫലം
2017 ഡിസംബറിൽ നടത്തിയ നാലാം വർഷ ബിഎസ്സി മെഡിക്കൽ റേഡിയോളജിക്കൽ ടെക്നോളജി ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി.
ബയോമെറ്റീരിയൽ ശില്പശാല 7 മുതൽ
മഹാത്മാഗാന്ധി സർവകലാശാലയും സ്വീഡനിലെ സ്റ്റോക്ഹോം യൂണിവേഴ്സിറ്റിയും സംയുക്തമായി സംഘടിപ്പിക്കുന്ന ന്ധബയോമെറ്റീരിയൽസ് ഫോർ ടുമോറോ (ആ4ഠ)’ എന്ന അന്തർദ്ദേശീയ ശില്പശാല ഏഴ് മുതൽ ഒന്പതു വരെ കൊച്ചി മാരിയറ്റ് ഹോട്ടലിൽ നടത്തും. വൈസ് ചാൻസലർ ഡോ. ബാബു സെബാസ്റ്റ്യൻ ഉദ്ഘാടനം ചെയ്യുന്ന ചടങ്ങിൽ പ്രോ വൈസ് ചാൻസലർ പ്രഫ. സാബു തോമസ്, പ്രഫ. അജി മാത്യു എന്നിവർ പ്രസംഗിക്കും. ബയോ ഉൽപ്പന്നങ്ങളുടെ ഭാവി സാദ്ധ്യതകളെ ശാസ്ത്രലോകത്തിനു പരിചയപ്പെടുത്തുക എന്നതാണ് ശില്പശാലയുടെ ലക്ഷ്യം. ഗവേഷകർക്കും ബയോമെറ്റീരിയൽ വ്യവസായ രംഗത്തുള്ളവർക്കും ഈ മേഖലയിലെ നൂതന സാധ്യതകളെ ശാസ്ത്രീയമായി അപഗ്രഥിക്കാനുള്ള അവസരമൊരുക്കും. പ്രഫ. ക്രിസ്റ്റീന ഓക്സ്മാൻ, അലൈൻ ഡ്യു ഫെറൻസി, പ്രഫ. ഇഷാഖ് അഹമ്മദ്, ജോസഫ് സാമെക്, ശ്രീരാജ് ഗോപി, അലക്സാണ്ടർ ബിസ്മാർക്ക്, പ്രഫ. ഹേലി കാംഗാസ് എന്നിവരാണ് മുഖ്യപ്രഭാഷണം നടത്തും. നൂറിലധികം ബയോമെറ്റീരിയൽ ശാസ്ത്രജ്ഞർ പങ്കെടുക്കുന്ന ശില്പശാലയിൽ പ്ലീനറി പ്രഭാഷണങ്ങൾ, ബ്രെയിൻ സ്റ്റോമിംഗ് സെഷനുകൾ, പോസ്റ്റർ പ്രദർശനങ്ങൾ എന്നിവയും ഉണ്ടായിരിക്കും. മികച്ച പോസ്റ്ററിന് കയർബോർഡ് സ്പോണ്സർ ചെയ്യുന്ന ഉപഹാരം സമ്മാനിക്കും. ഫോണ്: 7025921175.
പ്രോജക്ട് ഫെല്ലോ ഒഴിവ്
ഇന്‍റർനാഷണൽ ആൻഡ്് ഇൻർ യൂണിവേഴ്സിറ്റി സെന്‍റർ ഫോർ നാനോ സയൻസ് ആൻഡ്് നാനോ ടെക്നോളജിയും സിഎസ്ഐആർ ലാബും സംയുക്തമായി നടത്തുന്ന പ്രോജക്ടിൽ പ്രോജക്ട് ഫെല്ലോ ഒഴിവുണ്ട്. ഫിസിക്സ്/കെമിസ്ട്രി/മെറ്റീരിയൽ സയൻസ് എന്നീ ബ്രാഞ്ചുകളിലുള്ള ബിരുദാനന്തര ബിരുദവും സിഎസ്ഐആർ/യുജിസി ഫെല്ലോഷിപ്പുമാണ് യോഗ്യത. താല്പര്യമുള്ളവർ അപേക്ഷയും ബയോഡാറ്റയും, പ്രിൻസിപ്പൽ ഇൻവെസ്റ്റിഗേറ്റർ, ഐഐയുസിഎൻഎൻ സിഎസ്ഐആർ പ്രോജക്ട്, ഐഐയുസിഎൻഎൻ, മഹാത്മാഗാന്ധി സർവകലാശാല, പ്രിയദർശിനി ഹിൽസ്, കോട്ടയം 686560 എന്ന വിലാസത്തിൽ 10നകം സമർപ്പിക്കണം.